လာလီဂါ နောက်ဆုံးရ သတင်းများ (၂၆/၇/၂၀၂၂)

အခု ဆက်လက် ပြီးတော့ SBOTOP ပရိသတ်တွေ အတွက် ဇူလိုင်လ ၂၆ ရက်နေ့ အတွက် လာလီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

အာသာ မယ်လိုကို စိတ်ဝင်စားနေတဲ့ ဗလင်စီယာ

လာလီဂါ ကလပ် ဗလင်စီယာ အသင်းဟာ စီးရီးအေ ကလပ် ဂျူဗင်တပ်စ် ကွင်းလယ်လူ အာသာ မယ်လိုကို ခေါ်ယူဖို့ စိတ်ဝင်စားနေပါတယ်။ ဘာစီလိုနာ ကစားသမားဟောင်း ဖြစ်တဲ့ မယ်လိုဟာ တူရင်မှာ အဆင်မပြေ ဖြစ်နေပြီး စပိန်ကို တကျော့ပြန် လာရောက် ကစားချင်တဲ့ ဆန္ဒရှိနေတယ် လို့လည်း သိရပါတယ်။

ဗလင်စီယာ နည်းပြ ဂတ်တူဆိုက အာသာ မယ်လိုကို သူ့ရဲ့ ထိပ်တန်း ပစ်မှတ်အဖြစ် သတ်မှတ်ထားပြီး အသင်းကို ခေါ်ယူချင်ပေမယ့် ကစားသမားရဲ့ လစာငွေ မြင့်မားနေမှုက အခက်တွေ့စရာ ဖြစ်နေပါတယ်။ ဘရာဇီးလ် ကွင်းလယ်လူ အနေနဲ့ လစာငွေ လျှော့ပေါ့ ယူမယ် ဆိုရင် တူရင်ကနေ ထွက်ခွာနိုင်ပြီး လာလီဂါမှာ ပြန်ကစားနိုင် မှာလည်း ဖြစ်ပါတယ်။

ပေါ့ဂ်ဘာကို အလွတ်ခေါ်ယူထားတဲ့ ဂျူဗင်တပ်စ်က မယ်လိုကို ထိုက်တန်တဲ့ ကမ်းလှမ်းမှုမျိုး ရခဲ့ရင် ရောင်းချသွားဖို့ အသင့်ရှိနေပါတယ်။ ဗလင်စီယာ ကတော့ အပြီးသတ် မဟုတ်ရင်တောင်မှ အငှားနဲ့ ခေါ်ယူနိုင်ဖို့ အတွက် အားထုတ်နေတယ်လို့ သိရပါတယ်။

ပြီးခဲ့တဲ့ရာသီ လူစာရင်းကို ပြောင်းလဲသွားမှာ မဟုတ်တဲ့ အန်ဆယ်လော့တီ

ရီးရဲလ်မက်ဒရစ် နည်းပြ အန်ဆယ်လော့တီ ကတော့ ပြီးခဲ့တဲ့ ရာသီမှာ ချန်ပီယံလိဂ် ဖလားနဲ့ လာလီဂါ ဖလားကို ဆွတ်ခူးစေခဲ့တဲ့ အသင်း ပွဲထွက်လူစာရင်းကို အပြောင်းအလဲ ပြုလုပ်သွားမှာ မဟုတ်ဘူးလို့ ပြောဆိုလိုက်ပါတယ်။ ကစားသမားသစ်တွေ ခေါ်ယူထားပေမယ့်လည်း အသင်းရဲ့ အထိုင်ကို ပြောင်းလဲမှာ မဟုတ်ဘဲ မူလ ကစားသမားတွေနဲ့သာ တည်ဆောက်သွားမှာဖြစ်ပါတယ်။

