အာဆင်နယ်ရဲ့ ပရီးမီးယားလိဂ် အဝေးကွင်း ရှုံးပွဲမရှိစံချိန်ကို ယူနိုက်တက်တို့ တကယ်ပဲ အမှီလိုက်နိုင်တော့မှာလား???

အိုလီဂန်နာဆိုးလ်ရှား ရဲ့ အသင်းကတော့ လက်ရှိမှာ အကောင်းဆုံး ပုံစံနဲ့ အတူ ပရီးမီးယားလိဂ်ရော၊ ယူရိုပါလိဂ်မှာပါ ရလဒ်ကောင်းတွေ ရရှိနေခဲ့တာတွေ့ရပါတယ်။ ယူရိုပါလိဂ်မှာ ဆီမီးဖိုင်နယ် အဆင့်ထိ ရောက်ရှိနေပြီ ဖြစ်သလို ပရီးမီးယားလိဂ် မှာတော့ ချန်ပီယံဆုဖလား မျှော်လင့်ဖို့ မဖြစ်နိုင်တော့ပေမယ့် နောက်ဆုံး ၁၃ ပွဲဆက် ရှုံးပွဲမရှိခဲ့သလို ၇ ပွဲနိုင်၊ ၆ ပွဲသရေကျထားပါတယ်။

ဒါထက် စိတ်ဝင်စားဖို့ကောင်းတာက ယူနိုက်တက်တို့ ဒီရာသီ ပရီးမီးယားလိဂ်မှာ အဝေးကွင်း ၂၄ ပွဲဆက် ရှုံးပွဲမရှိတဲ့ စံချိန်ကောင်းတစ်ရပ်ကို ပိုင်ဆိုင်ထားတာ ဖြစ်ပါတယ်။ လက်ရှိမှာ ယူနိုက်တက်တို့ အနေနဲ့ ၂၀၀၁-၂၀၀၂ တုန်းက အာဆင်နယ်တို့ တင်ထားတဲ့ ၂၃ ပွဲဆက် အဝေးကွင်း ရှုံးပွဲမရှိ စံချိန်ကို ကျော်ဖြတ်ထားနိုင်ခဲ့ပြီဖြစ်လို့ ၂၀၀၃-၀၄ မှာတင်ခဲ့တဲ့ ၂၇ ပွဲဆက် စံချိန်ကိုရော ထပ်မံ ချိုးဖျက်နိုင်ဦးမလား ဆိုတာ စိတ်ဝင်စားဖို့ ကောင်းနေပါတယ်။ အခုဆက်လက်ပြီးတော့ ပရီးမီးယားလိဂ် သမိုင်းမှာ ဘယ်အသင်းတွေက အဝေးကွင်းရှုံးပွဲမရှိ စံချိန်ကို အကြာဆုံး တင်ထားခဲ့ကြသလဲ ဆိုတာ ဖော်ပြပေးသွားပါမယ်။
 

အာဆင်နယ် – ၂၇ ပွဲ (၂၀၀၃-၀၄)

အာဆင်နယ်တို့ တစ်ရာသီလုံး ရှုံးပွဲမရှိပဲ ပရီးမီးယားလိဂ် ရွှေဖလားကို ရရှိခဲ့တဲ့ ရာသီက ဒီစံချိန်ကို ပိုင်ဆိုင်ခဲ့တာ ဖြစ်ပါတယ်။ အာဆင်နယ်တို့ ၂၀၀၃ ခုနှစ် ဧပြီ ၅ ရက်နေ့မှာ အက်စတွန်ဗီလာနဲ့ ၁ ဂိုးစီ သရေကျခဲ့တဲ့ ပွဲကစပြီး ရှုံးပွဲမရှိခဲ့တာ ၂၀၀၄ ခုနှစ် အောက်တိုဘာလ ၂၄ ရက်နေ့ မန်ချက်စတာယူနိုက်တက်ကို ၂ ဂိုးပြတ်နဲ့ ရှုံးနိမ့်ခဲ့တဲ့ ပွဲအပြီးမှ ကျိုးပျက်သွားခဲ့တာ ဖြစ်ပါတယ်။ တစ်နည်းအားဖြင့် အာဆင်နယ်တို့ ၂၀၀၂-၂၀၀၃ ဘောလုံးရာသီမှာ ကစားခဲ့တဲ့ ၄ ပွဲနဲ့ ၂၀၀၃-၂၀၀၄ မှာ ၁၉ ပွဲ၊ ၂၀၀၄-၀၅ ရာသီမှာ ၄ ပွဲ၊ စုစုပေါင်း ၂၇ ပွဲဆက် အဝေးကွင်း ရှုံးပွဲမရှိ စံချိန်တင်နိုင်ခဲ့တာ ဖြစ်ပါတယ်။
 

