ကင်မစ်ချ် အတွက် ခြေလှမ်းစတင်လာတဲ့ အာဆင်နယ် (ဘွန်ဒက်စ်လီဂါ သတင်းများ)

ဒီတစ်ခါ မှာတော့ ဇူလိုင်လ ၂၁ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။

ကင်မစ်ချ် အတွက် ခြေလှမ်းစတင်လာတဲ့ အာဆင်နယ်

အာဆင်နယ်ဟာ ဘွန်ဒက်စ်လီဂါ လက်ရှိ ချန်ပီယံ ဘေယန်မြူးနစ် ကွင်းလယ်လူ ဂျော်ရွှာ ကင်မစ်ချ်ကို ခေါ်ယူဖို့ ခြေလှမ်းစတင် လာခဲ့ကြောင်း သတင်းတွေက ဖော်ပြလာကြပါတယ်။

ဂျာမနီ လက်ရွေးစင် ကွင်းလယ်လူဟာ စိန်ခေါ်မှု အသစ်တွေ ရှာဖွေချင်တာကြောင့် လက်ရှိရာသီမှာ ဘေယန်မြူးနစ်ကို စွန့်ခွာဖို့ သတင်းတွေ ထွက်ပေါ်နေတာ ဖြစ်ပါတယ်။ သူ့ကို ခေါ်ယူဖို့ ဘာစီလိုနာက အထူးစိတ်ဝင်စားခဲ့ပေမယ့် ငွေကြေး အခက်အခဲကြောင့် ခက်ခဲနေဆဲတော့ ဖြစ်ပါတယ်။

လက်ရှိအချိန်မှာတော့ အာဆင်နယ်က ကင်မစ်ချ်ရဲ့ အပြောင်းအရွှေ့မှာ ပါဝင်ဖို့ ပြင်ဆင်လာခဲ့ပြီး ပြောင်းရွှေ့ကြေး ပေါင်သန်း ၅၀ နဲ့ စတင်ကမ်းလှမ်းဖို့ စဉ်းစားနေကြောင်း သတင်းတွေက ဖော်ပြလျက်ရှိပါတယ်။ ဘေယန်မြူးနစ် ဘက်ကတော့ သူတို့ရဲ့ အဓိကက ကစားသမား ကင်မစ်ချ်ကို ရောင်းထုတ်လိုခြင်း မရှိကြောင်း ဆိုထားပေမယ့် ကစားသမား ဘက်ကသာ အမှန် ထွက်ခွာချင်ရင် ရောင်းထုတ်ရဖွယ် ရှိနေပါတယ်။ 

ဒီယာဘီ အတွက် ပြောင်းရွှေ့ကြေး တိုးမြှင့် ကမ်းလှမ်းခဲ့တဲ့ ဗီလာ 

အက်စတွန်ဗီလာ လေဗာကူဆင်ရဲ့ တိုက်စစ် ကြယ်ပွင့် မူဆာ ဒီယာဘီကို ခေါ်ယူဖို့ အတွက် ပြောင်းရွှေ့ကြေး တိုးမြှင့် ကမ်းလှမ်းလိုက်ကြောင်း သိရပါတယ်။ အဆိုပါ ဘွန်ဒက်စ်လီဂါ ကြယ်ပွင့် အတွက် အက်စတွန်ဗီလာတို့ ပြောင်းရွှေ့ကြေး ပေါင်သန်း (၃၀) ဝန်းကျင်နဲ့ စတင် ကမ်းလှမ်းခဲ့ပေမယ့် လေဗာကူဆင် ဘက်က ငြင်းဆန်ပယ်ချခဲ့ပါတယ်။ 

အခုချိန်မှာတော့ အက်စတွန်ဗီလာက ပြောင်းရွှေ့ကြေးကို ပေါင် (၄၂) သန်း အထိ တိုးမြှင့် ကမ်းလှမ်းလာမှာ ဖြစ်ပြီး လေဗာကူဆင်က သတ်မှတ်ထားတဲ့ ပြောင်းရွှေ့ကြေး ပေါင် (၅၂) သန်းနဲ့တော့ ကွာဟနေဆဲပါ။ 

လေဗာကူဆင်ဟာ ဒီယာဘီကို ရောင်းထုတ်လိုခြင်း မရှိသည့်တိုင် သတ်မှတ်ထားတဲ့ ပြောင်းရွှေ့ကြေးနဲ့ သင့်တော်တဲ့ ကမ်းလှမ်းမှုတွေ ရရှိလာခဲ့ရင်တော့ လက်ရှိနွေရာသီမှာပဲ ရောင်းထုတ်သွားဖွယ် ရှိနေပါတယ်။ 

ဇာဗီ ဆိုင်မွန်စ်ကို အငှားနဲ့ ခေါ်ယူလိုက်ပြီ ဖြစ်တဲ့ လိုက်ပ်ဇစ် 

ဘွန်ဒက်စ်လီဂါ ကလပ် လိုက်ပ်ဇစ်ဟာ ပီအက်စ်ဂျီ တိုက်စစ်ကြယ်ပွင့် ဇာဗီ ဆိုင်မွန်စ်ကို တစ်ရာသီ အငှားစာချုပ်နဲ့ ခေါ်ယူလိုက်ပြီ ဖြစ်ကြောင်း သိရှိရပါတယ်။ ဇာဗီ ဆိုင်မွန်စ်ဟာ ပြီးခဲ့တဲ့ ရက်ပိုင်းကမှ ပီအက်စ်ဗွီ ကနေ ပီအက်စ်ဂျီကို ပြောင်းရွှေ့ကြေး ယူရို (၆) သန်းနဲ့ ပြန်လည် ပြောင်းရွှေ့လာခဲ့တဲ့ ကစားသမားပါ။

ဒါပေမယ့် အဆိုပါ ကြယ်ပွင့်က ပုံမှန်ပွဲထွက်ခွင့် အတွက် အခြားသော အသင်း တစ်သင်းကို အငှားထွက် ကစားဖို့ ဆန္ဒရှိခဲ့ပြီး ပီအက်စ်ဂျီ ကလည်း လိုက်လျောပေးခဲ့တာ ဖြစ်ပါတယ်။ ဇာဗီ ဆိုင်မွန်စ် အနေနဲ့ လိုက်ပ်ဇစ်မှာ ကျောနံပါတ် (၂၀) ကို ဝတ်ဆင် ကစားသွားမှာ ဖြစ်ပြီး လာမယ့် နွေရာသီ မှာတော့ မိခင် ကလပ် ပီအက်စ်ဂျီကို ပြန်လည် ပြောင်းရွှေ့သွားမှာပါ။ 

ဇာဗီ ဆိုင်မွန်စ်က ဘွန်ဒက်စ်လီဂါဟာ ဥရောပရဲ့ အကောင်းဆုံး လိဂ်တွေထဲက တစ်ခု ဖြစ်ပြီး လိုက်ပ်ဇစ် ကလည်း ဘွန်ဒက်စ်လီဂါရဲ့ အကောင်းဆုံး အသင်းတွေထဲက တစ်သင်း ဖြစ်ကြောင်း၊ လိုက်ပ်ဇစ်နဲ့ အတူ ရာသီသစ်ကို စတင်ဖို့ မစောင့်နိုင်တော့ကြောင်း ပြောကြားသွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.