အင်္ဂလန် အတွက် ခက်ခဲတဲ့ ပြိုင်ဘက် ဖြစ်လာဦးမယ့် ဒိန်းမတ် | ယူရို ၂၀၂၄ (ပွဲကြိုသုံးသပ်ချက်)

ဒိန်းမတ် – အင်္ဂလန်

ယူရို ၂၀၂၄ အုပ်စု (C) ရဲ့ စိတ်ဝင်စားစရာ ပွဲကောင်း တစ်ပွဲ အဖြစ် ဒိန်းမတ်နဲ့ အင်္ဂလန်တို့ ဖရန့်ဖတ် အရီနာ မှာ ယှဉ်ပြိုင်ကစားကြဖို့ ရှိနေတယ်။ ဥရောပရဲ့ ထိပ်သီး နှစ်သင်း တွေ့ဆုံတဲ့ ပွဲစဉ် ဖြစ်တာနဲ့ အညီ အကြိတ်အနယ် ရှိပြီး ကြည့်ကောင်းတဲ့ ပွဲစဉ် တစ်ပွဲ ဖြစ်လာဦးမှာ သေချာပါတယ်။

ဒိန်းမတ်ဟာ အဖွင့်ပွဲစဉ်မှာ ဆလိုဗေးနီးယားနဲ့ မထင်မှတ်ပဲ သရေကျခဲ့လို့ ယူရို ၂၀၂၄ ရှုံးထွက်တက်ရေး အတွက် ဆိုရင် လက်ကျန် ၂ ပွဲမှာ မဖြစ်မနေ နိုင်ပွဲတွေ ရရှိဖို့ လိုအပ်နေပါပြီ။ ဒါပေမယ့် အခုပွဲမှာတော့ အဘက်ဘက်မှာ တောင့်တင်းနေတဲ့ အင်္ဂလန်နဲ့ တွေ့ဆုံနေတာ ဖြစ်လို့ ဒိန်းမတ်တို့ ခက်ခဲဦးမှာပါ။ ဒိန်းမတ်မှာ ကစားသမားကောင်းတွေ ရှိနေပေမယ့် မာမာထန်ထန် ကစားတတ်ပြီး လျင်မြန်တဲ့ တန်ပြန် တိုက်စစ်ရှိတဲ့ အသင်းနဲ့ တွေ့ရင် ရုန်းကန်ရတတ်ပါတယ်။ အင်္ဂလန်ဟာ လူငယ်ကစားသမားတွေရဲ့ လျင်မြန်မှုနဲ့ အတူ တိုက်စစ် အကူးအပြောင်းတွေ ကလည်း အရမ်းကို မြန်ဆန်တာကြောင့် ဒီအခြေအနေကို ဒိန်းမတ်တို့ ဘယ်လိုမျိုး ရင်ဆိုင်သွားမလဲ ဆိုတာ စောင့်ကြည့်ရမှာ ဖြစ်ပါတယ်။

အင်္ဂလန် ကတော့ ယူရို ၂၀၂၄ မှာ ချန်ပီယံ ဖြစ်ဖို့ ရေပန်းအစားဆုံး ဖြစ်ပေမယ့် အဖွင့်ပွဲမှာတော့ အားရစရာ ခြေစွမ်းမျိုး မမြင်ရသေးပါဘူး။ ဆားဘီးယားကို အသည်းအသန် ကစားခဲ့ရပြီး ဘယ်လင်ဟမ်ရဲ့ တစ်လုံးတည်းသော သွင်းဂိုးကြောင့်သာ ၃ မှတ် အပြည့်ရခဲ့တာ ဖြစ်ပါတယ်။ တကယ်ဆို အင်္ဂလန်ရဲ့ လူစာရင်းက ပြိုင်ဘက်တိုင်း ထိတ်လန့်ရလောက်အောင် တောင့်တင်းပေမယ့် တကယ်တမ်း ကစားချိန်မှာတော့ လိုအပ်ချက်တွေ ရှိနေဆဲ ဖြစ်ပါတယ်။ ပြီးခဲ့တဲ့ ပွဲက ခြေစွမ်းအတိုင်း ဆိုရင် အင်္ဂလန်တို့ ဒိန်းမတ်ကို ခက်ခက်ခဲခဲ ရင်ဆိုင်ရဦးမှာ ဖြစ်ပါတယ်။

