အာနိုးလ်ကို တွန်းအားပေးမယ့်သူ လိုနေပြီလို့ ထောက်ပြခဲ့တဲ့ ကာရေဂါ၊ ချန်ပီယံလိဂ် ကနေ ထွက်ခဲ့ရပေမယ့် ဒေါသမထွက်ဘူးလို့ ပြောလာတဲ့ ကလောပ့် စတဲ့ သတင်းတွေ အပါအဝင် မတ် ၁၇ ရက်နေ့ရဲ့ ချန်ပီယံလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။
အာနိုးလ်က အသင်း အတွက် မလုံလောက်တော့ကြောင်း ထောက်ပြခဲ့တဲ့ ကာရေဂါ
အာနိုးလ်ဟာ ကလောပ့် လက်ထက် လစ်ဗာပူးလ် အသင်း အောင်မြင်မှုတွေ ရယူခဲ့ရာမှာ အဓိက အရေးကြီးတဲ့ အခန်းကဏ္ဍ ကနေ ပါဝင်ခဲ့ပြီး ကမ္ဘာ့ အကောင်းဆုံး ညာနောက်ခံလူတွေ ထဲက တစ်ဦး အဖြစ် သတ်မှတ်ခံခဲ့ရတာပါ။
ဒါပေမယ့် အာနိုးလ်ဟာ အခုနောက်ပိုင်း နှစ်တွေမှာ ခြေစွမ်းပိုင်း ကျဆင်းနေခဲ့တာ ဖြစ်ပါတယ်။ လစ်ဗာပူးလ် အသင်းဟာ ရီးရဲလ်မက်ဒရစ်ကို နှစ်ကျော့ပေါင်း ရလဒ် ၆-၂နဲ့ အရေးနိမ့်ပြီး ချန်ပီယံလိဂ် ကနေ ထွက်ခဲ့ရတဲ့ ပွဲမှာ ဗင်နီးစီးယပ်စ်ကို ထိန်းချုပ်နိုင်ခဲ့ခြင်း မရှိဘဲ လစ်ဗာပူးလ် အတွက် ရွေးချယ်စရာ တစ်ဦးတည်းသော ညာနောက်ခံလူ အဖြစ် ရှိနေခဲ့တာပါ။
ကာရေဂါက “ သူတို့ဟာ ဒီနေရာ အတွက် ပြိုင်ဆိုင်မှု မရှိပါဘူး။ လစ်ဗာပူးလ်ဟာ ညာနောက်ခံလူ ခေါ်ယူဖို့ကို လိုအပ်နေပါပြီ။ ဒီကောင်လေး အတွက် ပြိုင်ဆိုင်မှု ပြင်းထန်ဖို့ လိုအပ်ပါတယ်။ သူဟာ ထိပ်တန်း အဆင့်မှာ ရှိပြီး ၅ နှစ်လုံး အပတ်တိုင်း ဝင်ရောက် ကစားနေတာပါ။ သူဟာ ကောင်းမွန်စွာ စွမ်းဆောင်နိုင်လို့ ဂုဏ်ယူပါတယ်။ ဒါပေမယ့် သူ့အတွက် အကူအညီ လိုအပ်ပါတယ်။ သူ့ရဲ့ ခံစစ် စွမ်းဆောင်ရည်က မလုံလောက်ဘူး ဆိုတာ သိပါတယ်။ ဘယ်တော့မှ လုံလောက်မှာလဲ ဆိုတာ ကျွန်တော်မသိပါဘူး” လို့ ပြောဆိုခဲ့ပါတယ်။
ချန်ပီယံလိဂ် ကနေ ထွက်ခဲ့ရပေမယ့် ဒေါသမထွက်ဘူးလို့ ပြောလာတဲ့ ကလောပ့်
လစ်ဗာပူးလ်ဟာ ရီးရဲလ်ကို နှစ်ကျော့ပေါင်း ရလဒ် ၆-၂နဲ့ အရေးနိမ့်ပြီး ချန်ပီယံလိဂ် ၁၆ သင်း အဆင့် ကနေ ထွက်ခွာခဲ့ရပေမယ့် ဒေါသ မထွက်ဘူးလို့ နည်းပြ ဖြစ်သူ ယာဂင် ကလောပ့်က ပြောလိုက်ပါတယ်။ ကလော့ပ် အတွက်တော့ ရီးရဲလ်နဲ့ တွေ့တိုင်း အသာစီး မရတဲ့ စံချိန်ကို မချိုးဖျက်နိုင်သေးတာလည်း ဖြစ်ပါတယ်။
