ဘွန်ဒက်စ်လီဂါ – နောက်ဆုံးရ သတင်းများ (၂၀/၈/၂၀၂၂)

ဩဂုတ်လ ၂၀ ရက်နေ့ အထိ ရရှိထားသမျှ ဘွန်ဒက်စ်လီဂါ နောက်ဆုံးရ သတင်း တချို့ကို ဆက်လက် ဖော်ပြပေးမှာ ဖြစ်ပါတယ်။

ရော်နယ်ဒို အတွက် နောက်ဆုံး မျှော်လင့်ချက် ဖြစ်လာတဲ့ ဒေါ့မန်

ယူနိုက်တက် တိုက်စစ်မှူး ခရစ္စတီယာနိုရော်နယ်ဒိုဟာ ဘွန်ဒက်စ်လီဂါ ကလပ် ဒေါ့မန်ကို ပြောင်းရွှေ့ဖို့ အတွက် ကနဦး ဆွေးနွေးမှုတွေ ပြုလုပ်လျက် ရှိတယ်လို့ သိရှိရပါတယ်။ အသက် ၃၇ နှစ် အရွယ် ပေါ်တူဂီ အသင်းခေါင်းဆောင်ကို အသင်းပြောင်းရွှေ့ခွင့် ရရှိရေး အေးဂျင့် ဂျော့ချ် မန်းဒက်စ်က ဒေါ့မန် ဘက်ကို စတင် ကမ်းလှမ်းခဲ့တယ်လို့ သိရပါတယ်။ 

ရော်နယ်ဒိုဟာ ပြီးခဲ့တဲ့ လဆန်းပိုင်း တည်းက ယူနိုက်တက်က ထွက်ခွာဖို့ ပြင်ဆင်ခဲ့ပါတယ်။ ဒါပေမယ့် သူ့ကို ခေါ်ယူလိုတဲ့ အသင်းတွေ မရှိတာကြောင့် လက်ရှိ အချိန်ထိ ယူနိုက်တက်မှာသာ ဆက်ရှိနေတာပါ။

ဂျာမနီက လာတဲ့ သတင်းတွေ အရတော့ ရော်နယ်ဒို ကလည်း ဒေါ့မန်ကို ပြောင်းရွှေ့ဖို့ ဆန္ဒ ရှိနေတယ်လို့ သိရှိရပါတယ်။ ဒေါ့မန်ဟာ ချန်ပီယံလိဂ် ဝင်ခွင့်ရ အသင်း တစ်သင်း ဖြစ်ပြီး ရော်နယ်ဒိုရဲ့ လိုအပ်ချက်နဲ့ ကိုက်ညီနေတာလည်း ဖြစ်ပါတယ်။

ဒေါ့မန် အသင်းတွင်း မှာလည်း ရော်နယ်ဒိုနဲ့ ပတ်သက်လို့ အစည်းအဝေး ပြုလုပ်နေပြီး ရော်နယ်ဒို အတွက် ဒီတစ်ကြိမ် အဆင်မပြေရင်တော့ ယူနိုက်တက် မှာသာ စာချုပ် သက်တမ်း ကုန်တဲ့ အထိ နေရဖွယ် ရှိပါတယ်။

တူဟယ်လ်ရဲ့ နည်းစနစ်တွေနဲ့ အံမဝင်ခဲ့ဘူးလို့ ဗာနာ ဖွင့်ဟ

ချဲလ်ဆီး ကနေ လိုက်ပ်ဇစ်ကို ပြန်လည် ပြောင်းရွှေ့ သွားခဲ့တဲ့ တိုက်စစ်မှူး တီမိုဗာနာက သူ့အနေနဲ့ ချဲလ်ဆီး နည်းပြ သောမတ်စ် တူချယ်ရဲ့ နည်းစနစ်တွေနဲ့ အံမဝင်ခဲ့ကြောင်း ဖွင့်ဟ ပြောကြားခဲ့ပါတယ်။

ဗာနာဟာ လက်ရှိ နွေရာသီ အပြောင်းအရွှေ့မှာ အသင်းဟောင်း လိုက်ပ်ဇစ်ကို ပြန်လည် ရောက်ရှိလာခဲ့ပြီး အသင်းနဲ့ တကျော့ပြန် ပထမဆုံး ပွဲဦးထွက်မှာတင် လိုက်ပ်ဇစ် အတွက် အဖွင့်ဂိုးကို သွင်းယူ ပေးနိုင်ခဲ့ပါတယ်။ ဗာနာဟာ ချဲလ်ဆီးမှာ ခြေစွမ်း မပြနိုင်ခဲ့ သလို ပုံမှန် ပွဲထွက်ခွင့်လည်း မရရှိခဲ့ပါဘူး။

အဲ့ဒါကြောင့်လည်း အဆိုပါ ဂျာမနီ လက်ရွေးစင် ကစားသမားက “ကျနော့် အတွက် ပျော်စရာက ကွင်းထဲမှာ ကစားရတာပါ။ ကျနော် ချဲလ်ဆီးမှာ ခမ်းနားတဲ့ အောင်မြင်မှုတွေ ရခဲ့တာ ဟုတ်ပါတယ်”

“ဒါပေမယ့် ပွဲကစားခွင့် မရတဲ့ အခါမှာ ကိုယ့်ကိုယ်ကိုယ် ပျောက်ဆုံးသွား သလိုပါပဲ။ တူဟယ်လ်ရဲ့ နည်းစနစ်နဲ့ ကစားဟန် ကလည်း ကျနော်နဲ့ အံမဝင်ခဲ့ဘူး ထင်ပါတယ်” လို့ ပြောကြားသွားခဲ့ပါတယ်။

ယူနိုက်တက်နဲ့ ဘာစီလိုနာ ပစ်မှတ်ကို ရောင်းချမှာ မဟုတ်ဘူးလို့ ဒေါ့မန် ငြင်းဆန်

ယူနိုက်တက်နဲ့ ဘာစီလိုနာ တို့ဟာ ဘွန်ဒက်စ်လီဂါ ကလပ် ဒေါ့မန် ရဲ့ ညာနောက်ခံလူ သောမတ်စ် မူနီယာကို စိတ်ဝင်စားနေပေမယ့် ဒေါ့မန် ဘက်ကတော့ ဒီကစားသမားကို ရောင်းချမှာ မဟုတ်ဘူးလို့ ငြင်းဆန် လိုက်ပါတယ်။

ယူနိုက်တက် နည်းပြ အဲရစ်တန်ဟက်ခ် ဟာ ညာနောက်ခံလူ နေရာကို ဖြည့်တင်းဖို့ ဆန္ဒရှိနေပြီး အခုလိုမျိုးပဲ မူနီယာကို မျက်စိကျနေတာ ဖြစ်ပါတယ်။ ဘယ်လ်ဂျီယံ ညာနောက်ခံလူ အတွက် ယူနိုက်တက်တို့ ပြောင်းရွှေ့ကြေး ပေါင် ၁၂.၆ သန်း ပြင်ဆင် ထားတယ်လို့လည်း သိရှိရပါတယ်။

ဒါပေမယ့်လည်း ဒေါ့မန် ဒါရိုက်တာ ဆီဘက်စတီယန်ခါးလ်က “ ကျနော်တို့ မူနီယာကို ရောင်းချစရာ အကြောင်းပြချက် မရှိပါဘူး။ ဒါက ကျနော်တို့ရဲ့ အစီအစဉ် တစ်ခုလည်း မဟုတ်ပါဘူး” လို့  ငြင်းဆန် ပြောကြား သွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.