ဒီတစ်ခါ မှာတော့ ဩဂုတ်လ ၁၂ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဘေယန်ကို ပြောင်းရွှေ့ဖို့ သဘောတူလိုက်တဲ့ ဟယ်ရီကိန်း
တော့တင်ဟမ်ဟော့စပါး တိုက်စစ်မှူး ဟယ်ရီကိန်းကို ခေါ်ယူဖို့ အတွက် ဘေယန်မြူးနစ်တို့ သဘောတူညီမှု ရရှိခဲ့ပြီး ကစားသမား ကိုယ်တိုင်လည်း အသင်းပြောင်းဖို့ သဘောတူလိုက်ကြောင်း သိရှိရပါတယ်။ နှစ်သင်းကြားမှာ ပြောင်းရွှေ့ကြေး ပေါင် (၈၆) သန်း၊ အပိုဆုကြေး ပါဝင်မယ် ဆိုရင် ပေါင်သန်း (၁၀၀) အထိ တန်ကြေး ရှိနိုင်တဲ့ ကမ်းလှမ်းမှုနဲ့ သဘောတူညီမှု ရရှိခဲ့တာပါ။
လက်ရှိအချိန်မှာ ဘွန်ဒက်စ်လီဂါ ကလပ်အနေနဲ့ ဟယ်ရီကိန်းနဲ့ကို ဆေးစစ်မှုတွေ ပြုလုပ်တော့မှာ ဖြစ်ပြီး အဲ့ဒီနောက် မှာတော့ အပြောင်းအရွှေ့ကို အပြီးသတ်တော့မှာပါ။ ဟယ်ရီကိန်းဟာ ဘေယန်မြူးနစ်ရဲ့ လုပ်ခလစာ အများဆုံးရရှိတဲ့ ကစားသမားတွေ ထဲက တစ်ယောက် ဖြစ်လာဖို့ ရှိပြီး တစ်ပတ်လုပ်ခ ပေါင် (၄) သိန်းခွဲ အထိ ရရှိသွားမှာပါ။
ဘေယန်မြူးနစ်ဟာ ဟယ်ရီကိန်းကို ခေါ်ယူဖို့ လက်ရှိနွေရာသီ အပြောင်းအရွှေ့ တစ်လျှောက်လုံး ပစ်မှတ်ထား ကြိုးစားခဲ့ပြီး အခုချိန်မှာတော့ မန်ချက်စတာစီးတီး ညာနောက်ခံလူ ကိုင်လ် ဝေါ်လ်ကာကို ခေါ်ယူဖို့ ဆက်လက် ကြိုးစားဖွယ် ရှိပါတယ်။
ဖီအိုရင်တီးနားကို ပြောင်းရွှေ့သွားခဲ့တဲ့ ဟာသာဘာလင် ဂိုးသမား
ဘွန်ဒက်စ်လီဂါ ကလပ် ဟာသာဘာလင်ရဲ့ ဂိုးသမား အိုလီဗာ ခရစ္စတန်ဆန်ဟာ ဖီအိုရင်တီးနားကို ပြောင်းရွှေ့သွားခဲ့ပြီ ဖြစ်ကြောင်း သိရပါတယ်။
ဖီအိုရင်တီးနားဟာ အဆိုပါ ဂိုးသမား အတွက် ပြောင်းရွှေ့ကြေး ယူရို (၅) သန်း ပေးချေခဲ့ရပြီး ကစားသမားနဲ့လည်း စာချုပ်ချုပ်ဆိုခဲ့ပြီးပါပြီ။ ခရစ္စတန်ဆန်ဟာ ဖီအိုရင်တီးနားနဲ့ (၂၀၂၈) ခုနှစ် အထိ ဆက်ရှိနေမယ့် စာချုပ်တစ်ရပ်ကို လက်မှတ် ရေးထိုးခဲ့တာ ဖြစ်ပြီး ဖီအိုရင်တီးနားကို ပြောင်းရွှေ့ခွင့်ရတဲ့ အတွက် ပျော်ရွှင်မိကြောင်း ပြောကြားခဲ့ပါတယ်။
ဒါ့အပြင် ခရစ္စတန်ဆန်က အသင်းနဲ့ အတူ အောင်မြင်မှုတွေ ရရှိဖို့ မျှော်လင့်ကြောင်း၊ ဒီနေ့က ကျွန်တော်နဲ့ မိသားစုဝင်တွေ အတွက် မေ့မရတဲ့နေ့ ဖြစ်ခဲ့ကြောင်း၊ မကြာခင် ကွင်းထဲမှာ ဆုံတွေ့ကြမှာ ဖြစ်ကြောင်း ပြောကြားသွားခဲ့ပါတယ်။
ရီးရဲလ်ကြောင့် ပစ်မှတ် ကစားသမားကို ဘေယန်မြူးနစ်တို့ စိုးရိမ်နေရ
ဘေယန်မြူးနစ်က ခေါ်ယူဖို့ ပစ်မှတ်ထားနေတဲ့ ချဲလ်ဆီး ဂိုးသမား ကီပါ အရီဇာဘာလာဂါကို ခေါ်ယူဖို့ အတွက် ရီးရဲလ်မက်ဒရစ် ကလည်း ပစ်မှတ်ထားလာကြောင်း သိရှိရပါတယ်။ ရီးရဲလ်မက်ဒရစ်ဟာ သူတို့ရဲ့ အဓိကဂိုးသမား သီဘောက် ကော့တွိုက်စ်ရဲ့ ဒူးအရွတ်ဒဏ်ရာကြောင့် လက်ရှိနွေရာသီမှာ ဂိုးသမားသစ် ခေါ်ယူဖို့ ပြင်ဆင်လာရပါတယ်။
အဲ့ဒါကြောင့်လည်း ချဲလ်ဆီးမှာ အနာဂတ် မတည်ငြိမ်တဲ့ ကီပါကို ပစ်မှတ်ထားလာခဲ့ပြီး ဘွန်ဒက်စ်လီဂါ ဘီလူးကြီး ကတော့ ကီပါ အတွက် ရတက်မအေး ဖြစ်လာခဲ့ရပါတယ်။
ဘေယန်မြူးနစ်ဟာ လက်ရှိနွေရာသီမှာ ဂိုးသမား နေရာ အတွက် ပရီးမီးယားလိဂ်က ကီပါ၊ ဒေးဗစ်ရာယာ တို့ကို ပစ်မှတ်ထားခဲ့ပါတယ်။ လက်ရှိအချိန်မှာ ရာယာက အာဆင်နယ်ကို ပြောင်းရွှေ့သွားခဲ့ပြီး ဘေယန်မြူးနစ်တို့ သူတို့ရဲ့ နောက်ဆုံး ဂိုးသမား ပစ်မှတ် ကီပါကို ရီးရဲလ်မက်ဒရစ်ထံ လက်မလွှတ်ရဖို့ အမြန်ဆုံး လှုပ်ရှားရတော့မှာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
