ဩဂုတ်လ ၁၆ ရက်နေ့ အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
စီးရီးအေ လက်ကျန် ပွဲစဥ်တွေမှာ ဂိုးမိုးရွာခဲ့ကြတဲ့ နာပိုလီနဲ့ ဂျူဗင်တပ်စ်
မနေ့ညက ကစားခဲ့တဲ့ စီးရီးအေ ပွဲစဥ်တွေ မှာတော့ နာပိုလီနဲ့ ဂျူဗင်တပ်စ်တို့ အသီးသီး နိုင်ပွဲရခဲ့ကြပါတယ်။ နာပိုလီက အဝေးကွင်းမှာ ဗီရိုနာကို ၂-၅ ရလဒ်နဲ့ အနိုင်ရခဲ့ပြီး ဂိုးတွေ ကိုတော့ ဗာရက်စ်ခီလီယာ၊ ဗစ်တာ အော့ဆီမန်၊ ဇီလင်စကီး၊ လော့ဘိုကာ၊ ပိုလီတာနို တို့က သွင်းယူပေးခဲ့ပါတယ်။
ဂျူဗင်တပ်စ် ကလည်း ကစားသမားသစ် ဒီမာရီယာရဲ့ ပွဲဦးထွက်ဂိုးနဲ့ အတူ အိမ်ကွင်းမှာ ဆာဆွယ်လိုကို ၃ ဂိုးပြတ်နဲ့ အနိုင်ရရှိခဲ့ပါတယ်။ ဒါ့အပြင် ဒူဆန် ဗလာဟိုဗစ် ကလည်း ပင်နယ်တီ သွင်ဂိုး အပါအဝင် ၂ ဂိုး သွင်းပြီး ခြေစွမ်းပြနိုင်ခဲ့ပါတယ်။ ဗလာဟိုဗစ်ရဲ့ ဒုတိယဂိုး ကိုတော့ ဒီမာရီယာက ဖန်တီးပေးခဲ့ပါတယ်။
ဒါ့အပြင် ဒုတိယပိုင်းမှာ ဂျူဗင်တပ်စ် အတွက် ကစားသမားသစ် ကော့စတစ် လည်း လူစားဝင် ကစားခဲ့ပါတယ်။ ပြီးခဲ့တဲ့ ရာသီက ရလဒ်ဆိုးခဲ့တဲ့ ဂျူဗင်တပ်စ်တို့ ဒီရာသီ အဖွင့်မှာပဲ ခြေစွမ်းပြခဲ့ပြီး ချန်ပီယံဆုကို ပြန်လည် ရယူနိုင်မလား ဆိုတာ စောင့်ကြည့်ရဖို့ ရှိလာခဲ့ပြီ ဖြစ်ပါတယ်။
အင်တာ ကြယ်ပွင့်အတွက် ပြောင်းရွှေ့ကြေး တိုးမြှင့် ကမ်းလှမ်းသွားမယ့် ချဲလ်ဆီး
ချဲလ်ဆီး ကတော့ စီးရီးအေ ကလပ် အင်တာမီလန် ကြယ်ပွင့်ကစားသမား ဆီဆာရီကာ ဆာဒီ အတွက် ပြောင်းရွှေ့ကြေး ပေါင် (၁၂) သန်း တိုးမြှင့် ကမ်းလှမ်းသွားဖို့ ပြင်ဆင်နေကြောင်း သိရပါတယ်။
အဆိုပါ ကွင်းလယ်လူဟာ အသက် (၁၉) နှစ် အရွယ်သာ ရှိသေးပြီး လက်ရှိအချိန်ထိ အင်တာမီလန် အသင်းကြီး အတွက် ၁ ပွဲမှ မကစားရသေးသူ ဖြစ်ပေမယ့် လက်တလော ဥရောပမှာ ထွန်းတောက်လာမယ့် ကစားသမား အဖြစ် သတ်မှတ်ခံထားရပါတယ်။
ချဲလ်ဆီး ကတော့ ကာဆာဒီ အတွက် ပြောင်းရွှေ့ကြေး ပေါင် (၆) သန်းနဲ့ ကနဦး ကမ်းလှမ်းခဲ့ပေမယ့် အင်တာမီလန်ဘက် ကတော့ ငြင်းဆန်ပယ်ချထားပါတယ်။ လက်ရှိအချိန် မှာတော့ ချဲလ်ဆီးတို့ ပြောင်းရွှေ့ကြေးကို နှစ်ဆ အထိ တိုးမြှင့်ကမ်းလှမ်းသွားဖို့ ရှိနေတယ်လို့ သိရပါတယ်။
ဒီကစားသမားကို ခေါ်ယူဖို့ ပြင်သစ် လီဂူးဝမ်း ကလပ် နိုက်စ် ကလည်း စိတ်ဝင်စားနေပါတယ်။ ချဲလ်ဆီးဟာ ကာဆာဒီကို လက်ရှိနွေရာသီမှာ ခေါ်ယူနိုင်ခဲ့ရင်လည်း အင်တာမီလန်ကို နောက်ထပ် တစ်ရာသီ အငှားပြန်ချပေးသွားဖွယ် ရှိကြောင်း သိရှိရပါတယ်။
အခုနွေရာသီ ဆီဗီလာကို အယ်လ်ဘာတို ပြောင်းရွှေ့ဖို့ မဖြစ်နိုင်
လာဇီယို ဒါရိုက်တာ အစ်ဂ်လီတာရီက ကွင်းလယ်လူ လူးဝစ် အယ်လ်ဘာတိုဟာ လက်ရှိ နွေရာသီ အပြောင်းအရွှေ့မှာ ဆီဗီလာကို ပြောင်းရွှေ့ဖို့ မဖြစ်နိုင်ဘူးလို့ ပြောကြားလိုက်ပါတယ်။
အသက် (၂၉) နှစ် အရွယ် အယ်လ်ဘာတိုဟာ ကွင်းလယ် တိုက်စစ်မှာ သာမက တောင်ပံမှာပါ ကစားနိုင်ပြီး သူ့ရဲ့ ကစားသမားဘဝ ကလည်း ဆီဗီလာနဲ့ အတူ စတင် တောက်ပခဲ့တာပါ။ လက်ရှိ နွေရာသီ အပြောင်းအရွှေ့ မှာတော့ ကစားသမား ကိုယ်တိုင်က ဆီဗီလာကို ပြန်ချင်နေသလို လာလီဂါ ကလပ် ဘက်ကလည်း ပြန်လည် ခေါ်ယူဖို့ စိတ်ဝင်စားနေတာ ဖြစ်ပါတယ်။
သတင်းတွေအရ ဆီဗီလာရဲ့ ဘဏ္ဍာရေး အခြေအနေက အယ်လ်ဘာတိုကို ခေါ်ယူနိုင်စွမ်း မရှိသလို လာဇီယို ဘက်ကလည်း စျေးလျှော့ရောင်းဖို့ စိတ်ကူး မရှိတာကြောင့် အစ်ဂ်လီတာရီက အခုလိုပဲ ငြင်းဆန်လာခဲ့တာ ဖြစ်ပါတယ်။ အယ်လ်ဘာတိုဟာ လာဇီယို အတွက် ပြိုင်ပွဲစုံ ပွဲပေါင်း (၂၂၀) ကစားပေးထားပြီး အသင်းနဲ့လည်း (၂၀၂၅) အထိ စာချုပ် သက်တမ်း ကျန်ရှိနေပါသေးတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
