ဩဂုတ်လ ၂၀ ရက်နေ့ အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
အာဆင်နယ် နောက်ခံလူကို စိတ်ဝင်စား နေတဲ့ အူးဒီနီးစ်
စီးရီးအေ ကလပ် အူးဒီနီးစ်ဟာ အာဆင်နယ်ရဲ့ ညာနောက်ခံလူ ဟက်တာ ဘယ်လာရင်ကို ခေါ်ယူဖို့ အတွက် စိတ်ဝင်စား နေကြောင်း သိရှိရပါတယ်။ အသက် ၂၇ နှစ် အရွယ် ဘယ်လာရင်ဟာ ပြီးခဲ့တဲ့ ရာသီ ကလည်း ရီးရဲလ်ဘက်တစ်မှာ အငှားနဲ့ သွားရောက် ကစားခဲ့ပါသေးတယ်။
စပိန် ညာနောက်ခံလူက မီခဲလ် အာတေးတား လက်ထက်မှာ အာဆင်နယ် ကစားသမားဘဝ ပြီးဆုံးသွားပြီ လို့တောင် ပြောနိုင်ပါတယ်။ ဒီကစားသမားကို ဘက်တစ် ကလည်း အပြီးသတ် ခေါ်ယူဖို့ စိတ်ဝင်စား နေပေမယ့် ဘဏ္ဍာရေး ပြဿနာကြောင့်တော့ ခေါ်ယူနိုင်ခြင်း မရှိသေးပါဘူး။
အခုချိန်မှာတော့ အူးဒီနီးစ် ကပါ စိတ်ဝင်စားလာတာ ဖြစ်ပြီး သင့်တော်တဲ့ ကမ်းလှမ်းမှုကိုသာ ရရှိမယ် ဆိုရင် ဘယ်လာရင် တယောက် စီးရီးအေကို ပြောင်းရွှေ့ဖွယ် ရှိပါတယ်။ ဘယ်လာရင် အတွက် သူ့ရဲ့ ငယ်ဘဝ အသင်းဟောင်း ဘာစီလိုနာ ကလည်း စိတ်ဝင်စား နေပြီး လက်ရှိအချိန်ထိတော့ ဘယ်လာရင် တစ်ယောက် သူ့အနာဂတ်နဲ့ ပတ်သက်လို့ တိတိကျကျ ဆုံးဖြတ်ရခြင်း မရှိသေးပါဘူး။
ရာဘီရော့တို့ သားအမိ ယူနိုက်တက်ထံ တောင်းဆိုခဲ့တဲ့ ပမာဏ အတိအကျ ထွက်ပေါ်လာ
ယူနိုက်တက်ဟာ ဂျူဗင်တပ်စ် ကွင်းလယ်လူ အက်ဒရီယန် ရာဘီရော့တ်ကို ခေါ်ယူဖို့ ကြိုးစားခဲ့ပေမယ့် ကစားသမား ဘက်က တောင်းဆိုတဲ့ လစာငွေ ပမာဏကို ပေးချေဖို့ အသင်းဘက်က ဆန္ဒမရှိခဲ့တာကြောင့် အပြောင်းအရွှေ့ ပျက်ပြယ်ခဲ့ရတာ ဖြစ်ပါတယ်။
စီးရီးအေ ကွင်းလယ်လူ အတွက် ယူနိုက်တက်နဲ့ ဂျူဗင်တပ်စ် အကြား ပြောင်းရွှေ့ကြေး ယူရို ၁၅ သန်း နဲ့ သဘောတူညီမှု ရရှိခဲ့ပြီးသား ဖြစ်ပါတယ်။ ဒါပေမယ့် ကစားသမားက ၃ နှစ် စာချုပ် နဲ့အတူ တစ်နှစ် လုပ်ခ ယူရို ၁၀ သန်း တောင်းဆိုခဲ့ပြီး ကစားသမားရဲ့ မိခင်/အေးဂျင့် ဗီရိုနစ် ရာဘီရော့တ် ကလည်း အေးဂျင့်ခ ယူရို ၁၀ သန်း တောင်းဆိုခဲ့ပါတယ်။
ယူနိုက်တက် ကတော့ ရာဘီရော့ အတွက် တစ်နှစ်လုပ်ခ ယူရို ၈ သန်းသာ ပေးချေဖို့ ဆန္ဒရှိခဲ့ပြီး ရာဘီရော့တ်တို့ ဘက်က ၃ နှစ် စာချုပ် အတွက် စုစုပေါင်း ယူရို သန်း ၄၀ ဝန်းကျင် အထိ တောင်းဆို ခဲ့တာကြောင့် အပြောင်းအရွှေ့ ပျက်ပြယ် ခဲ့ရတာ ဖြစ်ပါတယ်။
ကွန်ဖရင့်လိဂ် ခြေစစ်ပွဲမှာ နိုင်ပွဲ ရခဲ့တဲ့ ဖီအိုရင်တီးနား
ဒီပွဲမှာ စီးရီးအေ ကလပ် ဘက်က လူကာ ယိုဗစ်၊ ဆာပိုနာရာ၊ ဘိုနာဗန်ကျူရာ၊ ကူအာမီတို့လို အဓိက ကစားသမားတွေ မပါဝင်ခဲ့ဘဲ အရံ ကစားသမား အများစုနဲ့သာ ပွဲထွက်ခဲ့ပါတယ်။
ဒုတိယ အကျော့ ကိုတော့ လာမယ့် ဩဂုတ် ၂၅ တွမ်တီးရဲ့ အိမ်ကွင်းမှာ ယှဉ်ပြိုင် ကစားသွားမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
