ဘေယန်မြူးနစ်ကို ငြင်းဆန်ခဲ့ရတဲ့ အကြောင်းရင်းကို ဖွင့်ဟလိုက်တဲ့ ဝေါ်လ်ကာ (ဘွန်ဒက်စ်လီဂါ သတင်းများ)

ဒီတစ်ခါ မှာတော့ စက်တင်ဘာလ ၅ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။

ဘေယန်မြူးနစ်ကို ငြင်းဆန်ခဲ့ရတဲ့ အကြောင်းရင်းကို ဖွင့်ဟလိုက်တဲ့ ဝေါ်လ်ကာ

မန်ချက်စတာစီးတီး ညာနောက်ခံလူ ကိုင်လီ ဝေါ်လ်ကာက ပြီးခဲ့တဲ့ နွေရာသီ အပြောင်းအရွှေ့မှာ ဘေယန်မြူးနစ်ကို ပြောင်းရွှေ့ဖို့ ငြင်းဆန်ခဲ့ရတဲ့ အကြောင်းရင်းနဲ့ ပတ်သက်လို့ ဖွင့်ဟခဲ့ပါတယ်။ ဝေါ်လ်ကာဟာ ဘွန်ဒက်စ်လီဂါ ထိပ်သီး အသင်းကို ပြောင်းရွှေ့ဖို့ ပုဂ္ဂိုလ်ရေးအရ သဘောတူညီမှု ရရှိထားပေမယ့် နောက်ဆုံး အချိန်မှာတော့ မန်စီးတီး မှာသာ ဆက်နေဖို့ အတွက် ဆုံးဖြတ်ခဲ့တာပါ။ 

အဆိုပါ အင်္ဂလန် လူမျိုး ညာနောက်ခံလူက ဘေယန်မြူးနစ်ကို ပြောင်းရွှေ့ဖို့ နီးစပ်ခဲ့ကြောင်း၊ ဒါပေမယ့် ဘောလုံးလောကမှာ ဒါမျိုးတွေက ဖြစ်တတ်ကြောင်း၊ ဆုံးဖြတ်ချက်ချရတဲ့ အချိန်မှာ အရာအားလုံးက ပြောင်းလဲသွားခဲ့ကြောင်း ပြောကြားခဲ့ပါတယ်။ 

ဂွါဒီယိုလာနဲ့ ဆက်ဆံရေး အပေါ်မှာ ဝေါ်လ်ကာက နည်းပြနဲ့ တကယ်ကို ကောင်းမွန်တဲ့ ဆက်ဆံရေးရှိပြီး သူက ကျွန်တော်နဲ့ အတူ အပြင်ထွက်စားဖို့ အထိ ဖိတ်ကြားခဲ့ကြောင်း၊ သူပဲ ပိုက်ဆံရှင်းပေးခဲ့ပြီး သူ့ရဲ့ အနာဂတ် အစီအစဉ်တွေနဲ့ ပတ်သက်ပြီး သိရှိခွင့်ရတာက ကောင်းမွန်ကြောင်း ပြောကြားခဲ့ပါတယ်။ 

ဘေယန်မြူးနစ်ကို ပြောင်းရွှေ့ဖို့ အခွင့်အရေးရှိနေသေးတဲ့ ပေါ်လင်ဟာ 

ဖူလ်ဟမ် ကွင်းလယ်လူ ယာအို ပေါ်လင်ဟာ အနေနဲ့ လာမယ့် အပြောင်းအရွှေ့တွေမှာ ဘွန်ဒက်စ်လီဂါ ထိပ်သီးကလပ် ဘေယန်မြူးနစ်ကို ပြောင်းရွှေ့ဖို့ အခွင့်အရေးရှိနေဆဲ ဖြစ်ကြောင်း ပြောကြားသွားခဲ့ပါတယ်။ ပေါ်လင်ဟာ ပြီးခဲ့တဲ့ နွေရာသီ အပြောင်းအရွှေ့မှာ ဘေယန်မြူးနစ်ကို ပြောင်းရွှေ့ဖို့ အနီးစပ်ဆုံး ဖြစ်ခဲ့တာပါ။ 

