အဲလ်အေလိတ်ကာစ် vs မီယာမီဟိထ် (ပွဲစဉ် ၄)
လာမယ့် အောက်တိုဘာလ ၇ ရက်နေ့ မြန်မာစံတော်ချိန် နံနက် ၇ နာရီခွဲ အချိန်မှာ အန်ဘီအေ ဗိုလ်လုပွဲ ပွဲစဉ်(၄) အဖြစ် အဲလ်အေလိတ်ကာစ်နဲ့ မီယာမီဟိထ်တို့ ဆက်လက်ကစားဖို့ရှိနေပါတယ်။
ပွဲစဉ် ၃ ပွဲ ကစားပြီးချိန်မှာ အဲလ်အေလိတ်ကာစ်တို့က ၂ ပွဲ ၁ပွဲနဲ့ဦးဆောင်ထားပြီး ၁၇ ကြိမ်မြောက် အန်ဘီအေ ချန်ပီယံရှစ်ဆု ရရှိဖို့ အခြေအနေ ကောင်းနေခဲ့တယ် ဆိုပေမယ့် မီယာမီဟိထ်ရဲ့ ကစားပုံကြောင့် ပွဲစဉ်(၄) ကစလို့ ပိုပြီး အကြိတ်အနယ် ရှိလာဦးမှာပါ။ ပထမပွဲစဉ် နှစ်ပွဲမှာ လိတ်ကာစ်တို့ မီယာမီကို အပြတ်အသတ် အသာ စီးရခဲ့တယ် ဆိုပေမယ့် ပွဲစဉ်(၃) လီဘရွန်ဂျိမ်းစ်နဲ့ အန်တိုနီဒေးဗစ်တို့ရဲ့ အမှားတွေကြောင့် လိတ်ကာစ်တို့ အမှတ််တော်တော်များများ ပေးခဲ့ရပြီး ကစားသမားတွေ ကြားမှာလည်း နားလည်မှုလွဲတဲ့ အခြေအနေ တချို့ရှိခဲ့ပါတယ်။ လိတ်ကာစ်မှာ လီဘရွန်ဂျိမ်းစ်ရော အန်တိုနီဒေးဗစ်ပါ မပါဝင်နိုင်ရင် ဘယ်လောက် အထိ ရုံးကန်ရနိုင်တယ် ဆိုတာကို လိတ်ကာစ် နည်းပြနဲ့ ပရိသတ်တွေ အားလုံး နားလည်ထားကြပါတယ်။ ကံကောင်းတာက မီယာမီဟိထ် ကစားသမား ဘန်အဒီဘာယိုရဲ့ တောက်ပမှုကို အခုထိ မမြင်တွေ့ရသေးပဲ ဂျင်မီဘတ်လာ တစ်ဦးတည်းကို မှီခိုနေရတာက လိတ်ကာစ်တို့အတွက် သက်သာရာရနေခဲ့တာ ဖြစ်ပါတယ်။ ပွဲစဉ် ၄ ကိုရောက်ရှိလာပြီ ဖြစ်လို့ နှစ်သင်းစလုံး သတိထားကစားပြီး ခံစစ်နဲ့ တိုက်စစ်ကို ကျစ်ကျစ်လစ်လစ်နဲ့ ကစားနိုင်ဖို့ ပြင်ဆင်လာမှာပါ။ လိတ်ကာစ်တို့ ၁ ပွဲ ပိုပြီး အနိုင်ရထားတယ် ဆိုပေမယ့် ချန်ပီယံဆုကို ရရှိဖို့ဆိုရင်တော့ ၂ ပွဲထပ်နိုင်ဖို့ လိုအပ်နေသေးသလို ဟိထ်အတွက်ကတော့ နောက်ထပ် ၃ ပွဲအနိုင်ရမှ သူတို့မျှော်မှန်းထားတဲ့ ၄ကြိမ်မြောက် အန်ဘီအေ ချန်ပီယံရှစ်ဆုဖလားကို ပိုင်ဆိုင်ခွင့်ရရှိမှာ ဖြစ်ပါတယ်။
စောင့်ကြည့်ရမယ့် ကစားသမားများ
အန်တိုနီဒေးဗစ် (အဲလ်အေလိတ်ကာစ်)
အန်တိုနီဒေးဗစ် အနေနဲ့ ပြီးခဲ့တဲ့ ပွဲစဉ်က မလိုအပ်တဲ့ ပြစ်ဒဏ်ကျူးလွန်မှုတွေနဲ့ ပေါ့ဆတဲ့ ကစားပုံတွေကြောင့် အသင်းဖော် လီဘရွန်ဂျိမ်းစ် တစ်ယောက်ထဲ လိတ်ကာစ်ကို ဦးဆောင်ခဲ့ရပါတယ်။ ရှုံးထွက်အဆင့်ကစလို့ ဗိုလ်လုပွဲစဉ် ဒုတိယပွဲအထိ အကောင်းဆုံးလက်စွမ်းနဲ့ တစ်ဦးတည်း ပျမ်းမျှ ၂၅မှတ်လောက် ရယူပေးနိုင်ခဲ့တဲ့ ကစားသမားတစ်ဦးအနေနဲ့ တစ်ပွဲတစ်လေလောက်ပဲ အမှားကျူးလွန်မှာပါ။ လိတ်ကာစ်မှာ အန်ဘီအေ ဘုရင်ကြီးလို့ တင်စားကြသလို ဖန်တီးရှင်ဘုရင်ကြီး တဖြစ်လဲ လီဘရွန်ဂျိမ်းစ် ရှိနေသေးလို့ အေဒီအနေနဲ့ အမှတ်တွေ တတ်နိုင်သလောက်ယူပေးဖို့သာ လိုအပ်ပါတယ်။
ဂျင်မီဘတ်တလာ (မီယာမီဟိထ်)
မီယာမီဟိထ်အတွက် ဘမ်အဒီဘာယို စွမ်းဆောင်ရည်ကျနေတဲ့ အချိန်မှာ ဂျင်မီဘတ်တလာ လက်စွမ်းပြနေလို့ ဟိထ်တို့ အဆိုးရွားဆုံးအခြေအနေမရောက်အောင် ထိန်းထားတာပါ။ ဘတ်တလာ အနေနဲ့ ပွဲစဉ် ၃ မှာ ထူးထူးခြားခြား လက်စွမ်းပြပြီး ရမှတ် ၄၀၊ ရီဘောင်း ၁၁ ကြိမ်၊ ဖန်တီးမှု ၁၃ ကြိမ်ထိ ရယူသွားခဲ့လို့ လိတ်ကာစ်တို့ ကံဆိုးခဲ့ရပါတယ်။ ဘတ်တလာအနေနဲ့ ဒီနှစ် အန်ဘီအေ မှာ တစ်ပွဲပျမ်းမျှ ၁၉.၉ မှတ်၊ ရီဘောင်း ၆.၇ ကြိမ်နဲ့ ဖန်တီးမှု ၆ ကြိမ် ပြုလုပ်ထားပြီး ဘမ်အဒီဘာယိုနဲ့ တွဲဖက်ပြီး ဟိထ်တို့ ပြန်လာနိုင်ဖို့ ပရိသတ်တွေကတော့ မျှော်လင့်ထားကြပါတယ်။
၂၀၂၀ အန်ဘီအေ ဗိုလ်လုပွဲ
ပွဲစဉ် (၁) မီယာမီဟိထ် ၉၈ – ၁၁၆ အဲလ်အေလိတ်ကာစ်
ပွဲစဉ် (၂) မီယာမီဟိထ် ၁၁၄ – ၁၂၄ အဲလ်အေလိတ်ကာစ်
ပွဲစဉ် (၃) အဲလ်အေလိတ်ကာစ် ၁၀၄ – ၁၁၅ မီယာမီဟိထ်
ပွဲကြိုခန့်မှန်းချက်
ပွဲစဉ် (၄) အဲလ်အေလိတ်ကာစ် – နိုင်
အဲလ်အေလိတ်ကာစ် ၃-၁ မီယာမီဟိထ်
လိတ်ကာစ်တို့ရဲ့ အခုနှစ်ကစားပုံ ဘယ်လောက်ထိကောင်းပြီး လက်နဲ့ထိတိုင်းရွှေဖြစ်တယ်ဆိုတဲ့ လီဘရွန်ဂျိမ်းစ်ရဲ့ ဦးဆောင်မှု အောက်မှာ ပြိုင်ဘက်ကို ဘယ်လို အနိုင်ပြန်ယူတတ်တယ်ဆိုတာ ရာသီအကြို ပွဲစဉ်တွေမှာ ကတည်းက အားလုံး မြင်တွေ့ခဲ့ကြရပြီး ဖြစ်ပါတယ်။ လိတ်ကာစ်တို့ ရှုံးထွက် ပထမအဆင့်၊ ကွန်းဖရင့် ဆီမီးဖိုင်နယ်၊ ကွန်းဖရင့်ဖိုင်နယ် ပွဲအားလုံးမှာ ပြိုင်ဘက်ကို ၄-၁ နဲ့ အနိုင်ယူခဲ့တာ ဖြစ်လို့ အခုပွဲစဉ် ၄မှာလည်း နိုင်ပွဲထပ်ရှာပြီး ၄-၁ နဲ့ ဟိထ်တို့ကို ထပ်မံ ဦးဆောင်သွားမှာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘတ်စကတ်ဘော STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
