ဝက်စ်ဟမ်း – အာဆင်နယ် | ပရီးမီးယားလိဂ် ပွဲစဉ် ၃၅ (ပွဲကြိုသုံးသပ်ချက်)

ဝက်စ်ဟမ်း – အာဆင်နယ်

ပရီးမီးယားလိဂ် ပွဲစဉ် (၃၅)ရဲ့ နောက်ဆုံးပွဲ ဖြစ်တဲ့ ဝက်စ်ဟမ်းနဲ့ အာဆင်နယ်တို့ရဲ့ လန်ဒန်ဒါဘီ တွေ့ဆုံမှု ကလည်း ပရိသတ် အကြိုက် ပွဲကောင်း တစ်ပွဲ ဖြစ်လာဖို့တော့ ရှိနေပါတယ်။ ပြီးခဲ့တဲ့ ပရီးမီးယားလိဂ် ၂ ပွဲဆက် အသင်းကြီးတွေကို ဂိုးပြတ်တီးလာခဲ့တဲ့ အာဆင်နယ်တို့ လန်ဒန်မြို့ခံ ပြိုင်ဘက် ဝက်စ်ဟမ်း ကိုရော ထပ်ပြီး အသာရသွားနိုင်မလား ဆိုတာ စောင့်ကြည့်ရမှာ ဖြစ်ပါတယ်။

ဝက်စ်ဟမ်းတို့ ယူရိုပါလိဂ်မှာ ဆီမီးဖိုင်နယ် အထိ ရောက်ရှိနေလို့ ပရီးမီးယားလိဂ် ကို အားလျှော့လိုက်ပုံရပါတယ်။ ရာသီကုန်ခါနီးလေ ရလဒ်ဆိုးလေ ဖြစ်နေတဲ့ ဝက်စ်ဟမ်းတို့ ပြိုင်ပွဲစုံ နောက်ဆုံး ၅ ပွဲမှာ နိုင်ပွဲ ၁ ပွဲသာ ရထားသလို ပရီးမီးယားလိဂ် မှာလည်း ၃ ပွဲဆက် နိုင်ပွဲ ပျောက်နေခဲ့တာပါ။ လက်ရှိ အမှတ်ပေးဇယား အဆင့် ၇ နေရာမှာ ရှိနေပြီး အာဆင်နယ်နဲ့ ၈ မှတ် ကွာဟနေတာကြောင့် ချန်ပီယံလိဂ် ဝင်ခွင့် မျှော်လင့်ချက် ကတော့ လုံးဝ ကုန်သွားခဲ့ပြီ ဖြစ်ပေမယ့် ယူရိုပါလိဂ် တော့ မျှော်လင့်ခွင့် ရှိနေပါသေးတယ်။ အကယ်၍ ဝက်စ်ဟမ်းတို့ ဒီနှစ် ယူရိုပါလိဂ် မှာသာ ချန်ပီယံ ဖြစ်ခဲ့မယ် ဆိုရင်တော့ နောက်ရာသီ ချန်ပီယံလိဂ် တိုက်ရိုက် ဝင်ခွင့် ရရှိမှာ ဖြစ်ပါတယ်။ ဒါကြောင့် ဝက်စ်ဟမ်းတို့ ဒီတစ်ပတ် ပရီးမီးယားလိဂ် မှာလည်း မရှုံးရုံလောက်ပဲ ထိန်းကစားသွားဖို့ များနေပြီး ဖရန့်ဖတ်နဲ့ ယူရိုပါလိဂ် ဆီမီးဖိုင်နယ် ဒုတိယအကျော့ ပွဲစဉ် အပြည့်အဝ အာရုံစိုက်မယ့် သဘော ရှိပါတယ်။ ဝက်စ်ဟမ်းရဲ့ အခုနှစ် ပရီးမီးယားလိဂ် အိမ်ကွင်း စွမ်းဆောင်ရည် ကတော့ မဆိုးဘူးလို့ ပြောလို့ ရပြီး ၉ ပွဲ နိုင်၊ ၄ ပွဲ သရေ၊ ၄ ပွဲ ရှုံးထားပါတယ်။ ဒီပွဲ ကိုတော့ အဓိက နောက်ခံလူ တစ်ဦး ဖြစ်တဲ့ ခရိတ်ဂျ် ဒေါ်ဆင် အနီကတ် ပြစ်ဒဏ်ကြောင့် ပါဝင်ကစားမှာ မဟုတ်သလို ဒီယော့ပ်နဲ့ အော့ဂါဘွန်နာ ကလည်း ဒဏ်ရာကြောင့် လွဲချော်ဦးမှာ ဖြစ်ပါတယ်။

ဖြစ်နိုင်ဖွယ်လူစာရင်း – ဖေဘီယန်စကီး၊ ဇူးမား၊ ဂျွန်ဆင်၊ ခရက်စ်ဝဲလ်၊ ဆိုရှက်ခ်၊ ရိုက်စ်၊ ဆိုဖယ်၊ မာဆူအာကူ၊ ဗလာဆစ်၊ ဘန်ရားမား၊ ယာမိုလန်ကို