အဆိုပါ ကစားသမားဟာ မြူးနစ်မြို့မှာ ဆေးစစ်မှုခံယူခဲ့ပြီး နောက်ဆုံး အချိန်မှသာ ဘွန်ဒက်စ်လီဂါကို ပြောင်းရွှေ့ဖို့ ကိစ္စရပ်က ပျက်ပြယ်ခဲ့တာ ဖြစ်ပါတယ်။ ဒီလိုမျိုး ပေါ်လင်ဟာနဲ့ ပတ်သက်လို့ ဂွန်ဆာလိုက ဖူလ်ဟမ် အနေနဲ့ ကစားသမားရဲ့ အိပ်မက်ကို အဆုံးသတ်စေခဲ့တာ မဟုတ်ဘဲ နောက်ဆုတ်သွားခဲ့တာသာ ဖြစ်တယ်လို့ ဆိုပါတယ်။ 

ဒါ့အပြင် ဘေယန်မြူးနစ်ရဲ့ လုပ်ဆောင်ချက်တွေ အတွက် အသိအမှတ်ပြုကြောင်း၊ သူတို့ရဲ့ လေးစားမှုနဲ့ လုပ်ဆောင်ချက်တွေက ကျွန်တော်တို့ကို မတူကွဲပြားတဲ့ ရိုးသားမှု၊ ပရော်ဖက်ရှင်နယ်ဆန်မှုတွေကို ပြသခဲ့ကြောင်း ပြောကြားခဲ့ပါတယ်။ 

ဂျာမန် အသင်းမှာ ပြန်လည် ရွေးချယ်ခံခဲ့ရလို့ ပျော်ရွှင်နေတဲ့ မူလာ

ဘေယန်မြူးနစ် တိုက်စစ်ကစားသမားကြီး သောမတ်စ် မူလာဟာ ဂျာမနီ လက်ရွေးစင် အသင်းမှာ ပြန်လည် ရွေးချယ်ခံခဲ့ရကြောင်း သိရပါတယ်။ အဆိုပါ ဘွန်ဒက်စ်လီဂါ ဝါရင့် တိုက်စစ်မှူးကြီးဟာ ဒေါ့မန် တိုက်စစ် ကစားသမား နစ်က်လပ်စ် ဖူရက်ခ်ရဲ့ ဒဏ်ရာ ပြဿနာကြောင့် လာမယ့် နိုင်ငံတကာပွဲစဉ်တွေ အတွက် အစားထိုး ရွေးချယ်ခံခဲ့ရတာပါ။ 

အဲ့ဒါကြောင့်လည်း မူလာ အနေနဲ့ ပြင်သစ်၊ ဂျပန်တို့နဲ့ ကစားမယ့် ဂျာမနီ လက်ရွေးစင် အသင်းရဲ့ ကစားသမား စာရင်းမှာ တစ်ကျော့ပြန် ပြန်လည် ပါဝင်ခွင့်ရရှိမှာလည်း ဖြစ်ပါတယ်။ 

လက်ရွေးစင် အသင်းနဲ့ ဝေးကွာနေခဲ့တဲ့ မူလာဟာ အခုလို ပြန်လည် ရွှေးချယ်ခံရမှု အပေါ်မှာ ကျေနပ် ပျော်ရွှင်နေပါတယ်။ ဘေယန်ရဲ့ ဝါရင့်ကစားသမားကြီးဟာ စိတ်ဓာတ်ပိုင်း ပြင်းပြမှုကြောင့် နာမည်ကျော်ကြားခဲ့သူ ဖြစ်ကာ အသက် ၃၀ ကျော်လာတဲ့ အချိန်ထိ အကောင်းဆုံး ကစားပေးနိုင်ဆဲလည်း ဖြစ်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.