စက်တင်ဘာ ၁၈ ရက်နေ့ ညနေခင်း အထိ နောက်ဆုံး ရရှိထားသမျှ ဘွန်ဒက်စ်လီဂါ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ပြန်ပြီး စဥ်းစားရမယ့် အချိန်ကို ရောက်လာပြီလို့ ဘေယန် နည်းပြ ဖွင့်ဟ
ဘေယန်မြူးနစ် နည်းပြ ဂျူလီယန် နေဂဲလ်စ်မန်းက အော့စ်ဘတ်ကို ရှုံးနိမ့်ခဲ့ပြီးနောက် ပြန်လည် စဥ်းစားစရာတွေ အများကြီး ရှိနေပြီ ဖြစ်ကြောင်း ဖွင့်ဟ ပြောကြားလာပါတယ်။ ဘေယန်မြူးနစ်တို့ မနေ့ညက အဝေးကွင်းမှာ အော့စ်ဘတ်ကို ၁-၀ ဂိုးနဲ့ ရှုံးနိမ့်ခဲ့တာပါ။
ဒါဟာ ဘေယန်မြူးနစ် အတွက် ဘွန်ဒက်စ်လီဂါမှာ နောက်ဆုံး (၄) ပွဲ ဆက်တိုက် နိုင်ပွဲ ပျောက်ဆုံးခဲ့တာလည်း ဖြစ်ပါတယ်။ ဒီအပေါ်မှာ နေဂဲလ်စ်မန်းက “ဒီနောက်ပိုင်း အနှုတ် လက္ခဏာဆောင်တဲ့ ပွဲဆက်တွေ ရှိလာတာ မကောင်းပါဘူး” “ပြောင်းလဲစရာတွေ အများကြီး ရှိပါတယ်။ ကျနော့် အနေနဲ့လည်း စဥ်းစားရမှာဖြစ်ပြီး ဒီကနေ ဘယ်လိုမျိုး ခရီးဆက်ရမယ် ဆိုတာကို စောင့်ကြည့်ရမှာပေါ့။ ကိုယ့်ကိုယ်ကိုယ်ရော၊ လက်ရှိ အခြေအနေကိုရော၊ အရာအားလုံးကိုရော ကျနော် ပြန်စဥ်းစားရမှာပါ” လို့ ပြောကြားသွားခဲ့ပါတယ်။
ဘေယန်မြူးနစ်ဟာ လာမယ့် နိုင်ငံတကာ ရက်သတ္တပတ်အပြီး အောက်တိုဘာ (၁) မှသာ လေဗာကူဆင်နဲ့ ဘွန်ဒက်စ်လီဂါ အိမ်ကွင်း ပွဲစဉ် အဖြစ် ပြန်လည် ကစားရတော့မှာပါ။
ဒေါ့မန် ကြယ်ပွင့်ကို ခေါ်ယူဖို့ အေစီမီလန် လက်မလျှော့သေး
အေစီမီလန်ဟာ ဘွန်ဒက်စ်လီဂါ ကလပ် ဒေါ့မန်ရဲ့ လူငယ်ကြယ်ပွင့် ကွင်းလယ်လူ ဗက်စ်ကို ဝေါ့ဇ်ကို ခေါ်ယူဖို့ လက်မလျှော့သေးဘဲ ထပ်မံ ကြိုးစားသွားမှာ ဖြစ်ကြောင်း သိရပါတယ်။
ဝေါ့ဇ် အတွက် ကစားသမားရဲ့ အေးဂျင့်နဲ့ အေစီမီလန် တာဝန်ရှိသူတွေ ပြီးခဲ့တဲ့ နွေရာသီ စျေးကွက်မှာ တွေ့ဆုံ ဆွေးနွေးခဲ့ကြပေမယ့် ကစားသမား ကတော့ အသင်း ပြောင်းဖြစ်ခဲ့ခြင်း မရှိပါဘူး။