မန်ချက်စတာယူနိုက်တက် – ၂၄ ပွဲ (၂၀၂၀-လက်ရှိ)

မန်ချက်စတာယူနိုက်တက်တို့ ၂၀၂၀ ခုနှစ် အောက်တိုဘာလ ၁၇ ရက်နေ့ကတည်းက အဝေးကွင်း ရှုံးပွဲမရှိခဲ့တာ လက်ရှိအချိန်ထိ ဖြစ်ပြီး စုစုပေါင်း ၂၄ ပွဲအထိ ရှိခဲ့ပါပြီ။ ၂၀၀၁-၂၀၀၂ ခုနှစ် ပရီးမီးယားလိဂ် ရာသီက အာဆင်နယ် တင်ထားခဲ့တဲ့ စံချိန်ကို ကျော်ဖြတ်ထားနိုင်ခဲ့ပြီး နောက်ထပ် ၂၇ ပွဲစံချိန်ကို ကျော်ဖြတ်နိုင်ဖို့ တစ်သင်းလုံး ပစ်မှတ်ထားနေတယ်လို့ သိရပါတယ်။ အိုလီဂန်နာဆိုးလ်ရှား အနေနဲ့ ဆုဖလား အောင်မြင်မှု တစ်စုံတစ်ရာ မရသေးပေမယ့် ဆာအဲလက်စ်ဖာဂူဆန် မရခဲ့ဖူးတဲ့ စံချိန်ကောင်းတွေတောင် ပိုင်ဆိုင်ထားပြီး မြို့ခံပြိုင်ဘက် မန်ချက်စတာစီးတီးကို အဝေးကွင်းမှာ ကစားခဲ့တဲ့ ၃ ပွဲစလုံး အနိုင်ရတဲ့ စံချိန်လည်း အပါအဝင် ဖြစ်ပါတယ်။ တစ်ချက်ရှိတာက ဒီရာသီအတွက် ပရီးမီးယားလိဂ် အဝေးကွင်း လက်ကျန်ပွဲစဉ် ၂ ပွဲပဲ ကစားဖို့ ကျန်ရှိတော့တာကြောင့် အာဆင်နယ်ရဲ့ စံချိန်ကို ကျော်ဖြတ်နိုင်ဖို့အတွက် ဆိုရင်တော့ နောက်ရာသီအအထိ စောင့်ရမှာ ဖြစ်ပါတယ်။
 

အာဆင်နယ် – ၂၃ ပွဲ (၂၀၀၁-၀၂)

အာဆင်နယ်ဟာ အင်္ဂလန်ဘောလုံး သမိုင်းမှာ တတိယ အအောင်မြင်ဆုံး အသင်းသာ ဖြစ်ပေမယ့် ပြိုင်ဘက်တွေ မရခဲ့တဲ့ စံချိန်တွေကိုတော့ ပိုင်ဆိုင်ထားတဲ့ အသင်းဖြစ်ပါတယ်။ ပရီးမီးယားလိဂ် ၂၇ ပွဲဆက် အဝေးကွင်း ရှုံးပွဲမရှိစံချိန် မတင်ခင် ၂၀၀၁-၀၂ ရာသီမှာကတည်းက ၂၃ ပွဲဆက် ရှုံးပွဲမရှိ စံချိန်ကို တင်နိုင်ခဲ့တာ ဖြစ်ပြီး မှတ်မှတ်ရရ အဲ့ဒီအချိန်တုန်းက အာဆင်နယ်ရဲ့ စံချိန်ကို ချိုးဖျက်ခဲ့သူကတော့ တစ်ချိန်မှာ ယူနိုက်တက်ရဲ့ နာမည်ကျော် ကစားသမားဖြစ်လာမယ့် အဲဗာတန် တိုက်စစ်မှူးလေး ဝိန်းရူနီပါပဲ။
 

လစ်ဗာပူးလ် – ၂၁ ပွဲ (၂၀၁၉-၂၀)

