ဘန်လေ-လိဒ်စ်ယူနိုက်တက်
စူပါဆန်းဒေးပရီးမီးယားလိဂ် ပွဲစဉ်တွေထဲက ဘန်လေနဲ့ လိဒ်စ်ယူနိုက်တက်တို့ ကစားမယ့်ပွဲနဲ့ ပတ်သတ်လို့ပွဲကြို အချက်အလက် တချို့ကို ဖော်ပြပေးသွားမှာ ဖြစ်ပါတယ်။နှစ်သင်းစလုံး အတွက်ပရီးမီးယားလိဂ် ရာသီသစ်မှာ ပထမဦးဆုံး အနိုင် ၃ မှတ် ရရှိရေး ဆိုတဲ့ မျှော်လင့်ချက် ကိုယ်စီနဲ့ ကစားကြမယ့်ပွဲဖြစ်လို့ ပြိုင်ဆိုင်မှု ခပ်ပြင်းပြင်းနဲ့ အပြန်အလှန် သွင်းဂိုးတွေ မြင်တွေ့ရဦးမယ့် သဘောမှာ ရှိနေပါတယ်။
ဘန်လေတို့ ရာသီ အဖွင့် ပွဲစဉ် ၂ ပွဲ အပါအဝင် နောက်ဆုံး ကစားခဲ့တဲ့ ပရီးမီးယားလိဂ်ပွဲစဉ် ၁၁ ပွဲမှာ ၉ ပွဲ အထိ ရှုံးနိမ့်ခဲ့သလိုအိမ်ကွင်း တက်ဖ်မော မှာလည်း ပြီးခဲ့တဲ့ ၅ ပွဲဆက်တိုက် ရှုံးနိမ့်ထားတာ တွေ့ရပါတယ်။ဒါကို ကြည့်ခြင်းအားဖြင့် ဘန်လေတို့ အသင်း သမိုင်းတစ်လျှောက် အဆိုးရွားဆုံး အိမ်ကွင်း ရှုံးပွဲဆက်မှု အခြေအနေတွေနဲ့ နောက်ထပ် တစ်ကြိမ် ရင်ဆိုင်ရဖို့ နီးနေခဲ့ပြီလို့တောင် ပြောလို့ ရပါတယ်။ ဒီလိုမျိုး ရလဒ်တွေ ဆိုးရွားနေလို့ ရှောင်ဒိုက်ချ်ရဲ့ အသင်းက ခြေစွမ်း အရမ်းကို ညံ့နေသလား ဆိုတော့လည်း မဟုတ်ပါဘူး။ ဘရိုက်တန်ကို ရှုံးနိမ့်ခဲ့တဲ့ ပွဲမှာရော၊ လစ်ဗာပူးလ်ကို ရှုံးနိမ့်ခဲ့တဲ့ ပွဲမှာပါ ဘန်လေရဲ့ ပထမပိုင်း ကစားပုံက တော်တော်လေး အားရစရာ ကောင်းခဲ့တာ တွေ့ရပါတယ်။ Final Third မှာလည်း ဂိုးရအောင် စွမ်းဆောင်နိုင်တဲ့ ကစားသမားတွေ ရှိနေပြီး မက်နေးလ်၊ အက်ရှ်လေဘန်းစ်၊ ခရစ္စဝုဒ် တို့လို ကစားသမားကောင်းတွေ ပိုင်ဆိုင်ထားတဲ့ ဘန်လေတို့ ပြိုင်ဘက်ရဲ့ ခံစစ်ကို ဘယ်လို နည်းနဲ့ မဆို ထိုးဖောက် နိုင်စွမ်း ရှိပါတယ်။ ဘန်လေရဲ့ အဓိက ပြသနာက ပွဲချိန် ကြာလာတာနဲ့ အမျှ တစ်သင်းလုံး ကစားအားသိသိသာသာ ကျဆင်းသွားတတ်တာ ဖြစ်ပါတယ်။ နောက်ပြီး ဘယ်/ညာ အစွန်မှာ ကစားတဲ့ လိုတန်နဲ့ တေလာ တို့ရဲ့ အထနှေးမှုတွေ၊ တာကောစကီးနဲ့ ဘမ်မီးတို့ ခံစစ်ကို အလျင်အမြန် ပြန်မဆင်းနိုင်မှုတွေက ဘန်လေ ကို ရလဒ်တွေ တောက်လျောက် ဆိုးရွားနေစေတဲ့ အကြောင်းအရင်းတွေပဲ ဖြစ်ပါတယ်။ အခုလာမယ့် ပွဲမှာတော့ ဘန်လေ ကွင်းလယ်မှာ အက်ရှ်လေ ဝက်စ်ဝုဒ် ပြန်လည် ပါဝင်လာဖို့ ရှိသလို ဒဏ်ရာက ပြန်လည် သက်သာလာတဲ့ ဗီဒရာ ကိုလည်း အရန် လူစာရင်းမှာ မြင်တွေ့ရဖို့ ရှိနေပါတယ်။ တံကောက်ကြော ဒဏ်ရာရထားတဲ့ ကီဗင် လောင်း ကတော့ ပါဝင်ကစားနိုင်ဖို့ မသေချာသေးသလို ခြေချင်းဝတ် ဒဏ်ရာရထားတဲ့ ဒေးလ်စတီဖင် ကတော့ ကျိန်းသေပေါက် လွဲချော်မှာ ဖြစ်ပါတယ်။
လိဒ်စ်ယူနိုက်တက်ရဲ့ ပတ်သတ်လို့ မကြာခဏ သုံးသပ်ခဲ့ပြီးပါပြီ။ ဘီရဲယ်ဆာရဲ့ နည်းစနစ် အပြောင်းအလဲ မရှိသေးသ၍ ယေဘုယျအားဖြင့် လိဒ်စ်ဟာ ပွဲချိန်ပြည့် တိုက်စစ်ဖွင့် ကစားပြီး ဂိုးရဖို့ ကြိုးပမ်းတတ်သလို ဂိုးတွေ ပြန်ပေးဖို့လည်းမနှမြောတတ်တဲ့ အသင်း ဖြစ်ပါတယ်။ ဒါကြောင့်လည်း ဘီရဲယ်ဆာရဲ့ အသင်း ကစားတဲ့ ပွဲတိုင်းလိုလိုမှာ အပြန်အလှန် သွင်းဂိုးတွေ မြင်တွေ့ခဲ့ရတာ ဖြစ်ပါတယ်။ ပြီးခဲ့တဲ့ ရာသီကပရီးမီးယားလိဂ်၃၈ ပွဲကစားရာမှာ ရဂိုး ၆၂ ဂိုး၊ ပေးဂိုး ၅၄ ဂိုး ရှိခဲ့တဲ့ လိဒ်စ်ယူနိုက်တက်တို့ လက်ရှိ ရာသီအစ ပွဲစဉ် ၃ ပွဲ ကစားပြီးချိန်မှာပဲ သွင်းဂိုးနဲ့ ပေးဂိုး စုစုပေါင်း ၁၃ ဂိုး အထိ ရှိနေခဲ့ပါပြီ။ ဘီရဲယ်ဆာ အနေနဲ့ အခုလာမယ့် ပွဲမှာ ၄-၁-၄-၁ နဲ့ပဲ ပွဲထွက်လာမလား။အဲဗာတန်နဲ့ ပွဲကလိုပဲ ၃-၃-၃-၁ ဒါမှမဟုတ် ၃-၁-၂-၁-၃ ကစားကွက်ကိုပဲ ထပ်ပြီး အသုံးပြုလာဦးမလား ဆိုတာလည်း ခန့်မှန်းရတော့ ခက်ပါတယ်။ သေချာတာ ကတော့ ဒဏ်ရာက သက်သာလာတဲ့ နောက်ခံလူ ယောယန်းတေး အခုပွဲမှာ ပြန်လည် ပါဝင်လာဖို့ ရှိနေပြီး ရော်ဘင်ကော့ချ် ကလွဲလို့ ကျန် အဓိက ကစားသမား အစုံအလင်နဲ့ ပွဲထွက်ကစားနိုင်ဖို့ ရှိနေတယ်လို့ သိရပါတယ်။ ၂၀၀၄ ခုနှစ် နောက်ပိုင်း အဝေးကွင်း သရေပွဲ လုံးဝမရှိသေးတဲ့လိဒ်စ်တို့ မာဆယ်လို ဘီရယ်ဆာ ကိုင်တွယ်ခဲ့ချိန် ကစပြီး ပရီးမီးယားလိဂ် အဝေးကွင်း ပွဲ ၂၀ ကစားထားရာမှာ ၁၀ ပွဲနိုင်၊ ၁၀ ပွဲ ရှုံး ရလဒ်ကို ပိုင်ဆိုင်ထားပါတယ်။
