မန်ချက်စတာယူနိုက်တက် ကတော့ ပရီးမီးယားလိဂ်ရဲ့ အမြတ်အစွန်းနဲ့ ရေရှည် တည်တံ့မှု စည်းမျဉ်း (PSR) နဲ့ ကိုက်ညီမှု ရှိစေဖို့ အတွက် ဂါနာချိုနဲ့ ကိုဘီ မိန်းနူး တို့ကို ရောင်းထုတ်ဖို့ စီစဉ်နေကြောင်း သတင်းတွေ ထွက်ပေါ်လာပါတယ်။
ယူနိုက်တက်ရဲ့ အကယ်ဒမီထွက် မိန်းနူးဟာ ယူနိုက်တက် အတွက် အဓိက ကစားသမား အဖြစ် ပွဲထွက်နေပေမယ့်လည်း ဂါနာချို ကတော့ နည်းပြသစ် ရူဘင် အမော်ရင် လက်အောက်မှာ ပွဲထွက်ခွင့်ရဖို့ ရုန်းကန်နေရတာ ဖြစ်ပါတယ်။ Daily Mail ရဲ့ ဖော်ပြချက်အရ မန်ချက်စတာယူနိုက်တက်ဟာ လက်ရှိမှာ ပရီးမီးယားလိဂ်ရဲ့ PSR စည်းမျဉ်းနဲ့ ကိုက်ညီမှု ရှိစေရေး အတွက် ရုန်းကန်နေရတယ်လို့ သိရပါတယ်။ ဒါကြောင့် ပရီးမီးယားလိဂ် ကလပ်က ဒီပြဿနာကို ပြေလည်စေဖို့ အတွက် ကြယ်ပွင့် ကစားသမားတွေကို ရောင်းထုတ်ဖို့ စဉ်းစားလာတာလည်း ဖြစ်ပါတယ်။
ယူနိုက်တက် အနေနဲ့ အသင်းရဲ့ အကယ်ဒမီထွက် ကစားသမားတွေကို ရောင်းထုတ်မယ် ဆိုရင် ၁၀၀ ရာခိုင်နှုန်း အကျိုးအမြတ် ရရှိမှာလည်း ဖြစ်ပါတယ်။ ဒါ့အပြင် ဂါနာချိုနဲ့ ကိုဘီ မိန်းနူး တို့ရဲ့ နှစ်ဦးပေါင်း တန်ကြေးက ပေါင်သန်း ၇၀ ဝန်းကျင် ရှိတာကြောင့် ဒီနှစ်ဦးကို ရောင်းချဖို့ ဦးစားပေး စဉ်းစားလာတာ ဖြစ်ပါတယ်။ ဂါနာချို ကတော့ အက်တလက်တီကိုမက်ဒရစ် အကယ်ဒမီ ကနေမှ ယူနိုက်တက် လူငယ်အသင်းကို ရောက်ရှိလာခဲ့သူ ဖြစ်ပြီးတော့ မိန်းနူး ကတော့ ယူနိုက်တက် အကယ်ဒမီထွက် ကစားသမား ဖြစ်ပါတယ်။ သူတို့ နှစ်ဦးဟာ နည်းပြ အဲရစ်ခ် တန်ဟက်ဂ် လက်ထက်မှာ စတင် ကျော်ကြားလာခဲ့တဲ့ ကစားသမားတွေလည်း ဖြစ်ပါတယ်။
ဒါပေမယ့်လည်း ဒီကစားသမား ၂ ဦး စလုံး နည်းပြသစ် ရူဘင် အမော်ရင်ရဲ့ နည်းစနစ်ပိုင်းနဲ့ သိပ်ပြီး ကိုက်ညီမှု မရှိတာကြောင့် ခြေစွမ်းပြဖို့ ရုန်းကန်နေရတာလည်း ဖြစ်ပါတယ်။ အမော်ရင် ကတော့ သူ့ရဲ့ စိတ်ကြိုက် ကစားကွက် ဖြစ်တဲ့ ၃-၄-၃ အခင်းအကျင်း ကိုပဲ အသုံးပြုလေ့ ရှိပြီးတော့ ရလဒ်ပိုင်း ကောင်းမွန်ဖို့ထက် လက်ရှိ ခက်ခဲနေတဲ့ အခြေအနေတွေကို စိတ်ရှည် သည်းခံကြပြီး အသားကျတဲ့ အထိ စောင့်ဆိုင်းပေးကြဖို့ တောင်းဆိုထားပါတယ်။
ယူနိုက်တက်ဟာ ပရီးမီးယားလိဂ်ရဲ့ စည်းမျဉ်းနဲ့ ကိုက်ညီဖို့ အတွက် လုပ်ခ လစာ များစွာ ပေးချေနေရတဲ့ ကက်စ်မဲရိုး၊ မားကပ်စ် ရက်ရှ်ဖို့ဒ်နဲ့ အန်တိုနီ တို့ကို လက်ရှိ ဇန်နဝါရီ ဈေးကွက် အတွင်း ရောင်းထုတ်သွားဖို့ စီစဉ်နေတာ ဖြစ်ပါတယ်။ ဘရာဇီးလ် ဝါရင့် ကွင်းလယ်လူ ကက်စ်မဲရိုး ကတော့ ဆော်ဒီပရိုလိဂ် ကလပ်တွေကို ပြောင်းရွှေ့ဖို့ များနေပြီးတော့ မားကပ်စ် ရက်ရှ်ဖို့ဒ် ကလည်း စီးရီးအေ ထိပ်သီး ကလပ်တွေနဲ့ သတင်းတွေ ကျယ်ကျယ်လောင်လောင် ထွက်ပေါ်နေပါတယ်။ အန်တိုနီ ကိုတော့ ခေါ်ယူချင်တဲ့ အသင်းတွေက ကစားသမားရဲ့ ခြေစွမ်းကြောင့် လက်တွန့်လျက် ရှိနေပါတယ်။
တစ်ဖက်မှာ ဂါနာချို ကိုလည်း သူ့ရဲ့ လာလီဂါ ကလပ်ဟောင်း အက်တလက်တီကိုမက်ဒရစ်က ပြန်လည် ခေါ်ယူဖို့ စောင့်ကြည့်နေသလို မိန်းနူး ကိုတော့ ချဲလ်ဆီးက ခေါ်ယူချင်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