ဒီလို စံချိန်ကောင်းတွေ ပိုင်ဆိုင်ထားတဲ့ အသင်းတွေထဲမှာ ယူနိုက်တက်နဲ့ အမြဲတမ်း အပြိုင်ဖြစ်ခဲ့တဲ့ အင်္ဂလန်ရဲ့ အကောင်းဆုံး အသင်း လစ်ဗာပူးလ်လည်း ပါဝင်နေပါတယ်။ ဂျာဂျင်ကလော့ပ်တို့ အုပ်စု ပရီးမီးယားလိဂ် ချန်ပီယံဆု ကို နှစ်ပေါင်း ၃၀ အကြာမှ ပြန်ပြီး ကိုင်မြှောက်ခွင့်ရတဲ့ ရာသီမှာ ဒီစံချိန်ကို ရရှိခဲ့တာ ဖြစ်ပါတယ်။ ဘရိုက်တန်ကို ၁-၀ နဲ့ အနိုင်ရခဲ့တဲ့ ပွဲကစပြီး အဝေးကွင်း ရှုံးပွဲမရှိခဲ့တာဟာ ၂၀၂၀ ခုနှစ် ဖေဖော်ဝါရီလ ၂၉ ရက်နေ့ ဝက်ဖို့ဒ်ကို ၃ ဂိုးပြတ် ရှုံးမှ ရပ်တန့်သွားခဲ့တာ ဖြစ်ပါတယ်။ အာဆင်နယ်ရဲ့ ၄၉ ပွဲဆက် ပရီးမီးယားလိဂ် ရှုံးပွဲမရှိစံချိန်ကို လိုက်မှီဖို့ ၅ ပွဲသာ လိုတော့တဲ့ အချိန်မှာ ကျိုးပျက်ခဲ့ရတာလည်း ဖြစ်ပါတယ်။ ဒါပေမယ့်လည်း ကြိုးကြာနီတို့ အနေနဲ့ ချန်ပီယံလိဂ်၊ စူပါဖလား၊ ဖီဖာကလပ်ကမ္ဘာ့ဖလား အားလုံးကို တစ်ပြိုင်နက်တည်း ကိုင်မြှောက်နိုင်ခဲ့တဲ့ ပထမဆုံး အင်္ဂလန် အသင်းအဖြစ် မှတ်တမ်းဝင်ခဲ့ပါတယ်။

1X2 မန်ချက်စတာ ယူနိုက်တက် @ 2.77 လီဗာပူးလ် အာရှ ဟန်းဒီးကပ် -0.25 @ 2.28 ဂိုးပေါ် 3.00 @ 2.38 Third Line text ဒီနေရာတွင် နှိပ်ပါ ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။ ပရီးမီးယား လိဂ်

နော့တင်ဟမ်ဖောရက်စ် – ၂၁ ပွဲ (၁၉၇၇-၇၈)

လက်ရှိမှာ ဘောလုံးပရိသတ်တွေနဲ့ အဝေးဆုံးကို ရောက်သွားခဲ့တဲ့ နော်တင်ဟမ်ဖောရက်စ် ဟာလည်း စံချိန်ကောင်းတွေ တင်နိုင်ခဲ့တဲ့ အသင်းတစ်သင်းဖြစ်ပါတယ်။ တစ်ချိန်က ပရီးမီးယားလိဂ် ကလပ်အသင်းကြီး တစ်သင်း ဖြစ်ခဲ့သလို သူတို့ အသင်း ပရီးမီးယားလိဂ် ဖလား ရရှိခဲ့တဲ့ နှစ်မှာ ဒီစံချိန်ကို တင်နိုင်ခဲ့တာ ဖြစ်ပါတယ်။ မှတ်မှတ်ရရ နော်တင်ဟမ်ဖောရက်စ်ဟာ ချန်ပီယံလိဂ်ဖလား ၂ ကြိမ်၊ ယူအီးအက်ဖ်အေ စူပါဖလား ၁ကြိမ်၊ ပရီးမီးယားလိဂ်ဖလား ၁ ကြိမ်၊ အက်ဖ်အေဖလား ၂ ကြိမ်၊ လိဂ်ဖလား ၄ ကြိမ် ကိုင်မြှောက်ခဲ့ဖူးတဲ့ အသင်းလည်း ဖြစ်ပါတယ်။
 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.