အီတလီ – ဆွစ်ဇာလန်
အခုတစ်ပတ် မှာတော့ ယူရို ၂၀၂၀ အုပ်စု ပွဲစဉ်(၂)ရဲ့ ပွဲကောင်းတွေ ဆက်ကစားဖို့ ရှိပြီး အီတလီနဲ့ ဆွစ်ဇာလန် တို့ရဲ့ တွေ့ဆုံမှု ကလည်း စိတ်ဝင်စားစရာပါ။ သမိုင်းတစ်လျှောက် အဓိကပြိုင်ပွဲကြီးတွေရဲ့ နောက်ဆုံးအဆင့်မှာ ၃ ကြိမ်သာ တွေ့ဆုံထားပေမယ့် ခြေစမ်းပွဲတွေနဲ့ ခြေစစ်ပွဲတွေတော့ မကြာခဏ ကစားနေတာကြောင့် တစ်သင်းခြေ တစ်သင်း သိနေကြမှာ သေချာပါတယ်။ ပြိုင်ပွဲစုံ ထိပ်တိုက် တွေ့ဆုံမှု တော်တော်များများ အသာရခဲ့တဲ့ အပြင် လက်ရှိ ယူရို ၂၀၂၀ မှာလည်း အီတလီဟာ အကောင်းပုံစံ ရနေလို့ ဆွစ်ဇာလန်တို့ ရောမမြေကနေ အမှတ်ဗလာနဲ့ အိမ်ပြန်ရဖို့ များနေပါတယ်။
ပြီးခဲ့တဲ့ ယူရို ၂၀၂၀ အဖွင့်ပွဲမှာ ရော်ဘတ်တို မန်ချီနီရဲ့ အသင်းက တူရကီလို ခံစစ်မာကျောတဲ့ အသင်းကို ပုံစံကောင်းတစ်ခုနဲ့ အတူ ၃ ဂိုးပြတ် အနိုင်ရထားပါတယ်။ အီတလီတို့ ပြိုင်ပွဲစုံ နောက်ဆုံး ၉ ပွဲဆက် အနိုင်ရထားခဲ့ပြီး ပေးဂိုးလည်း လုံးဝမရှိခဲ့တာ တွေ့ရပါတယ်။ ဒါကို ကြည့်ခြင်းအားဖြင့် အီတလီ ခံစစ်ရဲ့ တောင့်တင်းမှုကို သိနိုင်သလို အဲ့ဒီ ၉ ပွဲမှာ တစ်ပွဲကို အနည်းဆုံး ၂ ဂိုးပြတ် အနိုင်ရထားခဲ့တာ ကလည်း အီတလီ တိုက်စစ်ရဲ့ ထက်မြတ်မှုကို မြင်သာစေ ပါတယ်။ အီတလီတို့ ပွဲအစပိုင်းလောက်မှာ အထနှေး တတ်ပေမယ့် ပွဲချိန်ကြာလာတာနဲ့ အမျှ ပွဲကိုတဖြည်းဖြည်း စိုးမိုးကစားလာနိုင်ပြီး တိုက်စစ်က အင်ဆစ်ဂ်ညီ၊ အင်မိုဘီလီ၊ ဘာရက်ဒီ တို့လည်း ဂိုးသွင်းဖို့ အခွင့်အရေးတွေ ပိုရတတ်တာ တွေ့ရပါတယ်။ ပြီးခဲ့တဲ့ တူရကီနဲ့ ပွဲမှာ အီတလီ တို့ ပထမပိုင်း တစ်ပိုင်းလုံး ဂိုးရဖို့ ရုန်းကန်ခဲ့ရပေမယ့် ပြိုင်ဘက် နောက်ခံလူ ဒါမီရယ်ရဲ့ ကိုယ့်ဂိုးကိုယ် သွင်းယူခဲ့တာ ကနေ ဦးဆောင်ဂိုး စတင်ရရှိပြီး အင်မိုဘီလီ၊ အင်ဆစ်ဂ်ညီ တို့လည်း ဂိုးတွေ သွင်းနိုင်ခဲ့တာ ဖြစ်ပါတယ်။ လက်ရှိ ယူရို မှာ အီတလီတို့ကို အားသာစေတဲ့ အချက်က အရင်လို ခံစစ်အားပြုတဲ့အသင်း မဟုတ်တော့ပဲ ခံစစ်၊ ကွင်းလယ်၊ တိုက်စစ် မျှမျှတတ ကစားနိုင်တဲ့ အသင်း ဖြစ်လာခဲ့တာပါပဲ။ ဒါ့အပြင် နောက်တန်း ဘယ်ညာ အစွန်မှာ ကစားတဲ့ စပင်နာဇိုလာ၊ ဒီလော်ရန်ဇို၊ ဖလော်ရန်ဇီ၊ ဘက်စတိုနီ တို့ဟာ တိုက်စစ် အထိ လိုက်ပါပြီး ကိုယ်တိုင် ဂိုးသွင်းနိုင်သလို ဂိုးဖန်တီးမှု ပြုလုပ်နိုင်သူတွေ ဖြစ်တာကြောင့် ဘယ်လို ပြိုင်ဘက်မျိုးကိုမဆို အကောင်းဆုံး ရင်ဆိုင်နိုင်တဲ့ အခြေအနေ ဖြစ်ပါတယ်။
ပြီးခဲ့တဲ့ ပွဲမှာ ဝေးလ်စ်ကို အနိုင်ရသင့်တဲ့ ခြေစွမ်း ရှိပါလျက်နဲ့ ၁ မှတ်စီ ခွဲယူခဲ့ရတဲ့ ဆွစ်ဇာလန်တို့ ပွဲစဉ် ၂ မှာ အီတလီနဲ့ ကစားရမှာ ဖြစ်လို့ နောက်တစ်ဆင့် တက်ရေး အခြေအနေ ကတော့ သိပ်မကောင်းပါဘူး။ ဆွစ်တို့ ယူရို ၂၀၂၀ မှာ နောက်တစ်ဆင့် တက်ဖို့ အတွက်ဆိုရင် အခုပွဲက သေရေးရှင်ရေးမက အရေးကြီးနေပြီး မဖြစ်မနေ အမှတ်ရဖို့ လိုအပ်ပါတယ်။ အစဉ်အလာအရ အီတလီကို အသာရဖို့ ခက်ခဲခဲ့တယ် ဆိုပေမယ့် နောက်ဆုံး တွေ့ဆုံခဲ့တဲ့ ၃ ကြိမ်စလုံး သရေကစားနိုင်ခဲ့တဲ့ ဆွစ်ဇာလန်တို့ အခုပွဲကနေ အမှတ်ရနိုင်ချေတော့ ရှိနေပါသေးတယ်။ ဝေးလ်စ်နဲ့ ပွဲတုန်းက တစ်သင်းလုံး စွမ်းဆောင်ရည် မဆိုးဘူး ဆိုပေမယ့် ပေါ့ဆမိရင်တော့ ဂိုးအရမ်းသွင်းတဲ့ အီတလီ တိုက်စစ်ရဲ့ ဆွဲစားခြင်းကို ခံရဖို့ ရှိပြီး ရှုံးထွက် မျှော်လင့်ချက်လည်း တော်တော်လေး မှေးမှိန်သွားနိုင်ပါတယ်။ ဒါ့ကြောင့် ဖြစ်နိုင်ချေနည်းတဲ့ အိမ်ရှင် အသင်းကို အနိုင်ကစားဖို့ ရည်ရွယ်ချက်ထက် ခံစစ်ပုံကောင်းကောင်းနဲ့ သရေတစ်မှတ် ရအောင်ယူဖို့ ရည်ရွယ်ချက်က ဆွစ်တို့အတွက် ပိုပြီး ဖြစ်နိုင်ချေ ရှိပါလိမ့်မယ်။
ထိပ်တိုက်တွေ့ဆုံမှုနဲ့ သမိုင်းကြောင်း
