ဒေါ့မန် ဂိုးသမားကို အပြိုင် စောင့်ကြည့်နေတဲ့ ချဲလ်ဆီးနဲ့ ယူနိုက်တက်၊ ဒေါ့မန်ရဲ့ ပြောင်းရွှေ့ကြေး သတ်မှတ်မှုကို ပေါက်ကွဲနေတဲ့ ဘယ်လင်ဟမ် စတဲ့ သတင်းတွေ အပါအဝင် မတ် ၃ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
ဒေါ့မန် ဂိုးသမားကို ချဲလ်ဆီးနဲ့ ယူနိုက်တက် အပြိုင် စောင့်ကြည့်နေ
ဘွန်ဒက်စ်လီဂါ ကလပ် ဒေါ့မန်ရဲ့ ဂိုးသမား ဂရီဂေါ် ကိုဘယ်လ်ကို ချဲလ်ဆီးနဲ့ မန်ချက်စတာယူနိုက်တက်တို့ အပြိုင် စောင့်ကြည့်နေကြောင်း သတင်းတွေက ဖော်ပြခဲ့ပါတယ်။
ချဲလ်ဆီးဟာ ကိုဘယ်လ်ကို အသင်းရဲ့ ဂိုးသမား အက်ဒွါ မန်ဒီရဲ့ နေရာမှာ အစားထိုးဖို့ ရေရှည် ပစ်မှတ်ထားနေသလို ယူနိုက်တက် ကလည်း ဒင်းန် ဟန်ဒါဆန်ကို ရောင်းချပြီးနောက် ကိုဘယ်လ်ကို ပြန်လည် ခေါ်ယူဖို့ စိတ်ဝင်စားနေပါတယ်။
ကိုဘယ်လ်ဟာ ပြီးခဲ့တဲ့ (၂၀၂၁) နွေရာသီကမှ ဘွန်ဒက်စ်လီဂါ ကလပ် အသင်း တစ်သင်းပဲ ဖြစ်တဲ့ စတုဂတ် ကနေ ဒေါ့မန်ကို ရောက်ရှိလာခဲ့တာ ဖြစ်ပြီး လက်ရှိအချိန် မှာတော့ ဥရောပ ထိပ်တန်း အသင်းကြီးတွေရဲ့ စောင့်ကြည့် စာရင်းထဲ ရောက်ရှိနေတာ ဖြစ်ပါတယ်။
ဒေါ့မန်ရဲ့ ပြောင်းရွှေ့ကြေး သတ်မှတ်မှုကို ပေါက်ကွဲနေတဲ့ ဘယ်လင်ဟမ်
အင်္ဂလန်နဲ့ ဒေါ့မန် ကွင်းလယ်လူ ဂျူ့ဒ် ဘယ်လင်ဟမ်ဟာ သူ့အတွက် အသင်းဘက်က သတ်မှတ်ထားတဲ့ ပြောင်းရွှေ့ကြေး အပေါ် ဒေါသ ပေါက်ကွဲနေကြောင်း သိရှိရပါတယ်။
ဘွန်ဒက်စ်လီဂါ ကလပ်ဟာ အသက် (၁၉) နှစ် အရွယ် ကွင်းလယ် ကြယ်ပွင့် အတွက် ပြောင်းရွှေ့ကြေး အနည်းဆုံး ပေါင်သန်း (၁၀၀) သတ်မှတ်ထားပြီး ဒီပမာဏက သူ့ကို ခေါ်ယူလိုတဲ့ ဥရောပ ထိပ်တန်း အသင်းတွေကို လက်တွန့်စေပါတယ်။
ကစားသမား ကိုယ်တိုင်ကလည်း စိန်ခေါ်မှု အသစ် အတွက် ဥရောပ ထိပ်တန်း အသင်း တစ်သင်းကို ပြောင်းရွှေ့လိုနေပေမယ့် အသင်းဘက်က သတ်မှတ်ထားတဲ့ ပြောင်းရွှေ့ကြေး အပေါ် စိတ်ပျက်နေကြောင်း သတင်းတွေက ဖော်ပြနေပါတယ်။
ပရီးမီးယားလိဂ်မှာ ကစားဖို့ ပစ်မှတ်ထားကြောင်း ဂီဗာဒီယိုလ် ဖွင့်ဟ
ချဲလ်ဆီးက ခေါ်ယူဖို့ စိတ်ဝင်စားနေတဲ့ လိုက်ပ်ဇစ် နောက်ခံလူ ဂျော့စ်ကို ဂဗာဒီယိုလ်က ပရီးမီးယားလိဂ်မှာ ကစားခွင့် ရရှိဖို့က ကစားသမား ဘဝ အတွက် ပစ်မှတ် တစ်ခု ဖြစ်ကြောင်း ဖွင့်ဟ ပြောကြားခဲ့ပါတယ်။
ဒါပေမယ့် ဘွန်ဒက်စ်လီဂါ ကလပ် ဘက်ကတော့ သူတို့ရဲ့ အဓိက ဗဟိုနောက်ခံလူကို ရောင်းချဖို့ စိတ်ကူး မရှိဘဲ အသင်းမှာ ဆက်ထိန်းထားလိုပါတယ်။
ဂဗာဒီယိုလ် ကတော့ နောက်ဆုံး ပြုလုပ်ခဲ့တဲ့ အင်တာဗျူး တစ်ခုမှာ ပရီးမီးယားလိဂ်မှာ ကစားခွင့် ရဖို့ ပစ်မှတ်နဲ့ ပတ်သက်လို့ ဖွင့်ဟခဲ့ပြီး ထိပ်တန်း အသင်းကြီးတွေက စိတ်ဝင်စားနေတဲ့ အကြောင်းကို အေးဂျင့် ဖြစ်သူက အသိပေးထားကြောင်းလည်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