ဒီလိုမျိုး ဆုံးဖြတ်ခဲ့တဲ့ အတွက် ရီးရဲလ်မက်ဒရစ် ကစားသမားသစ်တွေ ဖြစ်တဲ့ ချူအာမန်နီနဲ့ ရူဒီဂါတို့က သူတို့နေရာ ရဖို့ အတွက် တိုက်ပွဲဝင်ရတော့မှာ ဖြစ်ပါတယ်။ ခံစစ်ပိုင်းမှာ ရူဒီဂါက အလာဘာ၊ မီလီတောင် တို့နဲ့ နေရာလုရမှာ ဖြစ်ပြီး ချူအာမန်နီ ကတော့မိုဒရစ်၊ ခရူးစ်တို့ အပြင် ဗယ်လ်ဗာဒီ၊ ကာမာဗင်ဂါ တို့နဲ့ပါ နေရာတနေရာစာ အတွက် ကြိုးစားရတော့မှာ ဖြစ်ပါတယ်။

အန်ဆယ်လော့တီက အသင်းအထိုင်ကို အပြောင်းအလဲလုပ်ပြီး ပြုပြင်ဖို့ကို စိတ်အားထက်သန်မှု မရှိသလို ရာသီသစ် မှာလည်း ပြီးခဲ့တဲ့ ရာသီက အတိုင်းသာ ဆက်သွားချင်နေတာ ဖြစ်ပါတယ်။ လက်ရှိ လူစာရင်းနဲ့ အောင်မြင်မှုတွေ ထပ်မံ ရရှိနိုင်မယ်လို့လည်း အီတလီသား နည်းပြကြီးက ယုံကြည်နေပါတယ်။

ကွန်ဒေးကို ခေါ်ယူနိုင်တော့မယ့် ဘာစီလိုနာ

ဘဏ္ဍာရေး ပြသနာတွေရှိနေပြီး ကစားသမားတွေကို လစာကြွေးတွေ ပေးချေရမယ်လို့ သတင်းထွက်နေတဲ့ လာလီဂါ ကလပ် ဘာစီလိုနာဟာ နောက်ထပ် ကစားသမားသစ် အဖြစ် ဆီဗီလာနောက်ခံလူ ဂျူးလ်စ် ကွန်ဒေးကို ခေါ်ယူနိုင်တော့မယ်လို့ သိရပါတယ်။ လီဝမ်ဒေါစကီး၊ ရာဖင်ဟာ၊ ဖရန့်ကက်ဆီ၊ ခရစ္စတန်ဆန် တို့ကို ခေါ်ယူထားပြီးပေမယ့် ကွန်ဒေး ကိုပါ ထပ်မံ ခေါ်ယူဖို့ ဘာကာက အားထုတ်နေတာပါ။

ပရီးမီးယားလိဂ် ကလပ် ချယ်လ်ဆီး ကလည်း ကွန်ဒေးကို ခေါ်ယူဖို့အတွက် အစွမ်းကုန် အားထုတ်နေပြီး နီးစပ်မှု ရှိနေကာမှ ဘာဆာက ကြားဝင်လာခဲ့တာပါ။ အစောပိုင်းမှာ ဆီဗီလာက ချယ်လ်ဆီးရဲ့ ကမ်းလှမ်းမှုကို သဘောကျနေခဲ့ပြီး လက်ခံ စဉ်းစားနေခဲ့ပါတယ်။ ဒီအချိန်မှာ ဘာစီလိုနာ ကပါ ကမ်းလှမ်းမှု ပြုလုပ်ခဲ့ကာ ကစားသမားက နူးကမ့်မှာ သွားကစားချင်နေတယ်လို့ သိရပါတယ်။ လက်ရှိ မှာတော့ ဆီဗီလာက ကစားသမားရဲ့ ဆန္ဒနဲ့ ပြောင်းရွှေ့ကြေး ရမယ့် အနေအထား အပေါ် မူတည်ကာ ဆုံးဖြတ်သွားဖို့ ရှိနေပါတယ်။ ဘာစီလိုနာ ကလည်း ကွန်ဒေး သူတို့အသင်းကို ရောက်ရှိမယ်လို့ ယုံကြည်နေပြီး အပြောင်းအရွှေ့ကို ကြေညာဖို့ အတွက် အစစအရာရာ အားလုံး ပြင်ဆင်ထားပြီးပြီလို့ ဆိုပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.