ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
တော့တင်ဟမ်ဟော့စပါးရဲ့ ပစ်မှတ် ဖြစ်တဲ့ ဂျော်နီ ကာဒိုဆို ကတော့ လာမယ့် နွေရာသီ အပြောင်းအရွှေ့မှာ ရီးရဲလ်ဘက်တစ် ကနေ ထွက်ခွာဖို့ များနေတယ်လို့ သိရပါတယ်။ ဘက်တစ် ဘက်က ကာဒိုဆိုရဲ့ အပြောင်းအရွှေ့ ကိစ္စတွေကို သေချာစေဖို့ အတွက် ဆွေးနွေးလျက် ရှိကြောင်းလည်း သိရပါတယ်။
ပရီးမီးယားလိဂ် ကလပ် ချဲလ်ဆီး၊ လစ်ဗာပူးလ်၊ မန်ချက်စတာယူနိုက်တက်၊ နယူးကာဆယ်နဲ့ တော့တင်ဟမ်ဟော့စပါးတို့ ကတော့ လာမယ့် နွေရာသီမှာ စာချုပ်သက်တမ်း ကုန်ဆုံးတော့မယ့် လိုင်လီ တိုက်စစ်မှူး ဂျွန်နသန် ဒေးဗစ်ကို ခေါ်ယူဖို့ အပြိုင်အဆိုင် ကြိုးစားလျက် ရှိပါတယ်။
Fichajes ရဲ့ ဖော်ပြချက် အရ ပရီးမီးယားလိဂ် ကလပ် မန်ချက်စတာယူနိုက်တက်ဟာ ဘာစီလိုနာ လူငယ် ကွင်းလယ် ကြယ်ပွင့် ဖာမင်း လိုပက်ဇ်ကို နွေရာသီ အပြောင်းအရွှေ့ ခေါ်ယူဖို့ စိတ်ဝင်စားနေတယ်လို့ သိရပါတယ်။ ကွင်းလယ် ကြယ်ပွင့် များစွာ ပိုင်ဆိုင်ထားတဲ့ ဘာစီလိုနာ ကတော့ မကြာခဏ ဆိုသလို ဒဏ်ရာရနေတဲ့ ဂါဗီနဲ့ ဖာမင်း လိုပက်ဇ်ကို အသင်း ကနေ ရောင်းထုတ်ချင်နေတာလည်း ဖြစ်ပါတယ်။
လစ်ဗာပူးလ် ကတော့ နယူးကာဆယ် တိုက်စစ်မှူး အလက်ဇန္တား အိဆက်ခ်ကို ပေါင် ၁၂၆ သန်းနဲ့ ခေါ်ယူဖို့ ပြင်ဆင်နေပြီးတော့ ဒါဝင် နညက်ဇ် နေရာမှာ အစားထိုးဖို့ ပြင်ဆင်နေကြောင်း သိရပါတယ်။ အက်တလက်တီကိုမက်ဒရစ် ကတော့ နူညက်ဇ်ရဲ့ အပြောင်းအရွှေ့ အတွက် ဖြစ်နိုင်ခြေ အရှိဆုံး အသင်း ဖြစ်နေပြီး ဥရုဂွေး လက်ရွေးစင် ကတော့ စပိန်မှာ စိန်ခေါ်မှု အသင်းတွေနဲ့ ရင်ဆိုင်ချင်နေတယ်လို့ သိရပါတယ်။
နယူးကာဆယ် ကတော့ အသင်း ကနေ ထွက်ခွာဖို့ များနေတဲ့ အလက်ဇန္တား အိဆက်ခ်ရဲ့ နေရာမှာ အစားထိုးဖို့ ဖရန့်ဖတ်က ဟူဂို အက်ကီတီကီနဲ့ အစားထိုးဖို့ ကြိုးပမ်းနေတယ်လို့ သတင်းတွေ ထွက်ပေါ်လာပါတယ်။
