ဘွန်ဒက်စ်လီဂါ ကလပ် ဘေယန်မြူးနစ် အသင်း ကတော့ ခရစ္စတယ်ပဲလေ့စ် ကွင်းလယ်လူ မိုက်ကယ် အိုလစ်ဆီကို ပေါင် ၄၅ သန်း+အပိုဆုကြေး ပေါင် ၅ သန်း ဝန်းကျင်နဲ့ ၅ နှစ် စာချုပ်ချုပ်ဆိုခဲ့တာ ခေါ်ယူနိုင်ခဲ့ပြီလည်း ဖြစ်ပါတယ်။ ဘေယန်မြူးနစ်ဟာ ပရီးမီးယားလိဂ် ထိပ်သီး ကလပ်တွေ ဖြစ်တဲ့ မန်ချက်စတာယူနိုက်တက်နဲ့ ချဲလ်ဆီး တို့ကို နောက်ကောက်ချကာ အိုလစ်ဆီကို အရ ခေါ်ယူသွားနိုင်ခဲ့တာလည်း ဖြစ်ပါတယ်။
အသက် ၂၂ နှစ် အရွယ် ပြင်သစ် ညာတောင်ပံ ကစားသမားဟာ အင်္ဂလန် ကလပ် ရက်ဒင်းနဲ့ အတူ စတင် တောက်ပလာခဲ့သူ ဖြစ်ပါတယ်။ ၂၀၂၁ ခုနှစ် မှာတော့ ပရီးမီးယားလိဂ် ကလပ် ခရစ္စတယ်ပဲလေ့စ်ကို ပြောင်းရွှေ့ခဲ့ပြီး ၃ ရာသီ အတွင်း ပွဲပေါင်း ၉၀ ကစားကာ ၁၆ ဂိုး သွင်းယူပေးခဲ့ပါတယ်။ အိုလစ်ဆီဟာ အစောပိုင်း ရာသီတွေမှာ လူသိများခြင်း မရှိခဲ့ပေမယ့် ပြီးခဲ့တဲ့ ရာသီက ၁၉ ပွဲ ကစားရာမှာ ၁၀ ဂိုးသွင်းကာ ၆ ဂိုး ဖန်တီးနိုင်ခဲ့တဲ့ သူ့ရဲ့ စွမ်းဆောင်ရည်ကြောင့် ဥရောပထိပ်သီး ကလပ်တွေရဲ့ မျက်စိကျခြင်းခံခဲ့ရတာ ဖြစ်ပါတယ်။
ဒါ့အပြင် မိုက်ကယ် အိုလစ်ဆီက ပါရီ အိုလံပစ်မှာ ဝင်ရောက် ကစားဖို့ အတွက် ပြင်သစ် လက်ရွေးစင် အသင်း အတွက် ရွေးချယ်ထားခံထားရပြီး အနာဂတ်မှာ အခုထက် ပိုမိုတောက်ပလာဦးမယ့် ကစားသမား အဖြစ် သတ်မှတ်ခံထားရတာ ဖြစ်ပါတယ်။ ယူနိုက်တက်နဲ့ ချဲလ်ဆီးဟာ အိုလစ်ဆီကို အသည်းအသန် ခေါ်ယူချင်ခဲ့ပေမယ့် ဘေယန်မြူးနစ်ရဲ့ ကြိုးပမ်းမှု အပြင် ကစားသမားရဲ့ ရွေးချယ်မှုတွေကြောင့် ပရီးမီးယားလိဂ် ကလပ်တွေ အနေနဲ့ နောက်ကျကျန်ခဲ့ရတာ ဖြစ်ပါတယ်။