ကလောပ့်က “ ကျွန်တော် တို့ဟာ ပထမအကျော့က ၃ ဂိုး ကွာခြားချက်နဲ့ ဒီကို လာခဲ့ရတာပါ။ ဒါကြောင့် အထူး ကောင်းမွန်တဲ့ စွမ်းဆောင်ရည်ကို ပြဖို့ လိုအပ်ခဲ့ပေမယ့် ကျွန်တော်တို့ လုပ်ဆောင်နိုင်ခဲ့ခြင်း မရှိပါဘူး။ ကျွန်တော်တို့ဟာ ကောင်းမွန်တဲ့ စွမ်းဆောင်ရည်ကို ပြသနိုင်တဲ့ အချိန်ရှိခဲ့ပေမယ့် ရီးရဲလ် ကသာ ပွဲကို ထိန်းချုပ်သွားခဲ့ပြီး သူတို့က ပိုကောင်းတဲ့ အခွင့်အရေးတွေကို ရရှိခဲ့ပါတယ်”
“ ဒါကို ကျော်ဖြတ်ချင်တယ် ဆိုရင်တော့ ထူးချွန်ဖို့လိုပါတယ်။ နိုင်ပွဲ ရယူချင်ရင် တကယ်ကောင်းဖို့ လိုအပ်ပါတယ်။ မက်ဒရစ်က ပိုကောင်းတဲ့ အတွက် မှန်ကန်တဲ့ အသင်းကသာ နောက်တစ်ဆင့်ကို တက်လှမ်းနိုင်မှာပါ။ ချန်ပီယံလိဂ် ကနေ ထွက်ခဲ့ရတဲ့ အတွက် ဒေါသမထွက်ပါဘူး။ စိတ်ပျက်ရုံပါပဲ” လို့ ဆိုခဲ့ပါတယ်။
လစ်ဗာပူးလ်က ဧပြီလ ၁ ရက်မှာ ပရီးမီးယားလိဂ်ပွဲ ပြန်ကစားရမှာ ဖြစ်ပြီး မန်စီးတီးနဲ့ ယှဉ်ပြိုင်ရမှာ ဖြစ်ပါတယ်။
သူ့စကားနဲ့ သူ လှောင်ပြောင်ခံနေရတဲ့ ယာဂင် ကလော့ပ်
လစ်ဗာပူးလ် နည်းပြ ယာဂင် ကလော့ပ်ကတော့ ရီးရဲလ်မက်ဒရစ်ကို အရေးနိမ့်အပြီးမှာ သူ့ရဲ့ ပြီးခဲ့တဲ့ နှစ်က ချန်ပီယံလိဂ် ဗိုလ်လုပွဲ အပြီး ပြောဆိုခဲ့တဲ့ စကားတစ်ခွန်း အတွက် လှောင်ပြောင်ခံနေရပါတယ်။ ကလော့ပ်ရဲ့ အသင်းဟာ ရီးရဲလ်မက်ဒရစ်ကို နှစ်ကျော့ပေါင်း ရလဒ် ၆-၂ နဲ့ အရေးနိမ့်ကာ ထွက်ခွာခဲ့ရတာလည်း ဖြစ်ပါတယ်။
ပြီးခဲ့တဲ့ ရာသီ ချန်ပီယံလိဂ် ဗိုလ်လုပွဲတုန်းက ဒီနှစ်သင်း တွေ့ဆုံခဲ့ရာ မှာလည်း လစ်ဗာပူးလ်တို့ အရေးနိမ့်ခဲ့ပါတယ်။ အဲဒီပွဲ အပြီးမှာ ကလော့ပ်က “ လာမယ့်နှစ် ချန်ပီယံလိဂ် ဗိုလ်လုပွဲက ဘယ်မှာလဲ၊ အစ္စတန်ဘူလ် မှာလား၊ ဟိုတယ်တွေ ကြိုပြီးတော့ ဘွတ်ကင် လုပ်ထားပါ” ဆိုပြီး သူ့အသင်း ဗိုလ်လုပွဲဆီ နောက် တစ်ကြိမ် လာခဲ့မယ်လို့ ကြုံးဝါးခဲ့တာပါ။ ဒါပေမယ့် အခုတော့ ၁၆ သင်း အဆင့် ကနေ လှည့်ပြန်ခဲ့ရပြီ ဖြစ်ပြီး သူ့ရဲ့ ပြောဆိုမှုတွေ ကလည်း ပြန်လည် ထွက်ပေါ်လာခဲ့တာပါ။ နိုင်ငံတကာ အားကစားသတင်းဌာနတွေက ဒီပြောဆိုမှုကို ပြန်လည် ဖော်ပြခဲ့ကြပြီး ပရိသတ်တွေ အကြား မှာလည်း လှောင်ပြောင်စရာ ကိစ္စ တခု အဖြစ် ရှိနေကာ ကလော့ပ် အတွက် ပိုပြီး အရှက်ရစရာ ဖြစ်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
