ဆွမ်မားကို ခေါ်ယူနိုင်ခဲ့တဲ့ ဘေယန်မြုးနစ်၊ အာဆင်နယ်ရဲ့ ပစ်မှတ်ကို ချဥ်းကပ်လာပြန်တဲ့ နယူးကာဆယ် (ဘွန်ဒက်စ်လီဂါ နောက်ဆုံးရ သတင်းများ)

ဆွမ်မားကို ခေါ်ယူနိုင်ခဲ့တဲ့ ဘေယန်မြုးနစ်၊ အာဆင်နယ်ရဲ့ ပစ်မှတ်ကို ချဥ်းကပ်လာပြန်တဲ့ နယူးကာဆယ် စတဲ့ သတင်းတွေ အပါအဝင် ဇန်နဝါရီ ၁၉ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ဆွမ်မားကို ခေါ်ယူနိုင်ခဲ့တဲ့ ဘေယန်မြုးနစ်

ဘေယန်မြုးနစ်ဟာ ဘွန်ဒက်စ်လီဂါ အသင်း တစ်သင်းပဲ ဖြစ်တဲ့ မိုချန်ဂလာဘတ်ရဲ့ ဂိုးသမား ယန်း ဆွန်းမားကို ခေါ်ယူနိုင်ခဲ့ပြီ ဖြစ်ပါတယ်။

အဆိုပါ ဆွစ်ဇာလန် ဂိုးသမား အတွက် ဘေယန်မြုးနစ်တို့ ပြောင်းရွှေ့ကြေး ယူရို (၈) သန်းနဲ့ အပိုဆုကြေး ယူရို (၁.၅) သန်း ပေးချေရမယ်လို့ သိရပါတယ်။

ဒီအတွက် မိုချန်ဂလာဘတ်နဲ့ သဘောတူညီမှု ရရှိခဲ့ပြီး ကစားသမားနဲ့လည်း (၂၀၂၅) ခုနှစ်အထိ ၂ နှစ် သက်တမ်းရှိ စာချုပ် တစ်ရပ်ကို ချုပ်ဆိုသွားမှာ ဖြစ်ပါတယ်။

အာဆင်နယ် ပစ်မှတ်ကို ချဥ်းကပ်လာပြန်တဲ့ နယူးကာဆယ်

အာဆင်နယ်က ခေါ်ယူဖို့ ပစ်မှတ်ထားနေတဲ့ ဘွန်ဒက်စ်လီဂါ ကလပ် လေဗာကူဆင် ကြယ်ပွင့် မူဆာ ဒီယာဘီကို ခေါ်ယူဖို့ အတွက် နယူးကာဆယ်က ချဥ်းကပ်မှုတွေ ပြုလုပ်ခဲ့ကြောင်း သိရှိရပါတယ်။

အသက် (၂၃) နှစ် အရွယ် ဒီယာဘီဟာ လေဗာကူဆင် အတွက် တောက်ပတဲ့ ကြယ်ပွင့် အဖြစ် သတ်မှတ်ခံထားရပြီး အသင်းနဲ့လည်း (၂၀၂၅) ခုနှစ် အထိ စာချုပ် သက်တမ်း ကျန်ရှိနေပါတယ်။

အာဆင်နယ်က ဒီယာဘီနဲ့ သတင်းထွက်လာချိန်မှာ နယူးကာဆယ် ကလည်း ဒီကြယ်ပွင့်ကို ကနဦး ချဥ်းကပ်မှုတွေ ပြုလုပ်ခဲ့တယ်လို့ သိရပြီး လေဗာကူဆင် ကတော့ ကစားသမား အတွက် ပြောင်းရွှေ့ကြေး ယူရိုသန်း (၅၀) သတ်မှတ်ထားပါတယ်။ 

ရီးရဲလ်မက်ဒရစ် နောက်ခံလူကို ကမ်းလှမ်းခဲ့တဲ့ ဘေယန်မြုးနစ်

ဂျာမန် ဘွန်ဒက်စ်လီဂါ ဘီလူးကြီး ဘေယန်မြုးနစ်ဟာ ရီးရဲလ်မက်ဒရစ်နဲ့ စာချုပ်သက်တမ်း ကုန်ဆုံးတော့မယ့် ခံစစ်မှူး တစ်ဦး ဖြစ်တဲ့ နာချို ဖာနန်ဒက်ဇ်ကို ကမ်းလှမ်းခဲ့ကြောင်း သိရပါတယ်။

ဒီအကြောင်း ကိုတော့ စပိန်ဘက်က သတင်းတွေမှာ ဖော်ပြခဲ့တာ ဖြစ်ပြီး နာချို အတွက် ဂျာမန် ကလပ် အသင်း တစ်သင်း ထံက စွဲမက်ဖွယ် ကောင်းတဲ့ ကမ်းလှမ်းမှုမျိုး ရရှိခဲ့ကြောင်း အဲ့ဒီ အသင်း ကတော့ ဘေယန်မြုးနစ်ပဲ ဖြစ်ကြောင်း ရေးသား ဖော်ပြနေကြတာ ဖြစ်ပါတယ်။

နာချိုဟာ လာမယ့် နွေရာသီမှာ ရီးရဲလ်မက်ဒရစ်နဲ့ စာချုပ်သက်တမ်း ကုန်ဆုံးမှာ ဖြစ်ပြီး အသင်းနဲ့ စာချုပ် သက်တမ်း မတိုးဖို့ သေချာနေသူလည်း ဖြစ်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.