ဒီပွဲမတိုင်ခင် ပြောခဲ့သလိုပါပဲ။ အေစီမီလန် အတွက် ဒေါ့မန်နဲ့ ပွဲက အင်မတန်ကို အရေးပါခဲ့ပါတယ်။ ဒါပေမယ့်လည်း အေစီမီလန်တို့ အခုထိ ချန်ပီယံလိဂ်မှာ နိုင်ပွဲ မရှာဖွေနိုင်ဘဲ သရေ တစ်
မှတ်နဲ့ ကျေနပ်ခဲ့ရပြန်ပါတယ်။
ပိုပြီးဆိုးတဲ့ အချက်က အခုချိန်အထိ ချန်ပီယံလိဂ် (၂) ပွဲ ကစားပြီးချိန်မှာ တစ်ဂိုးမှ မသွင်းနိုင်သေးတာပါပဲ။ နောက်တစ်ဆင့် တက်ချင်တဲ့ အသင်း အတွက် အုပ်စု အဖွင့်ပွဲက ခြေချော်ခဲ့ရင်တောင် ဒုတိယပွဲစဉ်က သေချာပေါက် နိုင်သင့်ပါပြီ။
ဒါပေမယ့် ဒါကို အေစီမီလန်တို့ မလုပ်နိုင်ခဲ့ပါဘူး။ နောက်ပြီး ခြေစွမ်းပိုင်းအရ ကြည့်ရင်လည်း ဘာမှ စိတ်ဝင်စားဖို့ မကောင်းခဲ့ဘဲ ဒေါ့မန်နဲ့ သူတင်ကိုယ်တင် ယှဉ်ကစားခဲ့ရတာပဲ ရှိပါတယ်။ ဂိုးသမားကောင်းလို့ သက်သာခဲ့ရတဲ့ပွဲ လို့တောင် ဆိုရမှာ ဖြစ်ပြီး ဒီလိုမှ မဟုတ်ရင်တော့ ရှုံးပွဲနဲ့ပါ ကြုံတွေ့သွားနိုင်ပါတယ်။
အုပ်စု အဖွင့်ပွဲ ဖြစ်တဲ့ နယူးကာဆယ်နဲ့ ပွဲမှာ တဒိုင်းဒိုင်း ကန်ခဲ့ပေမယ့် ပြိုင်ဘက် ဂိုးသမား နစ်ပုပ် လက်စွမ်းပြခဲ့လို့ တိုင်ပတ်ခဲ့ရပြီး အခု အဝေးကွင်းမှာ ကျတော့ ကိုယ့်ဂိုးသမား ကောင်းသွားလို့ တိုင်မပတ်ခဲ့တာပါ။ အိုလစ်ဗီယာ ဂျရူး၊ ခရစ္စတီယန် ပူလီဆစ်၊ ရာဖေးလ် လီယောင်တို့ ဘာမှမလုပ်နိုင်ခဲ့ဘဲ ကွင်းလယ်ပိုင်း ကလည်း လွှမ်းမိုးနိုင်စွမ်း မရှိခဲ့ပါဘူး။
ပီအိုလီရဲ့ အဓိက ပြဿနာက အသင်းပုံစံကောင်း ရနေချိန်မှာ ဘာပြဿနာမှ မရှိပေမယ့် အသင်း အတွက် အရေးကြီးနေချိန်၊ မိုးထဲရေထဲ ရောက်နေချိန် ဆိုရင် ဘာအပြောင်းအလဲမှ မလုပ်နိုင်တာပါပဲ။ ဒါကို ပြီးခဲ့တဲ့ ရာသီတွေမှာ ကတည်းက မြင်တွေ့ခဲ့ရတာပါ။
ကယ်တင်ရှင် ကစားသမား တစ်ယောက် ဒါမှမဟုတ် နှစ်ယောက် ကိုသာ ဦးတည် မှီခိုခဲ့ရပြီး ပီအိုလီ ဆီက ဘာ ဗျူဟာ အပြောင်းအလဲ ကိုမှ မျှော်လင့်လို့ မရခဲ့ပါဘူး။ ဒီလိုအခြေအနေမျိုးမှာမှ ကစားသမားဆီက လိုအပ်တဲ့ Outcome ကို မရရှိခဲ့ဘူး ဆိုရင် အသင်းရဲ့ ရလဒ်ပိုင်းက တိုင်ပတ်သွားပါပြီ။
အခု ချန်ပီယံလိဂ်မှာ အေစီမီလန် ဖြစ်နေတဲ့ ပြဿနာက အဲ့ဒါပါပဲ။ အသင်းက ဒီရာသီ စီးရီးအေမှာ ပုံစံကောင်း ပြထားတာကို လက်ခံရပါမယ်။ တစ်ပွဲတည်း ရှုံးထားပြီး အဲ့ဒီပွဲက အင်တာမီလန်ကို ဂိုးပြတ် ရှုံးခဲ့တာပါ။ ဒီပွဲမှာလည်း အသင်း အတွက် အရေးကြီးနေချိန်မှာ ဘာအပြောင်းအလဲမှ မလုပ်နိုင်ခဲ့ပါဘူး။
ပီအိုလီ ကတော့ ပွဲအပြီးမှာ ဂိုးပြတ် ရှုံးပွဲက ရည်ရွယ်ရှုံးတာ မဟုတ်လို့ မတောင်းပန်ဘူး ပြောခဲ့ပေမယ့် သူပြောတာကြီးက ကြောင်တော့ ကြောင်ပါတယ်။ ဒီလို အဆင့်ပွဲမျိုးမှာ လုပ်ပွဲက လွဲရင် ဘယ်သူကမှ ရည်ရွယ်ပြီး မရှုံးပါဘူး။ ရုန်းရင်း နစ်ရင်းနဲ့ပဲ ဒါဘီ ပြိုင်ဘက်ကို ဒီလိုမျိုး ဂိုးပြတ်ကြီး ရှုံးခဲ့တာပါ။
ဘာပဲဖြစ်ဖြစ် အေစီမီလန်တို့ ချန်ပီယံလိဂ် မရဏအုပ်စုမှာ နောက်တစ်ဆင့် တက်ဖို့ ဆိုရင်တော့ အခြေအနေတွေကို ပြောင်းလဲဖို့ လိုအပ်လာပါပြီ။ နောက်နှစ်ပွဲ ဆက်တိုက်က ပီအက်စ်ဂျီနဲ့ပါ။ ဒီပုံစံ အတိုင်း ဆက်သွားနေရင် အေစီမီလန်တို့ မျှော်လင့်ချက်မဲ့သွားနိုင်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
