ဒေါ့မန်မှာ ဆက်ကစားမယ် ဆိုရင် လစာလျှော့ယူရမယ့် မာကို ရိုက်စ်၊ နော်အာရဲ့ နေရာကို သိမ်းပိုက်ဖို့ ကြံရွယ်နေတဲ့ တာစတီဂန် (ဘွန်ဒက်စ်လီဂါ နောက်ဆုံးရ သတင်းများ)

ဒေါ့မန်မှာ ဆက်ကစားမယ် ဆိုရင် လစာလျှော့ယူရမယ့် မာကို ရိုက်စ်၊ နော်အာရဲ့ နေရာကို သိမ်းပိုက်ဖို့ ကြံရွယ်နေတဲ့ တာစတီဂန် စတဲ့ သတင်းတွေ အပါအဝင် ဖေဖော်ဝါရီလ ၂၈ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ဒေါ့မန်မှာ ဆက်ကစားမယ် ဆိုရင် လစာလျှော့ယူရမယ့် မာကို ရိုက်စ်

ဂျာမန် ဘွန်ဒက်လီဂါ ကလပ် ဒေါ့မန်ဟာ အသင်းခေါင်းဆောင် မာကို ရိုက်စ်ကို စာချုပ်သစ် ကမ်းလှမ်းဖို့ အတွက် အသင့်ဖြစ်နေပြီလို့ ဆိုပါတယ်။ ဒါပေမယ့်လည်း ကွင်းလယ် တိုက်စစ်ကစားသမား အနေနဲ့ အသင်းမှာ ဆက်နေမယ် ဆိုရင် လစာငွေ သိသိသာသာ ဖြတ်တောက်ခံရမှာ ဖြစ်တယ်လို့လည်း သိရကာ သူ့ရဲ့ ဆုံးဖြတ်ချက်ကို စောင့်ဆိုင်းရမှာ ဖြစ်ပါတယ်။ 

မာကို ရိုက်စ်ရဲ့ စာချုပ်ဟာ ရာသီကုန်မှာ ကုန်ဆုံးတော့မှာ ဖြစ်ပြီး လက်ရှိအချိန်ထိ စာချုပ်သစ် မချုပ်ရသေးတာ ဖြစ်ပါတယ်။ ဂျာမန်သတင်းစာ Bild ကတော့ ကစားသမားဟာ လစာငွေ ၅၀% အထိ လျှော့ချခံရလိမ့်မယ်လို့ ဖော်ပြခဲ့ပြီး သူ့ရဲ့ အသက်အရွယ်နဲ့ ပွဲကစားနိုင်မှု အခြေအနေတွေကြောင့် လို့လည်း ယူဆရပါတယ်။ 

အသက် ၃၃ နှစ် အရွယ် မာကိုရိုက်စ်ဟာ ဒေါ့မန်မှာ နှစ်ပေါင်းများစွာ ကစားပေးခဲ့ပြီး ဘေယန်မြူးနစ်ရဲ့ စိတ်ဝင်စားမှုကို ရရှိခဲ့ပေမယ့် ငြင်းဆန်ခဲ့သူ ဖြစ်ပါတယ်။ ဒါပေမယ့် သူဟာ ဒဏ်ရာ ပြသနာတွေကြောင့် အနားယူရချိန်တွေလည်း များပြားခဲ့ကာ သူ့ရဲ့ အကောင်းဆုံး အချိန်တွေကို အနားယူရင်းနဲ့ ကုန်ဆုံးခဲ့ရသူလည်း ဖြစ်ပါတယ်။ 

မာနေး ပြန်ကစားနိုင်လို့ ဝမ်းသာနေတဲ့ လစ်ဗာပူးလ် အသင်းဖော်ဟောင်းများ

ဘေယန်မြူးနစ် တိုက်စစ်မှူး ဆာဒီယို မာနေး ကတော့ လအတန်ကြာ အနားယူခဲ့ရာ ကနေ ဒဏ်ရာက ပြန်လည် သက်သာလာခဲ့ပြီ ဖြစ်လို့ အသင်းနဲ့ အတူ ပြန်လည် ကစားပေးနိုင်တော့မှာ ဖြစ်ပါတယ်။ မာနေးဟာ ပြီးခဲ့တဲ့နှစ် နိုဝင်ဘာလ အတွင်းမှာ ခြေထောက် ဒဏ်ရာရရှိခဲ့လို့ အနားယူခဲ့ရတာ ဖြစ်ပြီး အခုမှသာ ပြန်ကစားနိုင်တော့မှာ ဖြစ်ပါတယ်။ 

