မေဆင်မောင့် မဟုတ်ဘဲ အခြား ချဲလ်ဆီး ကြယ်ပွင့်ကို စိတ်ဝင်စားနေတဲ့ တူချယ်၊ ဘယ်လင်ဟမ် ရီးရဲလ်မက်ဒရစ်ကို ပြောင်းချင်နေကြောင်း ရက်နပ်ပြော စတဲ့ သတင်းတွေ အပါအဝင် ဧပြီလ ၃၀ ရက်နေ့ ညနေခင်းရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
မေဆင်မောင့် မဟုတ်ဘဲ အခြား ချဲလ်ဆီး ကြယ်ပွင့်ကို စိတ်ဝင်စားနေတဲ့ တူချယ်
ဘေယန်မြူးနစ် နည်းပြ သောမတ်စ် တူချယ်ဟာ သတင်းတွေ ထွက်ပေါ်နေသလိုမျိုး ချဲလ်ဆီး ကွင်းလယ်လူ မေဆင်မောင့်ကို စိတ်ဝင်စားနေတာ မဟုတ်ဘဲ အခြား ကွင်းလယ်လူ မတ်တီယို ကိုဗာချစ်ကို ခေါ်ယူလိုနေတယ်လို့ သိရှိရပါတယ်။
တူချယ်ဟာ အသင်းဟောင်းမှာ လက်တွဲခဲ့ဖူးတဲ့ ကစားသမားတွေကို စိတ်ဝင်စားနေကြောင်း မကြာခဏ သတင်းတွေ ထွက်ပေါ်ခဲ့ပြီး အခု နောက်ဆုံး မှာတော့ ကိုဗာချစ်ကို ခေါ်ယူဖို့ သတင်း ထွက်လာခဲ့တာပါ။ အဆိုပါ ခရိုအေးရှား လက်ရွေးစင် ကွင်းလယ် ကစားသမား ကိုယ်တိုင် ကလည်း ချဲလ်ဆီးက ထွက်ခွာပြီး ဆရာဟောင်း တူချယ် ရှိရာ ဘွန်ဒက်စ်လီဂါကို ပြောင်းရွှေ့လိုနေကြောင်း သတင်းတွေက ဖော်ပြလျက် ရှိပါတယ်။
တူချယ်ဟာ လာမယ့် နွေရာသီမှာ အသင်းရဲ့ ကွင်းလယ်ကို အင်အား ဖြည့်တင်းသွားဖို့ ပြင်ဆင်နေပြီး ကွင်းလယ်လူ ရိုင်ယန် ဂရာဗင်ဘာ့ချ်သာ ထွက်ခွာသွားခဲ့ရင် ကွင်းလယ် နေရာ အတွက် သေချာပေါက် ကစားသမားသစ် ခေါ်ယူသွားဖို့ စီစဥ်ထားတာလည်းဖြစ်ပါတယ်။
ဘယ်လင်ဟမ် ရီးရဲလ်မက်ဒရစ်ကို ပြောင်းချင်နေကြောင်း ရက်နပ်ပြော
အသက် (၁၉) နှစ် အရွယ် အဆိုပါ အင်္ဂလန် လက်ရွေးစင် ကွင်းလယ်လူဟာ လာမယ့် နွေရာသီမှာ ဘွန်ဒက်စ်လီဂါကို သေချာပေါက် စွန့်ခွာမှာ ဖြစ်ပြီး ရီးရဲလ်မက်ဒရစ်၊ လစ်ဗာပူးလ် တို့နဲ့ အပြောင်းအရွှေ့ သတင်းတွေ ထွက်ပေါ်နေပါတယ်။
ကစားသမား ကိုယ်တိုင် ကတော့ လက်ရှိအချိန် အထိ သူ့ရဲ့ အနာဂတ်ကို မဆုံးဖြတ်ရသေးပေမယ့် ထင်ကြေး အမျိုးမျိုး ကတော့ နေ့စဥ်နဲ့အမျှ ထွက်ပေါ်လျက် ရှိပါတယ်။ လက်ရှိအချိန် မှာလည်း ရက်နပ်က ဘယ်လင်ဟမ်နဲ့ အရမ်းအရမ်းကို ရင်းနှီးတဲ့ သတင်းရင်းမြစ် တစ်ခုက ကစားသမား အနေနဲ့ ရီးရဲလ်မက်ဒရစ်ကို ပြောင်းရွှေ့ချင်တဲ့အကြောင်း ပြောကြားခဲ့တယ်လို့ ဖွင့်ဟခဲ့တာ ဖြစ်ပါတယ်။
ဘေယန်မြူးနစ် လေ့ကျင့်ရေးကွင်းမှာ မြင်တွေ့ခဲ့ရတဲ့ လူပြောများနေတဲ့ တူချယ်ရဲ့ပုံရိပ်
တူချယ် လက်ထက် ဘေယန်မြူးနစ်ဟာ ချန်ပီယံလိဂ်၊ ဂျာမန် ပိုကယ်ဖလား တို့က ထွက်ခဲ့ရသလို ဘွန်ဒက်စ်လီဂါ အမှတ်ပေးချန်ပီယံဆု အတွက်လည်း ဒေါ့မန်နဲ့ အပြိုင်အဆိုင် ဖြစ်နေခဲ့ပါတယ်။ ဒါ့အပြင် သူ့လက်ထက်မှာ အသင်းက နိုင်ပွဲ နှစ်ပွဲသာ ရရှိထားတာကြောင့် တူချယ် တစ်ယောက် ဖိအား အတော်လေး များပြားနေပြီး ကစားသမားတွေ ကိုလည်း အဝတ်လဲခန်းထဲမှာ မကြာခဏ ပေါက်ကွဲခဲ့ကြောင်း သိရှိရပါတယ်။
အခု နောက်ဆုံး ထွက်ပေါ်လာတဲ့ ဓာတ်ပုံ မှာတော့ တူချယ်က သူ့ရဲ့ လက်နှစ်ဖက်၊ ဒူးခေါင်း တို့ကို အသုံးပြုကာ အဆိုပါ တန်းတစ်ခုကို ချိုးပစ်ခဲ့ဟန် ရှိပြီး ဒီအရာကို ကိုင်ဆောင်လျက်နဲ့ပဲ နည်းပြ အဖွဲ့ဝင် နှစ်ယောက်နဲ့ စကားပြောဆိုခဲ့ကြောင်း သတင်းတွေက ဖော်ပြခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