ဒီနှစ်သင်းဟာ သမိုင်းတစ်လျှောက် ၅၈ ကြိမ် ထိပ်တိုက်တွေ့ဆုံခဲ့ပြီး အီတလီက ၂၈ ကြိမ် အနိုင်ရပြီး ဆွစ်ဇာလန်က ၈ ပွဲပဲ ပြန်ပြီး အနိုင်ရခဲ့ပါတယ်။ ဒါပေမယ့် ဂိုးပြတ်တဲ့ ပွဲက တော်တော်ရှားပြီး ၁ ဂိုးလောက်နဲ့ပဲ ကပ်ပြီး အနိုင်ရခဲ့ကြတာ များပါတယ်။ နောက်ဆုံး ကစားခဲ့တဲ့ ၃ ပွဲမှာတော့ သရေရလဒ် ထွက်ပေါ်ထားခဲ့ပြီး ၃ ပွဲစလုံးက ခြေစမ်းပွဲတွေ ဖြစ်ပါတယ်။ အဓိက ပြိုင်ပွဲတွေရဲ့ နောက်ဆုံးအဆင့် မှာတော့ ဒီတစ်ကြိမ် နဲ့မှ ၃ ကြိမ်မြောက် ကစားရမှာ ဖြစ်ပါတယ်။ ၁၉၅၄ နဲ့ ၆၂ ကမ္ဘာ့ဖလားမှာ တွေ့ဆုံခဲ့တာ ဖြစ်ပြီး တစ်ပွဲစီ အနိုင်ရထားခဲ့ကြပါတယ်။
အီတလီ – ဆွစ်ဇာလန်
 |
 |
အီတလီ vs ဆွစ်ဇာလန် | အချိန်ပြည့် 1X2 အီတလီ @ ၁.၆၀ ဆ |
| ဇွန်လ ၁၇ ရက်, မနက် ၁:၃၀ နာရီ (GMT + ၆:၃၀) |
1X2 ရဲ့ ပေါက်ကြေးအရ အီတလီ အတွက် ၁.၆၀ ဆ နဲ့ ဆွစ်ဇာလန် အတွက် ၆.၀၀ ဆ ကြေးဖွင့် ပြီး သရေအတွက် ၃.၇၅ ဆ ကြေးဖွင့်ထားတာ တွေ့ရပါတယ်။ လက်ရှိ ယူရို ၂၀၂၀ အုပ်စု အဆင့် ပထမပွဲတွေ အပြီး မြင်ရသလောက် အီတလီဟာ ပြိုင်ပွဲဝင် အသင်းတွေ အားလုံးထဲမှာ တစ်ဦးချင်းရော၊ အသင်းလိုက်မှာပါ အားရစရာ အကောင်းဆုံးပါပဲ။ ဂိုးမပေးရပဲ အနိုင်ယူရတဲ့ အရသာကို ကောင်းကောင်းကြီး သိနေတဲ့ အဇူရီသားတို့ စိတ်ဓာတ်ပိုင်းကလည်း အမြင့်ဆုံးမှာ ရှိနေပါတယ်။ ဆွစ်ဇာလန် ကလည်း လျှော့တွက်လို့ မရတဲ့ အသင်းဆိုပေမယ့် အီတလီကို အသာရဖို့ ဆိုတာတော့ အရင်ကလည်း မမျှော်လင့်နိုင်ခဲ့သလို အခုလည်း မျှော်လင့်နိုင်ဖို့ မရှိပါဘူး။ ဒီနှစ်သင်းတွေ့ဆုံချိန် တော်တော်များများမှာ ၁-၂၊ ၁-၁၊ ၀-၀၊ ၁-၀ ရလဒ်တွေ ထွက်ပေါ်ခဲ့တာကြောင့် ဂိုးပေါင်း ၃ဂိုးနဲ့ အောက်ကို ထည့်စဉ်းစားစေချင်ပါတယ်။
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှု
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
