ဘွန်ဒက်စ်လီဂါအပါအဝင်ဥရောပထိပ်တန်းလိဂ်တွေရဲ့အပြောင်းအရွှေ့နဲ့စိတ်ဝင်စားဖွယ်သတင်းတွေကိုဖော်ပြပေးသွားမှာဖြစ်ပါတယ်။
အာဆင်နယ်ကတော့ဘေယန်မြူးနစ်တောင်ပံကစားသမားကင်စလေကိုးမန်းကိုလာမယ့်နွေရာသီမှာခေါ်ယူဖို့စိတ်ဝင်စားမှုအားကောင်းလာကြောင်းဂန်းနားတွေနဲ့နီးစပ်တဲ့အသိုင်းအဝိုင်းကနေသိရပါတယ်။ကိုမန်ကတော့ဘွန်ဒက်စ်လီဂါကလပ်မှာ၁၀စုနှစ်တစ်ခုအကြာဖြတ်သန်းထားပြီးပြိုင်ပွဲစုံ၂၇၁ပွဲကစားကာ၆၂ဂိုးသွင်းယူထားပါတယ်။
လစ်ဗာပူးလ်တိုက်စစ်မှူးလူးဝစ္စဒီးယက်ဇ်ကတော့အသင်းနဲ့စာချုပ်သစ်ချုပ်ဆိုဖို့ဆန္ဒရှိနေပေမယ့်လည်းဆော်ဒီပရိုလိဂ်သို့သွားရောက်နိုင်ခြေနဲ့ပတ်သတ်လို့တော့ငြင်းဆန်ထားခြင်းမရှိပါဘူး။လူးဝစ္စဒီးယက်ဇ်ကတော့ပြီးခဲ့တဲ့လပိုင်းမှာကတည်းကဘာစီလိုနာအပြင်ဆော်ဒီပရိုလိဂ်ကလပ်တွေနဲ့သတင်းတွေတောက်လျောက်ထွက်ပေါ်နေသူဖြစ်ပါတယ်။
ပရီးမီးယားလိဂ်ချန်ပီယံလောင်းအသင်းဖြစ်တဲ့လစ်ဗာပူးလ်ကနေမကြာခင်ထွက်ခွာဖို့ဦးတည်နေတဲ့နောက်ထပ်ကစားသမားကတော့ဒါဝင်နူညက်ဇ်ဖြစ်ပါတယ်။သူ့ရဲ့ကလပ်နဲ့လိုက်လျော့ညီထွေမှုကင်းမဲ့တာကိုကလပ်ဘက်ကဝန်ထုပ်ဝန်ပိုးတစ်ခုအဖြစ်သတ်မှတ်ထားပြီးမကြာခင်ရောင်းထုတ်သွားဖွယ်ရှိနေပါတယ်။
မန်ချက်စတာစီးတီးကတော့ဘွန်ဒက်စ်လီဂါကလပ်လိုက်ပ်ဇစ်ကပေါင်သန်း 60 သတ်မှတ်ထားတဲ့ဇာဗီဆိုင်မွန်ကိုခေါ်ယူချင်နေပါတယ်။ဒီကစားသမားလေးကိုတော့လိုက်ပ်ဇစ်ဘက်ကအလွယ်တကူလက်လွှတ်လိုခြင်းမရှိသလိုသူ့ကိုခေါ်ယူဖို့အတွက်ဆိုရင်တော့မန်စီးတီးဟာမြို့ခံပြိုင်ဘက်ယူနိုက်တက်နဲ့ယှဉ်ပြိုင်ရမှာဖြစ်ပါတယ်။ဒါပေမယ့်လည်းမန်စီးတီးဟာဇာဗီဆိုင်မွန်ကိုခေါ်ယူရန်ကြိုးပမ်းမှုမှာအသာစီးရနေတယ်လို့သိရပါတယ်။
အာဆင်နယ်၊လစ်ဗာပူးလ်နဲ့နယူးကာဆယ်တို့ကတော့ဟူဂိုအစ်ကီတီကီရဲ့ခြေစွမ်းကိုစောင့်ကြည့်လေ့လာဖို့အတွက်တော့တင်ဟမ်ဟော့စပါးနဲ့ဖရန့်ဖတ်တို့ကစားတဲ့ယူရိုပါလိဂ်ပွဲစဉ်ကိုကင်းထောက်တွေစေလွှတ်ခဲ့ကြောင်းသိရပါတယ်။အသက်၂၂နှစ်အရွယ်ပြင်သစ်တိုက်စစ်မှူးလေးကတော့ဒီရာသီမှာဖရန့်ဖတ်အတွက်ပြိုင်ပွဲစုံ၄၄ပွဲကစားပြီး၂၁ဂိုးသွင်းကာ၉ဂိုးဖန်တီးပေးထားပါတယ်။
တော့တင်ဟမ်ဟော့စပါးကတော့ဖီအိုရင်တီးနားနောက်ခံလူဒိုဒိုကိုဘာစီလိုနာနဲ့အပြိုင်ခေါ်ယူဖို့အတွက်ကြိုးပမ်းလျက်ရှိကြောင်း AS ကဖော်ပြလာပါတယ်။အသက်၂၆နှစ်အရွယ်ဘရာဇီးလ်သားကတော့စီးရီးအေကလပ်အတွက်တောက်လျောက်ခြေစွမ်းပြနေပြီးပွဲပေါင်း၁၀၀ကျော်လည်းကစားထားပါတယ်။
ချဲလ်ဆီးကတော့အက်တလက်တီကိုမက်ဒရစ်ကအလိုရှိနေတဲ့ဘာစီလိုနာကွင်းလယ်လူဖာမင်းလိုပက်ဇ်ကိုယူရိုသန်း၄၀ (ပေါင်၃၄.၃သန်း) နဲ့ခေါ်ယူဖို့အဆင်သင့်ဖြစ်နေကြောင်း El Nacional ကဖော်ပြပါတယ်။
အေစီမီလန်ကတော့လက်ရှိမှာမန်စီးတီးကနေအငှားနဲ့လာရောက်ကစားနေတဲ့အင်္ဂလန်ညာနောက်ခံလူကိုင်လ်ဝေါလ်ကာကိုဆန်စီရိုဆီအပြီးသတ်ခေါ်ယူဖို့စီစဉ်နေတယ်လို့သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