မိုက်ကယ် အိုလစ်ဆီ အနေနဲ့ ယူနိုက်တက်နဲ့ ချဲလ်ဆီးကို ကျော်ပြီး ဘွန်ဒက်စ်လီဂါ ကလပ် ဘေယန်မြူးနစ်ကို ဘာကြောင့် ရွေးချယ် ဖြစ်ခဲ့သလို ဆိုတာနဲ့ ပတ်သတ်လို့တော့ အခုလိုပဲ ပြောကြားလာခဲ့ပါတယ်။ မိုက်ကယ် အိုလစ်ဆီက “ဘေယန်မြူးနစေနဲ့ ဆွေးနွေးမှုတွေ လုပ်ဆောင်ရတာက အရမ်းကို အပြုသဘောဆောင်ခဲ့ပါတယ်။ နောက်ပြီး ဒီလောက်အထိ ကြီးကျယ် ခမ်းနားတဲ့ အသင်းကြီး အတွက် ကစားပေးရတော့မို့လို့လည်း အရမ်းကို ပျော်ရွှင်မိပါတယ်။” လို့ ဆိုပါတယ်။
ဆက်လက်ပြီး အိုလစ်ဆီက “ဒါက ကျွန်တော့် အတွက်လည်း ကြီးမားတဲ့ စိန်ခေါ်မှုကြီး တစ်ခု ဖြစ်ပါတယ်။ ကျွန်တော် သေချာပေါက်ကို ရှာဖွေနေတဲ့ စိန်ခေါ်မှု တစ်ခုပါ။ ဒီအဆင့်မှာ ကျွန်တော် ကိုယ့်ကိုကိုယ် သက်သေပြချင်နေပြီး လာမယ့် နှစ်တွေထဲ ကျွန်တော့် အသင်းနဲ့အတူ ရနိုင်သမျှ ဆုဖလားတွေကို များများ ရယူသွားနိုင်ဖို့က ကျွန်တော့်ရဲ့ ရည်မှန်းချက် ဖြစ်ပါတယ်” လို့ ပြောဆိုသွားခဲ့တာ ဖြစ်ပါတယ်။
အသက် ၂၂ နှစ် အရွယ် ပြင်သစ် ယူ-၂၁ တောင်ပံနဲ့ ကွင်းလယ် တိုက်စစ် ကစားသမား မိုက်ကယ် အိုလစ်ဆီဟာ အာဆင်နယ်၊ ချဲလ်ဆီးနဲ့ မန်ချက်စတာစီးတီး လူငယ်အကယ်ဒမီတွေ ဖြတ်သန်းခဲ့ဖူးသူ ဖြစ်ပါတယ်။ ခရစ္သတယ်ပဲလေ့စ် အသင်းထံ ရောက်ရှိသွားချိန်မှာလည်း သူရဲ့ အရည်အသွေးကောင်းတွေကို ပြသနိုင်ခဲ့တာကြောင့် ပရီးမီးယားလိဂ် ထိပ်သီး အသင်းတွေရဲ့ ပစ်မှတ် ဖြစ်လာခဲ့သူပါ။ အိုလစ်ဆီဟာ ပြီးခဲ့တဲ့ ဘောလုံးရာသီက ချဲလ်ဆီး အသင်းထံ ပြောင်းရွှေ့ဖို့ အနီးစပ်ဆုံး အခြေအနေ အထိ ရောက်ရှိခဲ့ပြီးတော့ ဒီနွေမှာတော့ ချဲလ်ဆီး အပြင် ယူနိုက်တက် ကပါ စိတ်ဝင်စားခဲ့တာ ဖြစ်ပါတယ်။ ဒါပေမယ့်လည်း အိုလစ်ဆီ ကတော့ နောက်ဆုံးမှာ ဗင်းန်ဆင့် ကွန်ပနီရဲ့ ဘေယန်မြူးနစ် အသင်းထံ ပြောင်းရွှေ့သွားခဲ့တာ ဖြစ်ပါတယ်။မိုက်ကယ် အိုလစ်ဆီဟာ ဘွန်ဒက်စ်လီဂါ ကလပ် ဘေယန်မြူးနစ် နည်းပြသစ် ဗင်းန်ဆင့် ကွန်ပနီရဲ့ စိတ်ကြိုက် ကစားသမား ဖြစ်လာဖို့ ရှိပြီး လာမယ့် ရာသီမှာ အဓိက ပွဲထွက်ကစားသမားလည်း ဖြစ်လာဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