ချန်ပီယံလိဂ် ဝင်ခွင့် တိုက်ပွဲ နွှဲနေရတဲ့ အာဆင်နယ်တို့ နောက်ထပ် ခက်ခဲတဲ့ ပွဲစဉ် တစ်ပွဲကို ဖြတ်သန်းရဦးမှာ ဖြစ်ပါတယ်။ အသင်းကြီးတွေ ဆီက အမှတ်ယူပြီး အသင်းငယ်တွေကို ပြန်လှူတတ်တဲ့ မီခယ် အာတေးတားရဲ့ အသင်း ဒီတစ်ပတ် မှာရော ဘယ်လောက်အထိ စွမ်းဆောင်ပြနိုင်ဦးမလဲ ဆိုတာ စောင့်ကြည့်ရမှာ ဖြစ်ပါတယ်။ ချဲလ်ဆီးနဲ့ ယူနိုက်တက် တို့ကို ဂိုးပြတ် အနိုင်ရခဲ့တာကို အသိအမှတ်ပြုရမှာ ဖြစ်ပေမယ့် ခြေစွမ်းပိုင်းအရတော့ လိုအပ်ချက်တွေ အများကြီး ရှိနေပါသေးတယ်။ အဓိက,ကတော့ သောမက်စ် ပါတေးနဲ့ တီယာနေး ဒဏ်ရာရနေတာ ဖြစ်ပြီး ပါတေး မရှိချိန်မှာ အဲလ်နန်နီ အကောင်းဆုံး ဝင်ဖြည့်ပေးနေပေမယ့် တီယာနေး နေရာမှာ ကစားတဲ့ တာဗာရက်စ် ကတော့ ပရိသတ်တွေကို ရင်တမမ ဖြစ်နေစေတုန်းပါပဲ။ သွင်းဂိုးတွေ အတွက် ကတော့ ဆာကာ၊ စမစ်ရိုးဝ်နဲ့တင် စိတ်ချလို့ ရပြီး လိုအပ်ရင် ကွင်းလယ်ဖန်တီးရှင် အိုဒီဂတ် ဆီကနေလည်း မျှော်လင့်လို့ ရနေပါသေးတယ်။ ဒါ့အပြင် ညာနောက်ခံလူ တိုမီယာဆုလည်း ပြန်ကစားနိုင်ပြီ ဖြစ်လို့ မီခယ် အာတေးတားရဲ့ အသင်း ကိုတော့ အတောင့်တင်းဆုံး လူစာရင်းနဲ့ မြင်တွေ့ရဦးမှာပါ။ အာဆင်နယ်တို့ အိမ်ကွင်း စွမ်းဆောင်ရည် ကောင်းနေပေမယ့် အဝေးကွင်း မှာတော့ ရုန်းကန်နေရဆဲ ဖြစ်ပြီး နောက်ဆုံး ၃ ပွဲမှာ ၁ ပွဲနိုင်၊ ၂ ပွဲ ရှုံးထားပါတယ်။

ဖြစ်နိုင်ဖွယ်လူစာရင်း – ရမ်းစ်ဒေးလ်၊ ဝှိုက်၊ ဂါဘရီရယ်၊ တိုမီယာဆု၊ တာဗာရက်စ်၊ ချာကာ၊ အဲလ်နန်နီ၊ အိုဒီဂတ်၊ စမစ်ရိုးဝ်၊ ဆာကာ၊ အန်ကတ်တီးယား

ထိပ်တိုက်တွေ့ဆုံမှုနဲ့ သမိုင်းကြောင်း

ပြိုင်ပွဲစုံ နောက်ဆုံး တွေ့ဆုံမှု ၂၂ ကြိမ်မှာ ဝက်စ်ဟမ်းတို့ ၂ ကြိမ်သာ အနိုင်ရခဲ့ပြီး အာဆင်နယ်က ၁၇ ကြိမ် အထိ အနိုင်ရထားပါတယ်။ သရေ ၃ ပွဲ သာ ရှိခဲ့ပြီး နောက်ဆုံး တွေ့ဆုံမှု ၉ ကြိမ်စလုံး အနိုင်အရှုံး အဖြေပေါ်ခဲ့ပါတယ်။ ပရီးမီးယားလိဂ် နောက်ဆုံး ၅ ပွဲ တွေ့ဆုံမှု မှာလည်း အာဆင်နယ်တို့ ဝက်စ်ဟမ်းကို လုံးဝ ရှုံးနိမ့်ထားခြင်း မရှိပဲ ၄ ပွဲနိုင်၊ ၁ ပွဲ သရေ ကစားထားပါတယ်။

လောင်းကစားဆိုင်ရာ အကြံပြုချက်များ

SBOTOPရဲ့ 1X2 မှာ ဝက်စ်ဟမ်း အတွက် ၄.၃၀ ဆ၊ အာဆင်နယ် အတွက် ၁.၇၈ ဆ၊ သရေ အတွက် ၃.၆၀ ဆ ကြေးဖွင့်လှစ်ပေးထားပါတယ်။ အာဆင်နယ်တို့ အဆင့် ၄ နေရာမှာ ဆက်မြဲဖို့ ပြီးခဲ့တဲ့ ပွဲတွေ အတိုင်း အားစိုက်လာမှာ ဖြစ်ပေမယ့် ဝက်စ်ဟမ်း ကတော့ ယူရိုပါလိဂ် ရှိနေလို့ လူစုံထုတ်လာဖို့တောင် မသေချာပါဘူး။ နောက်ပြီး ဒီနှစ်သင်း တွေ့ဆုံချိန်တိုင်းမှာ သရေရလဒ်ထွက်တာ ရှားပါတယ်။ ဒီတစ်ကြိမ် မှာလည်း အာဆင်နယ်ကိုပဲ ထပ်ပြီး ယုံကြည်ထားချင်ပါတယ်။ အပြန်အလှန် သွင်းဂိုးတွေ ရှိလာနိုင်လို့ ဂိုးပေါ် ရွေးချယ်ထားတာလည်း မမှားနိုင်ပါဘူး။

ခန့်မှန်းရလဒ် (၁-၂)

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.