ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် ကောလာဟလတွေကို ဆက်လက် ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက် ပရီးမီးယားလိဂ် ပြိုင်ဘက်တွေ ဖြစ်တဲ့ အာဆင်နယ်နဲ့ လစ်ဗာပူးလ် တို့နဲ့ အပြိုင် ကွင်းလယ်လူ မာတင် ဇူဘီမန်ဒီကို ခေါ်ယူဖို့ ကြိုးပမ်းသွားဖွယ် ရှိနေတယ်လို့ သိရပါတယ်။ စပိန် ကစားသမားဟာ အာဆင်နယ်ကို ပြောင်းရွှေ့ဖို့ ပုဂ္ဂိုလ်ရေးအရ သဘောတူညီမှု ရရှိထားပြီး ဖြစ်ကြောင်း သတင်းတွေ ထွက်နေသူလည်း ဖြစ်ပါတယ်။
အာဆင်နယ် ကတော့ မိခင် ကလပ် နာပိုလီ ကနေ ပေါင် ၆၂ သန်းတန် စာချုပ်ဖျက်သိမ်းကြေးနဲ့ ထွက်ခွာခွင့် ရှိနေတဲ့ ဂါတာဆာရေးရဲ့ အငှား တိုက်စစ်မှူး ဗစ်တာ အိုဆင်မ်ဟန်ကို ခေါ်ယူဖို့ စိတ်ဝင်စားနေတယ်လို့ သိရပါတယ်။ အိုဆင်မ်ဟန် ကတော့ ဘင်ဂျာမင် ဆက်စ်ကို၊ အလက်ဇန္တား အိဆက်ခ်တို့ အတွက် ပေးချေရမယ့် ပမာဏထက် သိသိသာသာ နည်းပါးနေတာကြောင့် အာဆင်နယ်က အိုဆင်မ်ဟန်ကို ပိုမို စိတ်ဝင်စားလာတာလည်း ဖြစ်ပါတယ်။
နယူးကာဆယ် ကတော့ သူတို့ရဲ့ တိုက်စစ်မှူး အလက်ဇန္တား အိဆက်ခ် အတွက် အာဆင်နယ်၊ ချဲလ်ဆီးနဲ့ လစ်ဗာပူးလ် တို့ရဲ့ စိတ်ဝင်စားမှုကို တားဆီးဖို့ အတွက် ပေါင် သန်း ၁၂၀ တန်ကြေး သတ်မှတ်ထားတယ်လို့ သိရပါတယ်။
လာလီဂါ ထိပ်သီး ဘာစီလိုနာ ကတော့ စပို့တင်းလစ္စဘွန်း တိုက်စစ်မှူး ဗစ်တာ ယိုကီးရက်စ်ကို ယူရို သန်း ၇၀ ဝန်းကျင်နဲ့ ခေါ်ယူနိုင်ဖွယ်ရှိနေတယ်လို့ သိရပါတယ်။ ဒီပမာဏဟာ တခြားအသင်းတွေ ပေးချေရမယ့် ပြောင်းရွှေ့ကြေးထက် ယူရို သန်း ၃၀ လောက် လျော့နည်းနေတာလည်း ဖြစ်ပါတယ်။
လစ်ဗာပူးလ်ဟာ ဘရိုက်တန်ရဲ့ ကားလို့စ် ဘာလီဘကို သူတို့ရဲ့ ထိပ်တန်း အပြောင်းအရွှေ့ ပစ်မှတ်တွေ ထဲက တစ်ခု အဖြစ် သတ်မှတ်လိုက်တယ်လို့ Football Insider က ဖော်ပြလာခဲ့ပါတယ်။ လစ်ဗာပူးလ်ဟာ လက်ရှိမှာ အကောင်းဆုံး လူစာရင်းကို ပိုင်ဆိုင်ထားပေမယ့် လာမယ့် ရာသီမှာ ပိုမို တောင့်တင်းစေဖို့ ကစားသမားသစ်တွေ ခေါ်ယူ အားဖြည့်ဖို့ စီစဉ်နေတာ ဖြစ်ပါတယ်။
ဘာစီလိုနာ ကတော့ ဂါဗီ အနေနဲ့ ဟန်ဆီ ဖလစ်ခ်ရဲ့ နည်းစနစ်နဲ့ ကိုက်ညီမှု အပေါ် သံသယ ရှိနေတာကြောင့် ပီအက်စ်ဂျီထံ ယူရို သန်း ၈၀ နဲ့ ပြောင်းရွှေ့ဖို့ တံခါးဖွင့်ပေးထားတယ်လို့ သိရပါတယ်။ ဆက်စပ် သတင်းတွေအရ ပီအက်စ်ဂျီက မန်စီးတီး ကွင်းလယ်လူ ကီဗင် ဒီဘရွန်းနားကို ခေါ်ယူဖို့ စိတ်ဝင်စားနေတဲ့ အသင်းတွေထဲမှာ ပါဝင်လာခဲ့ပြီလို့ သိရပါတယ်။ ဆော်ဒီပရိုလိဂ် ထိပ်သိး အဲလ်နာဆာက ခရစ္စတီယာနို ရော်နယ်ဒိုနဲ့ လက်တွဲစေဖို့ စိတ်ဝင်စားနေတယ်လို့ သိရပါတယ်။ ဒါပေမယ့်လည်း ဒီဘရွန်းနားက ကမ္ဘာ့ဖလား ကစားချင်တာကြောင့် ပရီးမီးယားလိဂ် လက်ရှိ ချန်ပီယံ တို့နဲ့ စာချုပ်သက်တမ်းတိုးချင်နေတယ်လို့ သိရပါတယ်။
မန်ချက်စတာယူနိုက်တက် ကတော့ အိန်ဂျယ် ဂိုးမက်စ်ကို အလွတ် ပြောင်းရွှေ့ကြေးနဲ့ ပြန်လည် ခေါ်ယူဖို့ စိတ်ဝင်စားနေပါတယ်။ အင်္ဂလန် လက်ရွေးစင် ကစားသမားဟာ လာမယ့် ဇွန်လမှာ လိုင်လီနဲ့ စာချုပ်သက်တမ်း ကုန်ဆုံးမှာ ဖြစ်ပြီးတော့ သူ့ကို ခေါ်ယူဖို့ တော့တင်ဟမ်ဟော့စပါး၊ ဘေယန်မြူးနစ်နဲ့ လိုက်ပ်ဇစ်တို့ ကလည်း စိတ်အားထက်သန်လျက် ရှိတယ်လို့ သိရပါတယ်။ ပရီးမီးယားလိဂ် ကလပ် မန်ချက်စတာစီးတီးက အေစီမီလန် ဘယ်နောက်ခံလူ သီယို ဟာနန်ဒက်ဇ်ကို ယူရို ၃၅ သန်း (ပေါင် ၂၈.၈ သန်း) နဲ့ ကမ်းလှမ်းဖို့ စဉ်းစားနေတယ်လို့ သိရပါတယ်။ သီယို ဟာနန်ဒက်ဇ်ဟာ အေစီမီလန် ကနေ ထွက်ခွာချင်ကြောင်း သတင်းတွေ ထွက်ပေါ်ခဲ့ဖူးသူလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
