ဒီတစ်ခါ မှာတော့ ဩဂုတ်လ ၁၅ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဘေယန်ကို ပြောင်းသွားတဲ့ ကိန်းရဲ့ဆုံးဖြတ်ချက် မှန်ကန်တယ်လို့ ရှီးယားပြော
ပရီးမီးယားလိဂ်ရဲ့ ဂန္တဝင် တိုက်စစ်မှူးဟောင်း အလန်ရှီးယားက ဘေယန်မြူးနစ်ကို ပြောင်းရွှေ့ဖို့ ဆုံးဖြတ်ခဲ့တဲ့ ဟယ်ရီကိန်းရဲ့ လုပ်ရပ်က မှန်ကန်ကြောင်း ပြောကြားခဲ့ပါတယ်။ ဟယ်ရီကိန်းဟာ လက်ရှိနွေရာသီ အပြောင်းအရွှေ့မှာ တော့တင်ဟမ်ဟော့စပါး ကနေ ဘေယန်မြူးနစ်ကို ပြောင်းရွှေ့ကြေး ယူရိုသန်း (၁၀၀) နဲ့ ပြောင်းရွှေ့ခဲ့တာပါ။
ရွှေဖိနပ်ဆုတွေနဲ့ အတူ တစ်ဦးချင်း ဆုတံဆိပ်တွေကို ဆွတ်ခူးနိုင်ခဲ့တဲ့ ဟယ်ရီကိန်းဟာ ဆုဖလား မျှော်လင့်ချက်တွေ အတွက် ဘွန်ဒက်စ်လီဂါ ထိပ်သီး ကလပ်ကို ပြောင်းရွှေ့ခဲ့တာပါ။
ရှီးယား ကတော့ ဟယ်ရီကိန်းရဲ့ ကစားသမားဘဝက အောင်မြင်မှုတွေနဲ့ ထိုက်တန်ကြောင်း၊ နောက်ဆုံး မိနစ်မှာ သူ့လေယာဉ်ခရီးစဉ် ဖျက်သိမ်းသွားလို့ အနည်းငယ် စိုးရိမ်မိခဲ့ကြောင်း၊ အခုဆိုရင် သူက ထိပ်တန်း အသင်းကြီး တစ်သင်းမှာ ချန်ပီယံလိဂ်ဖလား ရဖို့ အတွက် တကယ်ကောင်းမွန်တဲ့ အခွင့်အရေးရှိနေပြီ ဖြစ်ကြောင်း ပြောကြားသွားခဲ့ပါတယ်။
ဆန်ဂါရီ အတွက် လစ်ဗာပူးလ်နဲ့ အပြိုင် စိတ်ဝင်စားနေတဲ့ ဘေယန်မြူးနစ်
ဘေယန်မြူးနစ်ဟာ နယ်သာလန် ကလပ် ပီအက်စ်ဗွီရဲ့ ကွင်းလယ်လူ အီဘရာဟင် ဆန်ဂါရီကို ခေါ်ယူဖို့ အတွက် လစ်ဗာပူးလ်နဲ့ အပြိုင် စိတ်ဝင်စားနေကြောင်း သိရှိရပါတယ်။ အသက် (၂၅) နှစ် အရွယ် အဆိုပါ ကစားသမားကို လက်ရှိနွေရာသီမှာ ဘေယန်မြူးနစ် အပြင် လစ်ဗာပူး၊ ပီအက်စ်ဂျီ တို့ကလည်း စိတ်ဝင်စားနေပြီး တရားဝင် ကမ်းလှမ်းမှုတွေတော့ မရှိသေးပါဘူး။
ဘွန်ဒက်စ်လီဂါ ထိပ်သီး ကလပ်ဟာ လက်ရှိနွေရာသီမှာ အသင်းရဲ့ ကွင်းလယ်က မာကယ်လ် ဆာဘစ်ဇာကို လက်လွှတ်ထားသလို လီယွန် ဂေါ်ရက်ဇ်ကာ ကိုလည်း ထပ်မံ လက်လွှတ်ရဖို့ ရှိနေပါတယ်။
အဲ့ဒါကြောင့်လည်း အခုလိုမျိုး ဥရောပရဲ့ တောက်ပတဲ့ ကြယ်ပွင့် အဖြစ် သတ်မှတ်ခံထားရတဲ့ ဆန်ဂါရီကို ပြန်လည် ခေါ်ယူဖို့ ပစ်မှတ်ထားနေတာ ဖြစ်ပြီး လက်ရှိမှာတော့ နောက်ခံလူ နေရာနဲ့ ဂိုးသမား နေရာကို ဦးစားပေး ခေါ်ယူသွားဦးမှာပါ။
ဂျာမနီမြေမှာ စတုတ္ထမြောက် ရင်သွေးလေးကို ပိုင်ဆိုင်တော့မယ့် ဟယ်ရီကိန်း
ဟယ်ရီကိန်းရဲ့ စတုတ္ထမြောက် ရင်သွေးလေးကို လာမယ့် နှစ်ပတ်အတွင်း မွေးဖွားတော့မယ်လို့ သိရှိရပါတယ်။ အဆိုပါ အင်္ဂလန် လက်ရွေးစင် အသင်းခေါင်းဆောင်ဟာ ပြီးခဲ့တဲ့ရက်သတ္တပတ်ကမှ တော့တင်ဟမ်ဟော့စပါး ကနေ ဘေယန်မြူးနစ်ကို ရောက်ရှိလာခဲ့တဲ့ တိုက်စစ်မှူး တစ်ယောက်ပါ။
သူ့ရဲ့ ဇနီးဖြစ်သူဟာ ကိတ်ဟာ နှစ်ပတ်အတွင်း မီးဖွားတော့မှာ ဖြစ်ပြီး ဘယ်နိုင်ငံမှာ မီးဖွားမလဲ ဆိုတာကိုတော့ အတည်ပြုထားခြင်း မရှိပါဘူး။ ဒါပေမယ့်လည်း ကိန်းတို့ ဇနီးမောင်နှံဟာ ပြီးခဲ့တဲ့ ရက်ပိုင်း အတွင်းက မြူးနစ်မြို့မှာ အိမ်ရှာရင်း မီးဖွားဖို့ အတွက် ဆေးရုံကိုပါ ကြိုတင်စုံစမ်းခဲ့ကြောင်း သိရှိရပါတယ်။
အဲ့ဒါကြောင့်လည်း ဘွန်ဒက်စ်လီဂါ တိုက်စစ်မှူးသစ် ဟယ်ရီကိန်းရဲ့ ကလေးသာ မြူးနစ်မြို့မှာ မွေးဖွားခဲ့ရင်၊ သားယောကျ်ားလေး ဖြစ်ခဲ့မယ်ဆိုရင် အဆိုပါ ကလေးအရွယ်ရောက်လာတဲ့ အချိန်ကျရင် ဂျာမနီ အတွက်ပါ ကိုယ်စားပြု ကစားခွင့် ရရှိနိုင်ကြောင်း သိရှိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
