ကိုင်ဟာဗက်ဇ်ကို ခေါ်ယူဖို့ ပြင်ဆင်နေတဲ့ ဘေယန်မြူးနစ်၊ ဘယ်လင်ဟမ်လို ကစားသမားတွေ အီတလီ မှာလည်း ရှိတယ်လို့ ဆိုလိုက်တဲ့ မန်စီနီ (ဘွန်ဒက်စ်လီဂါ နောက်ဆုံးရ သတင်းများ)

ကိုင်ဟာဗက်ဇ်ကို ခေါ်ယူဖို့ ပြင်ဆင်နေတဲ့ ဘေယန်မြူးနစ်၊ ဘယ်လင်ဟမ်လို ကစားသမားတွေ အီတလီ မှာလည်း ရှိတယ်လို့ ဆိုလိုက်တဲ့ မန်စီနီ စတဲ့ သတင်းတွေ အပါအဝင် ဇန်နဝါရီ ၁၉ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ကိုင်ဟာဗက်ဇ်ကို ခေါ်ယူဖို့ ပြင်ဆင်နေတဲ့ ဘေယန်မြူးနစ်

ချဲလ်ဆီး တိုက်စစ် ကစားသမား ကိုင် ဟာဗက်ဇ်ဟာ ဘေယန်မြူးနစ်ရဲ့ ကာလရှည် ပစ်မှတ် ကစားသမား အဖြစ် သတ်မှတ်ခံထားရတယ်လို့ သိရပါတယ်။

ကိုင်ဟာဗက်ဇ်ဟာ ဘွန်ဒက်စ်လီဂါ အတွေ့အကြုံ ရှိတဲ့ ကစားသမား တစ်ယောက် ဖြစ်ပြီး ပြီးခဲ့တဲ့ (၂၀၂၀) ခုနှစ် ကမှ လေဗာကူဆင် ကနေ ချဲလ်ဆီးကို ပြောင်းရွှေ့လာခဲ့တာ ဖြစ်ပါတယ်။

ချဲလ်ဆီးဟာ လက်ရှိအချိန်မှာ မူဒရစ်ခ်ကို ခေါ်ယူထားသလို လာမယ့်နွေရာသီ မှာလည်း ခရစ္စတိုဖာ အန်ကွန်ကူး အသင်းကို ရောက်ရှိလာမှာကြောင့် ဟာဗက်ဇ်ကို ပြန်လည် လက်လွှတ်ရဖွယ် ရှိပါတယ်။

ဘယ်လင်ဟမ်လို ကစားသမားတွေ အီတလီ မှာလည်း ရှိတယ် ဆိုတဲ့ မန်စီနီ

အီတလီ လက်ရွေးစင် အသင်း နည်းပြ ရော်ဘတ်တို မန်စီနီက ဒေါ့မန်နဲ့ အင်္ဂလန် ကွင်းလယ်လူ ဂျူ့ဒ် ဘယ်လင်ဟမ်လို အရည်အချင်းမျိုးနဲ့ ကစားသမားတွေ အီတလီ မှာလည်း ရှိကြောင်း ဖွင့်ဟ ပြောကြားလာပါတယ်။

အသက် (၁၉) နှစ် အရွယ် အဆိုပါ ဘွန်ဒက်စ်လီဂါ ကြယ်ပွင့်ဟာ လက်ရှိအချိန်မှာ ပြောင်းရွှေ့ကြေး ယူရိုသန်း (၁၀၀) အနည်းဆုံး တန်ကြေး ရှိနေပြီလည်း ဖြစ်ပါတယ်။

မန်စီနီက အီတလီ မှာလည်း ဘယ်လင်ဟမ်လို ကစားသမားမျိုး ၄/၅ ယောက် ရှိကြောင်း၊ ဒါပေမယ့် သူတို့ အတွက် ပွဲကစားခွင့် ရဖို့ လိုအပ်ကြောင်း၊ အရည်အချင်း ရှိပေမယ့် အတွေ့အကြုံ နည်းပါးနေကြောင်း ပြောကြားသွားခဲ့တာပါ။

ပရီးမီးယား လိဂ်