ထိပ်တိုက်တွေ့ဆုံမှုနဲ့ သမိုင်းကြောင်း
ပြီးခဲ့တဲ့ ရာသီက ပရီးမီးယားလိဂ် ထိပ်တိုက်တွေ့ဆုံမှု ၂ ကြိမ်စလုံးမှာ လိဒ်စ်ယူနိုက်တက်တို့ ၁-၀၊ ၀-၄ ရလဒ်တွေနဲ့ အနိုင်ရထားခဲ့ပါတယ်။ သမိုင်းတစ်လျှောက် ဘန်လေနဲ့ လိဒ်စ်တို့ တက်ဖ်မောကွင်းမှာ ၄ ကြိမ် တွေ့ဆုံ ကစားခဲ့ပြီး ဘန်လေက ၃ ပွဲနိုင်၊ ၁ ပွဲရှုံး ရလဒ်ကို ပိုင်ဆိုင်ထားပါတယ်။ရှုံးနိမ့်ခဲ့တဲ့ ပွဲကလည်း ပြီးခဲ့တဲ့ ရာသီက ၄ ဂိုးပြတ်နဲ့ ရှုံးနိမ့်ခဲ့တဲ့ ပွဲ ဖြစ်ပါတယ်။ လိဒ်စ်ယူနိုက်တက် ကစားသမားဟောင်း ဖြစ်တဲ့ ခရစ္စဝုဒ် ကတော့ အသင်းဟောင်းနဲ့ ပြန်လည် တွေ့ဆုံခဲ့တဲ့ ၈ ပွဲမှာ ၁ ဂိုးသာ သွင်းယူနိုင်ခဲ့ပြီး နောက်ဆုံး ၅ ပွဲဆက် ဂိုးသွင်းယူနိုင်ခဲ့ခြင်းတော့ မရှိခဲ့ပါဘူး။
လောင်းကစားဆိုင်ရာအကြံပြုချက်များ
 |
 |
ဘန်လေ-လိဒ်စ်ယူနိုက်တက် | အချိန်ပြည့် ဂိုးပေါ် ၂.၅၀ @ ၁.၈၁ ဆ |
| ဩဂုတ်လ ၂၉ရက် ,ည ၇:၃၀ နာရီ (GMT + ၆:၃၀) |
1X2 ရဲ့ ပေါက်ကြေးအရ ၂.၉၆ဆနဲ့ ဧည့်သည်အသင်းအတွက် ၂.၃၁ဆ ကြေးဖွင့် ပြီး သရေအတွက် ၃.၃၅ ဆ ကြေးဖွင့်ထားတာ တွေ့ရပါတယ်။ လိဒ်စ်ယူနိုက်တက် ကစားတဲ့ ပွဲဆိုရင် အနိုင်အရှုံးထက် နှစ်သင်းပေါင်း သွင်းဂိုးကိုပဲ အဓိက ဦးစားပေးကြည့်ပါ ဆိုတဲ့ အတိုင်း ဒီပွဲမှာလည်း သွင်းဂိုးတွေကိုပဲ စဉ်းစားစေချင်ပါတယ်။ သေချာပေါက်လည်း ဂိုးသွင်းမယ့် ပွဲလည်း ဖြစ်လို့ ၁.၈၁ ဆ ကြေးဖွင့်ထားတဲ့ ဂိုးပေါင်း ၂.၅၀ ကို အကြံပြုချင်ပါတယ်။ ခြေစွမ်းအရ ဆိုရင်တော့ လိဒ်စ်ယူနိုက်တက် ကိုပဲ ပိုသဘောကျပါတယ်။
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှု
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
