နေဂဲလ်စ်မန်းကို ထုတ်ပြီး တူချယ်ကို ခေါ်လိုက်တဲ့ ဘေယန်၊ သီယာဂို ဆေးလ်ဗား နေရာမှာ ဂဗာဒီယိုလ်နဲ့ အစားထိုးချင်နေတဲ့ ချဲလ်ဆီး စတဲ့ သတင်းတွေ အပါအဝင် မတ် ၂၄ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
နေဂဲလ်စ်မန်းကို အံ့အားသင့်ဖွယ် ထုတ်ပယ်ပြီး တူချယ်aကို ခေါ်ယူလိုက်တဲ့ ဘေယန်မြူးနစ်
ဘေယန်မြူးနစ်ဟာ သူတို့ရဲ့ နည်းပြ ဂျူလီယန် နေဂဲလ်စ်မန်းကို ရာထူး ကနေ အံ့အားသင့်ဖွယ် ထုတ်ပယ်လိုက်ပြီး ချဲလ်ဆီးနဲ့ ဒေါ့မန် နည်းပြဟောင်း သောမတ်စ် တူချယ်ကို နည်းပြသစ် အဖြစ် ခန့်အပ်လိုက်ကြောင်း သိရပါတယ်။
ဘွန်ဒက်စ်လီဂါ ထိပ်သီး ကလပ် အနေနဲ့ နေဂဲလ်စ်မန်းကို ထုတ်ပယ်မှုအ ပေါ် ကာယကံရှင်ထံ ကြိုတင် အသိပေးခဲ့ခြင်း မရှိဘဲ အသင်းတွင်း ဆုံးဖြတ်ပြီး ထုတ်ပယ်ခဲ့တယ်လို့ သိရပါတယ်။ ဒါ့အပြင် နေဂဲလ်စ်မန်း အနေနဲ့ အသင်းထံက တရားဝင် ဆက်သွယ်မှု မရခင်မှာပဲ သူ့ကို ထုတ်ပယ်လိုက်တဲ့ သတင်းတွေကို ဂျာမန် မီဒီယာတွေက တစ်ဆင့် မြင်တွေ့ခဲ့ရတယ်လို့ ဆိုပါတယ်။
ဘေယန်မြူးနစ်ဟာ နည်းပြသစ် အဖြစ် သောမတ်စ် တူချယ်ကို ခန့်အပ်ဖို့ အတွက်ပါ တစ်ပါတည်း သဘောတူညီမှု ရရှိခဲ့ပြီး အဆိုပါ ဂျာမန်လူမျိုး နည်းပြနဲ့ (၂၀၂၅) ခုနှစ်အထိ စာချုပ်ချုပ်ဆိုဖို့ စီစဥ်ထားပြီး ဖြစ်ကြောင်း သိရပါတယ်။
မာနေးရဲ့ အနေအထားကို ဘေယန်မြူးနစ်တို့ ပိုမိုစိုးရိမ်လာ
မာနေးဟာ ပြီးခဲ့တဲ့ နွေရာသီကမှ မြူးနစ်ကို ရောက်ရှိလာခဲ့တာ ဖြစ်ပြီး အသင်းနဲ့ အတူ ပထမဆုံး ဘွန်ဒက်စ်လီဂါ ရာသီကို ဖြတ်သန်းနေတာ ဖြစ်ပါတယ်။ အဆိုပါ ဆီနီဂေါ လက်ရွေးစင် အသင်းခေါင်းဆောင်ဟာ အသင်းကို ရောက်ရောက်ချင်း ခြေစွမ်းပြ ဂိုးတွေ သွင်းယူနိုင်ခဲ့ပေမယ့် ရာသီဝက် နောက်ပိုင်း မှာတော့ ဒဏ်ရာ ပြဿနာတွေနဲ့ ရုန်းကန်ခဲ့ရပါတယ်။
ဒါ့အပြင် အခုချိန် မှာလည်း ပုံမှန် ခြေစွမ်း ပြန်လည် ပြသနိုင်ခြင်း မရှိသေးဘဲ လေ့ကျင့်ရေးကွင်း မှာလည်း တစ်ဦးချင်း ကျော်ဖြတ်မှုတွေမှာ မအောင်မြင်တော့တာကြောင့် ဘေယန်မြူးနစ် ဘက်က မာနေးနဲ့ ပတ်သက်လို့ စိုးရိမ်မှုတွေ မြင့်တက်လာခဲ့တာလည်း ဖြစ်ပါတယ်။
ချဲလ်ဆီးရဲ့ အနာဂတ် ပစ်မှတ် အဖြစ် သတ်မှတ်ခံထားရတဲ့ ဂဗာဒီယိုလ်
လိုက်ပ်ဇစ် ဗဟိုနောက်ခံလူ ဂျော့စ်ကို ဂဗာဒီယိုလ်ဟာ အနာဂတ်မှာ ချဲလ်ဆီး နောက်ခံလူ သီယာဂို ဆေးလ်ဗားရဲ့ နေရာကို အစားထိုးနိုင်မယ့် ကစားသမား အဖြစ် သတ်မှတ်ခံထားရကြောင်း လန်ဒန် အခြေစိုက် သတင်းဌာနတွေက ဖော်ပြခဲ့ပါတယ်။
အဆိုပါ ခရိုအေးရှား လက်ရွေးစင် ဗဟိုနောက်ခံလူဟာ ဘွန်ဒက်စ်လီဂါမှာ အထင်ကြီးစရာ ခြေစွမ်းကို ပြသနေပြီး ပြီးခဲ့တဲ့ ဆောင်းရာသီ အပြောင်းအရွှေ့ မှာလည်း ချဲလ်ဆီးကို ပြောင်းရွှေ့ဖို့ နီးစပ်ခဲ့ပါသေးတယ်။ တော့ဒ်ဘိုလေရဲ့ ချဲလ်ဆီးဟာ ဂဗာဒီယိုလ် အတွက် ကမ်းလှမ်းခဲ့ပေမယ့် လိုက်ပ်ဇစ် ဘက်က မရောင်းချခဲ့တာကြောင့် အပြောင်းအရွှေ့က အထမမြောက်ခဲ့တာပါ။
ချဲလ်ဆီးဟာ အသက် (၃၈) နှစ် အရွယ် သီယာဂို ဆေးလ်ဗားရဲ့ နေရာကို ရေရှည် အစားထိုးဖို့ ဂဗာဒီယိုလ်ကို ပစ်မှတ်ထားနေတာ ဖြစ်ပြီး လာမယ့် နွေရာသီ အပြောင်းအရွှေ့ မှာလည်း ဒီကစားသမားကို ခေါ်ယူဖို့ ထပ်မံ ကြိုးစားလာဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