ဘရာဇီးလ် ကွင်းလယ်လူ ကက်စ်မဲရိုး ကတော့ သူ့ရဲ့ အနာဂတ်ဟာ မန်ချက်စတာယူနိုက်တက်နဲ့ ဝေးကွာနေပြီ ဖြစ်ကြောင်း လက်ခံထားပြီး မေဂျာလိဂ်၊ ဆော်ဒီပရိုလိဂ်၊ တူရကီနဲ့ သူ့ရဲ့ ဇာတိ ဘရာဇီးလ် ကလပ်တွေကို ပြောင်းရွှေ့ဖွယ် ရှိနေတယ်လို့ သိရပါတယ်။
အင်တာမီလန် ကတော့ ဖာဘရီဂတ်စ်ရဲ့ ကိုမိုနဲ့ အတူ ထင်ပေါ် ကျော်ကြားလာတဲ့ ရီးရဲလ်မက်ဒရစ် ကွင်းလယ်လူဟောင်း နီကို ပက်ဇ်ကို ခေါ်ယူဖို့ သဘောတူညီမှု ရရှိဖို့ မျှော်လင့်နေကြောင်း Corriere dello Sport က ဖော်ပြလာပါတယ်။
အက်တလက်တီကိုမက်ဒရစ် ကတော့ ရိုးမား ကွင်းလယ်လူ ပေါ်လို ဒီဘားလားကို ခေါ်ယူဖို့ စိတ်ဝင်စားနေပါတယ်။ မက်ဒရစ် ကလပ်ဟာ ဒီဘားလားကို အသက်အရွယ် ရလာတဲ့ အန်တွန် ဂရစ်ဇ်မန်းရဲ့ နေရာမှာ ဆက်ခံစေဖို့ ဆန္ဒရှိနေပြီး ပြင်သစ်သား ကတော့ မေဂျာလိဂ်ကို ပြောင်းရွှေ့ဖို့ မျှော်လင့်နေတယ်လို့ သိရပါတယ်။
အာဂျင်တီးနား ယူ-၂၀ လက်ရွေးစင် ဂျူအန် ဟင်မီနက်ဇ်ကို ခေါ်ယူဖို့ စိတ်ဝင်စားနေတဲ့ အသင်းတွေထဲမှာ မန်ချက်စတာယူနိုက်တက် ထိပ်ဆုံးက ပါဝင်နေတယ်လို့ သိရပါတယ်။ ယူနိုက်တက်ဟာ ဒီကစားသမားလေးကို ကင်းထောက်တွေ စေလွှတ်ကာ စောင့်ကြည့်နေစေခဲ့တာလည်း ဖြစ်ပါတယ်။
ဘေယန်မြူးနစ် တောင်ပံကစားသမား လီရွိုင်း ဆာနေး ကတော့ လာမယ့် ဇွန်လ အကုန်မှာ အသင်းနဲ့ စာချုပ်သက်တမ်း ကုန်ဆုံးတော့မှာ ဖြစ်ပါတယ်။ ဒီကစားသမားဟာ ဘွန်ဒက်စ်လီဂါ ကလပ်နဲ့ စာချုပ်သက်တမ်းတိုးဖို့ထက် ပရီးမီးယားလိဂ်ကို ပြန်လည် ပြောင်းရွှေ့ဖို့ စိတ်အားထက်သန်နေတယ်လို့ သိရပါတယ်။
ဝက်စ်ဟမ်း ကတော့ ဆောက်သမ်တန်က ကိုင်လ် ဝေါလ်ကာ ပီတာစ်ကို အလွတ် ပြောင်းရွှေ့ကြေးနဲ့ ခေါ်ယူဖို့ စီစဉ်နေတယ်လို့ သိရပါတယ်။ ဆောက်သမ်တန် ကတော့ ဒီရာသီ ပရီးမီးယားလိဂ်မှာ ရလဒ်တွေ ဆိုးရွားနေပြီး တန်းဆင်းရဖို့ သေချာနေတာကြောင့် အသင်းရဲ့ အဓိက ကစားသမားတွေကိုလည်း လက်လွှတ်ရဖွယ် ရှိနေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