ပြီးခဲ့တဲ့ ယူနီယံဘာလင်နဲ့ ပွဲမှာ မာနေးက အသင်း အတွက် လူစားဝင် ကစားပေးခဲ့ပြီး ပီအက်စ်ဂျီနဲ့ ကစားရမယ့် ချန်ပီယံလိဂ် ၁၆ သင်း အဆင့် ရှုံးထွက် ဒုတိယအကျော့ကို ပါဝင်နိုင်တော့မှာလည်း ဖြစ်ပါတယ်။ အသင်း အတွက် ကစားပေးနိုင်ခဲ့တဲ့ နောက်မှာ မာနေးက အင်စတာဂရမ်မှာ သူ ကစားနေတဲ့ ဓာတ်ပုံကို ဖော်ပြခဲ့ပြီး ပျော်ရွှင်မိတယ်လို့ ဆိုခဲ့ပါတယ်။ 

မာနေးရဲ့ အဆိုပါ ပို့စ်ကို လစ်ဗာပူးလ် အသင်းဖော်ဟောင်းတွေ ဖြစ်တဲ့ ဂျော်ဒန် ဟန်ဒါဆန်၊ ကိုနာတေး၊ ဗန်ဒိုက်ခ်၊ ရောဘတ်ဆန်၊ ဖာမီနို၊ လူး၀စ္စ ဒီယက်ဇ်နဲ့ လော်ဗရန် တို့က Like ပေးခဲ့ပြီး ဝမ်းမြောက်ကြောင်း ဖော်ပြခဲ့ပါတယ်။ မာနေးဟာ ဒီရာသီ အစကမှ လစ်ဗာပူးလ် ကနေ ဘေယန်မြူးနစ်ကို ပြောင်းရွှေ့ခဲ့တာ ဖြစ်ပါတယ်။

နော်အာရဲ့ နေရာကို သိမ်းပိုက်ဖို့ ကြံရွယ်ထားတဲ့ တာစတီဂန်

လာလီဂါ ကလပ် ဘာစီလိုနာ အသင်းရဲ့ ဂိုးသမား မာ့ခ် တာစတီဂန်ဟာ ယူရို ၂၀၂၄ ပြိုင်ပွဲမှာ ဂျာမနီ အသင်းရဲ့ ဂိုးပေါက်၀ကို စောင့်ရှောက်ပေးချင်နေပါတယ်။ ဘွန်ဒက်စ်လီဂါ ဝါရင့် ဂိုးသမား မန်နူရယ် နော်အာက ဂျာမနီရဲ့ နံပါတ်တစ် ဂိုးသမား ဖြစ်ပေမယ့် လက်ရှိမှာ အနားယူနေရပြီး လက်စွမ်းလည်း ကျဆင်းလာလို့ တာစတီဂန်က နံပါတ်တစ် ဂိုးသမား နေရာကို ရယူချင်နေတာပါ။ 

ဘာစီလိုနာ အတွက် ဒီရာသီမှာ လက်စွမ်းပြနေပြီး ပေးဂိုးမရှိ ပွဲအများအပြားကို တာစတီဂန်က ရယူထားနိုင်ခဲ့ပါတယ်။ သူဟာ လာလီဂါမှာ ပေးဂိုး မရှိ ပွဲပေါင်း ၁၇ ပွဲ အထိ ပိုင်ဆိုင်ထားတာ ဖြစ်ပါတယ်။ အသက် ၃၀ အရွယ် ဂျာမန် ဂိုးသမားဟာ အခုဆိုရင် ကမ္ဘာ့အကောင်းဆုံး ဂိုးသမားတွေ ထဲက တစ်ဦး အဖြစ်နဲ့ပါ သတ်မှတ်ခံလာရပြီ ဖြစ်ပါတယ်။ 

ဒါပေမယ့်လည်း သူက ဒီလောက်နဲ့တင် အားမရနိုင်သေးဘဲ လက်ရွေးစင် အသင်း မှာလည်း နော်အာရဲ့ ဂိုးသမား နေရာကို ရယူချင်နေတာပါ။ ယူရို ၂၀၂၄ မှာ သူက အဓိက ဂိုးသမား အဖြစ်နဲ့ ပါဝင်ခွင့် ရဖို့ ဆန္ဒပြင်းပြနေပြီး လက်ရှိ လက်စွမ်း အရ ဆိုရင် မဖြစ်နိုင်စရာ မရှိဘူးလို့လည်း ယုံကြည်နေပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.