အသက် (၁၇) နှစ် အရွယ် ကွင်းလယ်လူဟာ ယူအီးအက်ဖ်အေ လူငယ်လိဂ် အဖြစ် မန်စီးတီးကို ၃-၂ ဂိုးနဲ့ ရှုံးခဲ့တဲ့ ပွဲမှာ ဒေါ့မန် အတွက် အကောင်းဆုံး ခြေစွမ်းပြနိုင်ခဲ့ပါသေးတယ်။ ဝေါ့ဇ် အနေနဲ့ ကွင်းလယ် နေရာစုံမှာ ကစားနိုင်ပြီး ဒေါ့မန်နဲ့ (၂၀၂၃) ဇွန်လ အထိ စာချုပ် သက်တမ်း ကျန်ရှိနေပါတယ်။
ဝေါ့ဇ်ကို ခေါ်ယူဖို့ အေစီမီလန် အပြင် ဂျူဗင်တပ်စ်နဲ့ အခြားသော ဥရောပထိပ်တန်း အသင်းကြီးတွေ ကလည်း စိတ်ဝင်စားနေကြပါတယ်။ ဒါ့အပြင် ကစားသမားရဲ့ အေးဂျင့် ကလည်း ဒေါ့မန်နဲ့ စာချုပ် သက်တမ်းတိုးဖို့ အတွက် ဆွေးနွေးမှုတွေ ပြုလုပ်လျက် ရှိပါတယ်။
လေဗာကူဆင်ရဲ့ ချန်ပီယံလိဂ် ပွဲစဉ်တွေကို ပရီးမီးယားလိဂ် အသင်းတွေ စောင့်ကြည့်နေ
အာဆင်နယ်၊ ချဲလ်ဆီးတို့ရဲ့ ကင်းထောက်တွေဟာ ချန်ပီယံလိဂ် အုပ်စုပွဲစဥ်ကို သွားရောက် ကြည့်ရှုခဲ့ကြပြီး ဘွန်ဒက်စ်လီဂါ ကလပ် လေဗာကူဆင် အသင်းရဲ့ တောင်ပံ တိုက်စစ် ကစားသမား မူဆာ ဒီယာဘီကို စောင့်ကြည့်ခဲ့ကြတယ်လို့ သိရပါတယ်။
ပြီးခဲ့တဲ့ ကြားရက်မှာ ကစားခဲ့တဲ့ အဆိုပါပွဲမှာ ဒီယာဘီ ကလည်း လေဗာကူဆင် အတွက် သွင်းဂိုး တစ်ဂိုး သွင်းယူကာ လေဗာကူဆင် ကလည်း အက်သလက်တီကို,ကို အိမ်ကွင်းမှာ ၂ ဂိုးပြတ်နဲ့ အနိုင်ရရှိခဲ့ပါတယ်။ အသက် (၂၃) နှစ် အရွယ် အဆိုပါ ကစားသမားဟာ ပြီးခဲ့တဲ့ (၂၀၁၉) မှာ ပီအက်စ်ဂျီ ကနေ ယူရို (၁၅) သန်းနဲ့ ဂျာမန်မြေကို ရောက်ရှိလာခဲ့တာပါ။
ဒီယာဘီဟာ အဆုံးသတ် ကောင်းမွန်တဲ့ ကစားသမား တစ်ယောက် ဖြစ်ပြီး တောင်ပံဘယ်၊ ညာ နှစ်ဖက်စလုံး မှာလည်း ကစားနိုင်စွမ်း ရှိပါတယ်။ ဒါ့အပြင် ပြီးခဲ့တဲ့ ရာသီ ကလည်း အသင်း အတွက် ပြိုင်ပွဲစုံ (၄၂) ပွဲ ကစားပေးခဲ့ပြီး (၁၇) ဂိုးသွင်းကာ ဂိုးဖန်တီးမှု (၁၄) ကြိမ် ပြုလုပ်ပေးနိုင်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
