ပရီးမီးယားလိဂ် ကလပ် မန်ချက်စတာယူနိုက်တက် ကတော့ ဒိန်းမတ် ဘယ်နောက်ခံလူ ပက်ထရစ် ဒေါဂူကို ခေါ်ယူဖို့ စိတ်ဝင်စားခဲ့ပြီး ကမ်းလှမ်းမှုလည်း ပြုလုပ်ခဲ့ပါတယ်။ ဒါပေမယ့်လည်း မန်ချက်စတာယူနိုက်တက်ရဲ့ ကမ်းလှမ်းမှု ကိုတော့ လက်ချီ ဘက်က ချက်ချင်း ပယ်ချသွားခဲ့ပြီး အသင်းမှာ ဆက်ထိန်းထားဖို့ ဆုံးဖြတ်ခဲ့ပါတယ်။
ဖာဘရီဇီယို ရိုမာနိုရဲ့ ဖော်ပြချက်အရ ဆိုရင်တော့ ပရီးမီးယားလိဂ် ကလပ်က ဒေါဂူ အတွက် ယူရို ၂၇ သန်း + အပိုဆုကြေးနဲ့ ကမ်းလှမ်းခဲ့တာ ဖြစ်ပြီး ဒီကမ်းလှမ်းချက် ကိုတော့ လက်ချီက ပယ်ချခဲ့တာ ဖြစ်ပါတယ်။
လက်ချီက ဒေါဂူလို အသင်းအတွက် အရေးပါတဲ့ ကစားသမား တစ်ဦးကို အသင်း မှာသာ ဆက်ထိန်းထားချင်နေပြီး လက်ချီ ဥက္ကဌ ဆာဗီရီယို ဒါမီယာနီက အတည်ပြု ပြောကြားသွားခဲ့တာ ဖြစ်ပါတယ်။ ဒါမီယာနီက “ကျွန်တော် ယူနိုက်တက် တာဝန်ရှိသူတွေနဲ့ တွေ့ဆုံခဲ့ပြီးတော့ ကျွန်တော်တို့ အသင်းရဲ့ အစီအစဉ်မှာ ပက်ထရစ် ဒေါဂူလို အသင်း အတွက် အရေးပါတဲ့ ကစားသမားမျိုးကို ဆက်ထိန်းသွားမယ် ဆိုပြီး ပြောကြားခဲ့ပါတယ်။ ကျွန်တော် တို့ရဲ့ ကစားသမား အတွက် မန်ချက်စတာယူနိုက်တက် ဘက်က ကမ်းလှမ်းမှု ပြုလုပ်လာတာကို ဝမ်းသာပါတယ်။ ဒါပေမယ့် ကျွန်တော် တို့ရဲ့ ရည်မှန်းချက်က စီးရီးအေမှာ ဆက်ရှိနေဖို့ပါ။ ဒါက အရမ်းပဲ အရေးကြီးပါတယ်။” လို့ ပြောကြားသွားခဲ့ပါတယ်။
ပရီးမီးယားလိဂ် ကလပ် မန်ချက်စတာယူနိုက်တက် နည်းပြ ရူဘင် အမော်ရင်က အသင်းရဲ့ ဘယ်ခြမ်း ခံစစ်ပိုင်းကို အင်အား ဖြည့်တင်းချင်နေပြီး ထိပ်တန်း ကစားသမားတွေ ကိုလည်း ပစ်မှတ်ထားနေခဲ့တာပါ။ ဒါ့အပြင် အမော်ရင်က သူတို့ အားနည်းနေတဲ့ ဘယ်ခြမ်းခံစစ် အတွက် ကစားသမားသစ် တစ်ဦးကို လက်ရှိ ဆောင်းရာသီ ဈေးကွက် အတွင်းမှာပဲ အရ ခေါ်ယူသွားချင်နေတယ်လို့လည်း သိရပါတယ်။
လက်ရှိမှာ အသက် ၂၀ အရွယ်သာ ရှိနေသေးတဲ့ စီးရီးအေ ကြယ်ပွင့် ဒေါဂူ ကတော့ လက်ချီ အတွက် ပြိုင်ပွဲစုံ ၅၆ ပွဲ ကစားပြီး ၅ ဂိုး သွင်းယူထားပါတယ်။ ဒီရာသီ မှာတော့ ဒေါဂူက ပြိုင်ပွဲစုံ ၂၂ ပွဲ ကစားပြီး ၃ ဂိုးသွင်းကာ ၁ ဂိုး ဖန်တီးပေးထားပါတယ်။ ဒေါဂူကို ယူနိုက်တက် အပြင် နာပိုလီ ကလည်း ဒိုဂူကို ခေါ်ယူဖို့ ချဉ်းကပ်နေပြီး နာပိုလီရဲ့ ကမ်းလှမ်းမှု ကတော့ ဒေါဂူကို လက်ချီ အသင်းထံ ရာသီကုန် အထိ ပြန်လည် အငှားချသွားပေးသွားမယ့် အခြေအနေ ရှိနေတာကြောင့် အပြောင်းအရွှေ့ ဖြစ်နိုင်ချေ ရှိနေပါတယ်။
လက်ရှိမှာ ဆောင်းဈေးကွက် ပိတ်သိမ်းဖို့ ကလည်း ၁၀ ရက် ဝန်းကျင်သာ ကျန်ရှိတော့တာကြောင့် ယူနိုက်တက်တို့ ခပ်သွက်သွက် လှုပ်ရှားရတော့မှာ ဖြစ်ပါတယ်။ သတင်းတွေ အရ ဆိုရင်တော့ ယူနိုက်တက်က ဒေါဂူ အတွက် နောက်ထပ် စိတ်ဝင်စားစရာ ကမ်းလှမ်းချက်တွေ ထပ်မံ ပြုလုပ်သွားဖို့ ရှိနေသေးတယ်လို့လည်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