နှစ်ဖက်အသင်း သတင်းများ

ဒီပွဲကိုတော့ နှစ်သင်းစလုံး အတောင့်တင်းဆုံး လူစာရင်း ကိုယ်စီနဲ့ ပွဲထွက်လာဖို့ ရှိနေပါတယ်။ ပြီးခဲ့တဲ့ ပွဲက လူစာရင်း အတိုင်း အပြောင်းအလဲ မရှိ ပွဲထွက်လာမလား ဆိုတာတော့ ကြည့်ရပါမယ်။

ဖြစ်နိုင်ဖွယ် လူစာရင်း

ဒိန်းမတ် – ရှမိုက်ကယ်၊ အန်ဒါဆန်၊ ခရစ္စတန်ဆန်၊ ဗတ်စတာဂတ်၊ ဘာ့ရ်၊ ဂျူးလ်မန်း၊ ဟွိုက်ဘယက်ဂျ်၊ ခရစ္စတန်ဆန်၊ အဲရစ်ခ်ဆန်၊ ဝင့်၊ ဟွိုက်ဂျ်လန်း

အင်္ဂလန် – ပစ်ခ်ဖို့ဒ်၊ ဝေါလ်ကာ၊ စတုန်းစ်၊ ဂေးဟီ၊ ထရစ်ပီယာ၊ အာနိုးလ်၊ ရိုက်စ်၊ ဆာကာ၊ ဘယ်လင်ဟမ်၊ ဖိုဒန်၊ ကိန်း

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ဒီနှစ်သင်းက ၆ ကြိမ် တွေ့ဆုံခဲ့ရာမှာ ဒိန်းမတ်က ၁ ကြိမ်သာ အနိုင်ရခဲ့ပြီး ၁ ကြိမ် သရေကျကာ အင်္ဂလန်က ၄ ကြိမ် အနိင်ရခဲ့ပါတယ်။ နောက်ဆုံး တွေ့ဆုံမှု ၃ ကြိမ် မှာတော့ ၁ ကြိမ်စီ အနိုင်ရထားပြီး ၁ ကြိမ် သရေကျခဲ့ပါတယ်။ အင်္ဂလန်နဲ့ ဒိန်းမတ်ဟာ ယူရို ၂၀၂၀ ဆီမီးဖိုင်နယ် အဆင့်မှာ နောက်ဆုံး တွေ့ဆုံခဲ့တာ ဖြစ်ပြီး အဲ့ဒီ အချိန်တုန်းက အင်္ဂလန်က ၂-၁ ရလဒ်နဲ့ အနိုင်ယူကာ ဗိုလ်လုပွဲကို တက်လှမ်းခဲ့တာ ဖြစ်ပါတယ်။

လောင်းကစားဆိုင်ရာ အကြံပြုချက်

SBOTOPရဲ့ 1X2 မှာ ဒိန်းမတ် နိုင်ရင် ၁.၆၈ ဆ၊ အင်္ဂလန် နိုင်ရင် ၅.၁၀ ဆနဲ့ သရေ ဆိုရင်တော့ ၃.၅၅ ဆ ရမှာ ဖြစ်ပါတယ်။ အာရှဟန်းဒီးကပ် မှာတော့ အင်္ဂလန်က တစ်လုံး တစ်ဝက်စား၊ တစ်လုံး သရေ၊ သရေ အရှုံး၊ တစ်လုံး တစ်ဝက်ရှုံးကြေးတွေ ဖွင့်ထားပြီး ဂိုးပေါင်း ကတော့ ၂ လုံးက စဖွင့်ပါတယ်။ ဒီနှစ်သင်းက တွေ့ဆုံချိန်တိုင်းမှာ အကြိတ်အနယ် ကစားတတ်ကြပြီး အပြန်အလှန် ရှိတတ်ပါတယ်။ အင်္ဂလန်ရဲ့ လက်ရှိ ခံစစ်ပိုင်းက ကျစ်လျစ်နေပြီး ဒိန်းမတ် ကလည်း ကစားရခက်တဲ့ အသင်း ဖြစ်ပါတယ်။

ခန့်မှန်းရလဒ်

ဒိန်းမတ် ၀-၁ အင်္ဂလန်

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.